समाज : जीवनशैली

काठमाडौं । घटस्थापना शुरु भएपनि दशैंमा घर फर्कने यात्रु नहुँदा लामो दुरीका सवारीसाधनमा खासै भिडभाड देखिएको छैन । काठमाडौं बाहिर जाने मुख्य नाकाहरु कलंकी र कोटेश्वर पुग्दा सवारीसाधनमा भिडभाड देखिएन् । सरकारले कात्तिक १ गतेदेखि पुरानै भाडादर लागू गरी पूर्ण क्षमतामा सवारी साधन सञ्चालन गर्न अनुमति दिएको छ । तरपनि सवारीसाधनमा यात्रा गर्ने यात्रुहरुको संख्या न्यून देखिएको छ । अघिल्ला वर्षहरुमा दशैं शुरुभएसँगै काठमाडौं उपत्यकाबाट घर फर्किनेहरुको चहलपहल बसपार्क, कलंकी, र कोटेश्वर क्षेत्रमा निकै देखिन्थ्यो । अग्रिम टिकट बुकिङ गर्दा समेत सहजै यात्रा गर्न मुस्किल पर्ने गर्दथ्यो । तर, यसवर्ष कोभिड संक्रमणका कारण ती क्षेत्रहरु सुनसान छन् । लामो दुरीमा यात्रा गर्ने सवारी साधन नै न्यून देखिन्छन भने यात्रुहरुको संख्या पनि निकै कम छ । कात्तिक एक गतेदेखि सरकारले सवारी साधनको पुरानै भाडादर कायम राख्ने तर पूर्ण क्षमतामा यात्रु राख्न पाउने व्यवस्था गरेको छ । तरपनि यात्रु नपाउँदा समस्या भएको यातायात व्यवसायीहरुको भनाई छ । सरकारले पुरानै भाडादर कायम गरेपनि यात्रु पाउन कठिन भएको सवारीसाधन चालकहरु बताउँछन् । बसमा पूर्ण क्षमतामा यात्रु राख्दा जोखिम बढी हुने भएकाले यात्रुहरु नै बस चढन नमान्ने गरेको चालकहरु बताउँछन् । बसमा यात्रा गर्ने यात्रुहरु पनि असुरक्षित महसुस भएको बताएका छन् । सवारीसाधनमा यात्रा गर्ने यात्रुको संख्या न्यून भएको तर लामो समय कुरैरै भएपनि पूर्ण क्षमतामा यात्रु राख्ने गरेकोले जोखिम महसुस भएको यात्रुहरुको भनाई छ । यस्तै सार्वजनिक सवारीसाधनमा सामाजिक दुरी कायम नगर्ने, मास्क र सेनिटाइजरको प्रयोग नगरेको पाइएकाले पनि संक्रमणको जोखिम महसुस भइराखेको यात्रुहरु बताउँछन् । संक्रमणको जोखिमका कारण नेपाल सरकार र स्थानीय तहहरुले जो जहाँ छ त्यहिं नै दशैं मनाउन आग्रह गर्दै आएका छन् । त्यसैले पनि यसपटकको दशैंमा उपत्यकाबाट घर फर्किने मानिसहरु न्यून संख्यामा देखिएका छन् ।

काठमाडौं । ट्रान्स सोलुसन नेपाल र एभरेष्ट एडभेन्चर एण्ड इन्फोटेन्मेन्ट प्रालिले ‘बस टू एभरेष्ट टूर’ आयोजना गर्ने भएको छ । १२ देशका पर्यटकलाई लक्षित गरी आयोजना गर्न लागिएको सो टूर प्याकेजमा पर्यटकले बसबाटै सगरमाथाको बेस क्याम्पसम्म यात्रा गर्न पाउने छन् । नेपालको पर्यटन क्षेत्रको विकास र प्रबद्र्धन गर्न नयाँ अवधारणा आवश्यक भएकोले यस्तो टूर प्याकेज संचालन गर्न लागिएको टूर म्यानेजर ट्रान्स सोलुसन नेपालका डाइरेक्टर धर्मेन्द्र सापकोटाले जानकारी दिए । यस्तो प्याकेज अंग्रेजी महिनाको अप्रिलदेखि सुरु भएर सेप्टेम्बर महिनासम्म ६ महिना चल्नेछ । ‘पर्यटनको प्रचुर सम्भावना भएर पनि नेपालले यसबाट अपेक्षित फाइदा लिन सकेको छैन, पर्यटन क्षेत्रमा अब नयाँ अवधारणासहित काम गर्नुपर्ने आवश्यकता देखिएको छ, यही आवश्यकतालाई मध्येनजर गर्दै हामीले बस टू एभरेष्ट टूर आयोजना गर्न लागेका हौं,’ डाइरेक्टर सापकोटाले विकासन्युजसँग भने । यस्तो टुर देश अनुसार कम्तिमा २३ दिनदेखि बढीमा ६५ दिनसम्मको हुनेछ । पर्यटकलाई फाइभस्टार होटलमा राख्ने व्यवस्था मिलाइएको छ । विदेशी पर्यटक नेपाल भित्र्याउने मुख्य उदेश्य राखेर संचालन गर्न लागिएको यो टूर प्याकेजमा आएका पर्यटकलाई काठमडौंदेखि सगरमाथाको बेस क्याम्पसम्म जहाजमा लाने र त्यसपछि फर्कदा आफै टिकट काटेर वा टूर संचालकसँग समन्वय गरेर त्यही बस फर्कन पनि पाउने सापकोटाको भनाइ छ । यो टूरमा सबैभन्दा सस्तो भनेको २३ रातको लागि प्रतिव्यक्ति ६ हजार ५ सय ५१ अमेरिकी डलर तोकिएको छ । यो खर्चमा पर्यटकले एभरेष्ट–चाइना–उत्तर कोरिया–सोल यात्रा गर्न पाउने छन् । यस्तो खर्चमा खाने, बस्ने लगायतका सुविधा जोडिएको छ । यस्तै, सबैभन्दा महंगो टूर भनेको १६ हजार ५ सय २१ अमेरिकी डलरको छ । यो टुर गर्न ५७ दिन लाग्नेछ भने पर्यटकले एभरेष्ट–पोल्याण्ड–मिलान यात्रा गर्न पाउने छन् । यात्राको लागि टूर संचालकले युरोपको युरो फिट कम्पनीसँग बसको लागि सम्झौता गरेको छ । सो कम्पनीसँग १२० वटा अत्याधुनिक सुविधा सम्पन्न बस रहेको सापकोटाले बताए । ‘हामीले १२ देशलाई तार्गेट गरेका छौं, ती देशबाट प्रत्येक हप्ता एउटाका दरले रेगुलर रिजर्भ बस छुट्नेछन्, रुट भने बढी मात्रामा १७औं शताब्धीतिर नेपाल आउन पर्यटकले प्रयोग गर्ने गरेको हिप्पी ट्रेल नै हो, त्यसमा पर्यटकीय महत्वका थप डेस्टिनेसन पनि जोड्ने प्रयास गरिएकोले कही यताउता हुन सक्छ,’ सापकोटाले थपे । नेपाली पनि बसमै लण्डनसम्म जान पाउने सो टूर प्याकेज अन्तरगत नेपाली पनि बसमै लण्डनसम्मको यात्रा गर्न पाउने अवसर प्राप्त गर्ने सापकोटाको भनाइ छ । तर, युरोपेली देशले नेपालीलाई सहजै भिसा नदिने भएकोले केही समस्या आउन सक्ने उनले बताए । ‘विभिन्न देशबाट आएका बसहरु एभरेष्ट बेस क्याम्पमा पुगेपछि खाली हुनेछन्, यस्ता बसमा नेपाली वा नेपालमा भएका पर्यटक फर्कन सक्ने सम्भावना पनि हुन्छ, तर, नेपालीले सहजै भिसा पाउन नसक्ने र खर्च पनि बढी लाग्ने भएकोले धेरै पर्यटक पाउन सहज छैन, फेरि हाम्रो लक्ष्य पनि विदेशी पर्यटक नेपाल भित्र्याउने हो, त्यसैले बेस क्याम्पबाट फर्कने बसमा भारतीय, पाकिस्तानी, बंगलादेशी लगायतका पर्यटक बढी हुने गरी हामीले प्रचार प्रसार गरिरहेका छौं,’ सापकोटाले भने ।

काठमाडौं । घर आँगनमा मठ बनाएर राखिने तुलसी धार्मिक रुपले महत्वपूर्ण त मानिन्छ नै । यसको वैज्ञानिक महत्व समेत रहेको छ । मात्रा मिलाएर सेवन गर्नाले तुलसी र पुदिना पाचन क्रियाको लागि पनि लाभदायक हुने गर्छ । पाचन प्रकृया बढाउन अहिलेको समयमा अपच हुनेदेखि कब्जियत लगायतका समस्या धेरैमा हुने गरेको छ । पाचनक्रिया सन्तुलित बनाउन तुलसी वा पुदिनाको पात सेवन गर्न विज्ञहरुले सुझाएका छन् । तुलसी र पुदिनाले मुख्यतय शरिरमा उत्पन्न हुने विकार तथा एसिडलाई सन्तुलन राख्दछन् । सुगर तथा रक्त संचारलाई उपयोगी सुगर भएका बिरामी तथा रक्त संचार राम्रो बनाउँन तुलसी तथा पुदिनाको भूमिका महत्वपूर्ण हुन्छ । रक्त संचारमा सघाउने तथा इन्सुलिनको मात्रा मिलाउन तुलसी तथा पुदिन सहयोगी मानिन्छ । सर्दी हटाउन ठन्डी लागेको अवस्थामा समेत तुलसीको सेवन गर्न सकिन्छ । तुलसी तथा पुदिनाले शरिरमा सर्दी लाग्दा त्यसबाट मुक्ति दिलाउन सहयोग गर्ने अध्ययनहरुले देखाएका छन् । तनाव कम गर्न अहिले मानिस विभिन्न किसिमका तनावबाट गुज्रिरहेका छन् । कसैलाई पारिवारीक तनाव छ भने कसैलाई कार्यालयको तनाव भएको हुन सक्छ । अझ कोरोना महामारीपछि त विश्वमा नै तनाव लिनेको संख्यामा वृद्धि भएको छ । यस्तो अवस्थामा तनाव कम गर्न तुलसी तथा पुदिनाकोे सेवन गर्न सकिन्छ । अनुहारमा चमक ल्याउन अनुहारमा चमक ल्याउन पनि पुदिना तथा तुलसीको सेवन गर्नु राम्रो मानिन्छ । अन्य विभिन्न फाइदाहरु रहेका कारण पुदिना तथा तुलसी सकेसम्म दैनिक सेवन गर्नु राम्रो मानिदै आएको छ । (अन्तराष्ट्रिय विभिन्न संचारमाध्यमको सहयोगमा)