राष्ट्रपतिमा पुनः जिताउन ट्रम्पले चीनको सहयोग मागेको बोल्टनको दाबी
वासिङ्टन । अमेरिकी राष्ट्रपति डोनाल्ड ट्रम्पले सन् २०२० को राष्ट्रपतीय निर्वाचनमा आफूलाई सघाउन चिनियाँ राष्ट्रपति सी जिनपिङको सहयोग मागेको ट्रम्पका पूर्व राष्ट्रिय सुरक्षा सल्लाहकार जोन बोल्टनले आरोप लगाएका छन् । बोल्टनले आफूले प्रकाशन गर्न लागेको संस्मरणात्मक पुस्तकमा ह्वाउट हाउसमा राष्ट्रपति ट्रम्पसँग भएका अन्तरंग कुराकानी र विमती समेतका विविध गतिविधिका बारेमा लेखिएको छ । उक्त पुस्तकको केही अंश अमेरिकी अखबारहरुमा प्रकाशन भएका छन् । पुस्तकमा राष्ट्रपति ट्रम्पले अमेरिकी विदेश नीतिलाई सन् २०२० को राष्ट्रपतीय चुनावमा आफू विजयी हुनेतर्फ लक्षित गर्नु भएको जिकिर गरिएको छ । अमेरिकी अखबार दी वासिङ्टन पोस्ट, न्यूयोर्क टाइम्स र वालस्ट्रिट जर्नलमा प्रकाशित पुस्तकको अंशमा बोल्टनले चिनियाँ मानव अधिकार दुव्र्यवहारका घटनालाई ट्रम्पले पटकपटक बेवास्ता गरेकाे आरोप लगाएका बोल्टनले भने, “ह्वाइट हाउसको कार्यकालको अवधिमा ट्रम्पका निर्णय प्रक्रियाहरु सन् २०२० को राष्ट्रपतीय निर्वाचनमा बढी केन्द्रित हुने गरेका थिए, र त्यसका लागि ममाथि दबाब थियो ।” गत डिसेम्बरमा राष्ट्रपति ट्रम्पमाथि डेमोक्र्याटिक पार्टीका तर्फबाट राष्ट्रपतिका सम्भावित उम्मेदवार जो बाइडेनमाथि युक्रेनको सहयोग लिएर हिलो छ्याप्न खोजेको भन्दै अमेरिकी संसदमा महाभियोग समेत दर्ता भएको थियो । गत जुनमा चिनियाँ राष्ट्रपति सीसँगको एउटा महत्वपूर्ण बैठकमा ट्रम्पले चीन–अमेरिका आर्थिक साझेदारीको विषयमा आफ्नो निर्वाचनले धेरै फरक पार्ने भन्दै चुनावमा सीको समर्थन लिन खोजेको बोल्टनले दाबी गरेका छन् । बोल्टनले राष्ट्रपति ट्रम्पले अमेरिकी किसानको औचित्य र महत्वमाथि जोड दिँदै चीनबाट सोयाबिन र गहुँको खरिदले अमेरिकी मतदातामा सकारात्मक असर पार्ने सोच्नु भएको बताए । बोल्टनले भने, “म ट्रम्पका हरेक शब्द छाप्न सक्थें तर सरकारको पूर्व प्रकाशन पुनरावलोकन प्रक्रियाले मलाई सम्पूर्ण कुरा बाहिर ल्याउन कठिन बनाएको छ ।” ट्रम्प प्रशासनका तर्फबाट अमेरिकी न्याय विभागले बोल्टनको पुस्तकको तत्काल प्रकाशन रोक्ने उद्देश्यले अदालतमा मुद्दा दायर गरेको छ । विभागले बोल्टनको पुस्तक अमेरिकी सुरक्षामा खतरा उत्पन्न गर्न सक्ने दाबी गरेको छ । रासस–एएफपी
हाइड्रोक्सीक्लोरोक्वाइनको प्रयोगमा अमेरिकी एजेन्सीले लगायाे प्रतिबन्ध
काठमाडाैं । संयुक्त राज्य अमेरिकाले कोरोना भाइरस अन्तर्गत आपतकालिन उपचारका लागि हाइड्रोक्सीक्लोरोक्वीन नामक औषधि प्रयोग गर्न प्रतिबन्ध लगाएको छ । अमेरिकी सरकारको फूड एण्ड ड्रग एडमिनिस्ट्रेशन (एफडीए) ले भनेका छन कि यो एन्टी-मलेरियाल औषधीको क्लिनिकल परीक्षणबाट प्राप्त नयाँ प्रमाणहरूले देखाए कि यो डरलाग्दो भाइरस र संक्रमणबाट बिरामी नभएकाहरुको लागी औषधी प्रभावहीन रहेकाे जनाएकाे छ । मार्चमा, एफडीएले गम्भीर केसहरूमा यो औषधिको प्रयोगलाई अनुमोदन गर्यो । यद्यपि यसको बाबजुद पनि अमेरिकी राष्ट्रपति डोनाल्ड ट्रम्पले यस औषधिको प्रयोगलाई जायज ठहराएका थिए । एफडीएले लागूपदार्थ प्रयोग गर्न रोक्ने निर्णयप्रति प्रतिक्रिया व्यक्त गर्दै राष्ट्रपति ट्रम्पले सोमबार पत्रकारहरूलाई भने, ‘मैले यो औषधि लिएँ र मलाई यो मनपर्यो। मलाई कुनै गुनासो छैन, मैले यो औषधि दुई हप्ता लिएँ, र म तपाईंको अगाडि छु ।’ ७४ वर्षीय राष्ट्रपतिले भने, ‘धेरै व्यक्तिले यस औषधिले जीवन बचायो ।’ (बीबीसीकाे सहयाेगमा)
बेइजिङमा कोरोना संक्रमित थपिएसँगै लकडाउनमा कडाई, स्कुल तथा मनोरञ्जन क्षेत्र बन्द
काठमाडौं । फेरी कोरोना संक्रमित देखिएसँगै चीन सरकारले बेइजिङमा लकडाउन थप कडाई गरेको छ । केही हप्ता थप संक्रमित नदेखिएको चीनमा लकडाउन खुल्ला गरेसँगै पछिल्ला दिनमा कोरोनाको दास्रो लहर शुरु हुने खतरा बढ्ने आशंका बढेसँग लकडाउनमा कडाई गरेको हो । बेइजिङमा विद्यालय, खेलकुद तथा मनोरञ्जन लगायतका क्षेत्रहरु बन्द गरेको छ भने नयाँ सुरक्षा चेकपोस्टहरू स्थापना गरेको छ । मानिसहरूलाई कोरोना टेस्ट गराउन भनिन्छ भने सुपरमार्केट र कार्यालयहरूमा पुनः तापक्रम जाँच गरेर प्रवेश गर्ने सुरु गरिएको छ । कोरोना संक्रमणको नयाँ लहर बेइजिङको सबैभन्दा होलसेल बजारबाट धेरै फैलिन शुरू भएको छ । परीक्षणको कार्य पनि तिव्र बनाएको छ । हालसम्म चीनमा ८३ हजार २ सय २२ जनामा काेराेना संक्रमण पुष्टि भएकाे छ । पछिल्लाे २४ घण्टामा ४० जनाभन्दा बढीमा काेराेना देखिएकाे छ । त्यस्तै अहिलेसम्म ४ हजार ६ सय ३४ जनाकाे काेराेनाबाट ज्यान गुमाइसकेका छन् । चीनकाे वुहान शहरमा २०१९ काे डिसेम्बरबाट देखापरेकाे काेराेना संसारभरी नै फैलिएकाे छ ।
