समाज : खेलकुद

काठमाडाैं । बजाज पल्सर एभरेष्ट प्रिमियर लिग क्रिकेट अन्तर्गत काठमाडौं किङ्गस् इलाभेन टिमको मुख्य प्रायोजन शिवम् सिमेन्टले गर्ने भएको छ । यहि असोज ९ गतेदेखि असोज २३ गतेसम्म किर्तिपुरस्थित टियु मैदानमा हुन गईरहेको बजाज पल्सर एभरेष्ट प्रिमियर लिगमा शिवम् सिमेन्ट स्ट्रेन्थ पार्टनरको रुपमा काठमाडौं किङ्गस् इलाभेनमा आवद्ध हुने छ । हालै भएको एक औपचारिक कार्यक्रममा शिवम् सिमेन्ट र काठमाडौं किङ्स ११ को तर्फबाट टेली होल्डिङ्सबीच सम्झौता हस्ताक्षर भएको थियो । शिवम्ले काठमाडौं किङ्गस् इलाभेन टिमको मुख्य प्रायोजन तथा लिगको अवधिभर टेलिभिजन ब्रोडकाष्टको लागि स्ट्रेन्थ पार्टनरको रूपमा समेत आवद्ध हुने जनाएको छ । टियू खेल मैदानमा १५ दिनसम्म सञ्चालन हुने बजाज पल्सर एभरेष्ट प्रिमियम लिगमा ६ टिमहरु सहभागि हुनेछन् । बहुचर्चित नेपाली बलर सन्दिप लामिछानेको कप्तानीमा उत्रिन लागेको काठमाडौं किङ्गस् इलाभेन टिममा अन्तर्राष्ट्रिय स्तरको ख्यातिप्राप्त अल राउण्डर क्रिकेटर साहिद अफ्रिदी र जनकप्रकाश आवद्ध छन् भने गुल्शन झा, सुवास खकुरेल र सिद्धान्त लोहनी सहित राष्ट्रियस्तरका स्टार खेलाडीहरू रहेका छन ।  

काठमाडौं । शिव शक्ति ग्रुप काठमाडौं किङ्गस एक्सआइको गोल्ड पार्टनर भएको छ । टेलि होल्डिङ्गस अन्तर्गतको एभरेष्ट प्रिमियर लिगमा खेल्ने फ्रान्चाइज टोली काठमाडौं किङ्गस एक्सआइ र शिव शक्ति ग्रुपको फ्यामिली वोइल र उर्जा राइसबीच यसबारे सोमबार सम्झौता भएको हाे । सम्झाैतापश्चात शिव शक्ति ग्रुपका निर्देशक सन्दिप अग्रवालले नेपालको खेलकुद क्षेत्र अझै उच्च मुकाममा पुग्न बाँकी रहेकाे र आफुहरुले सामाजिक उत्तरदायित्वको महत्व बुझेर नेपाली क्रिकेटरहरुको प्रतिभामा निखार ल्याउन मद्दत गर्ने नेपालकै उत्कृष्ट लिगमा लगानी गरेकाे बताए । यसपालिको इपिएलमा काठमाडौं किङ्गस एक्सआइमा पाकिस्तान राष्ट्रिय टोलीका पूर्व कप्तान शाहिद आफ्रिदी, सन्दिप लामिछाने, इन्डियन प्रिमियर लिग आइपिएलमा खेल्ने एकमात्र नेपाली खेलाडी सुबास खकुरेल, शेर मल्ल र अरु प्रतिभाशाली खेलाडीहरु छन् । इपिएल किर्तिपुर मैदानमा यही २५ सेप्टेम्बरबाट सुरु हुँदैछ ।

काठमाडाैं । डिसहाेमले ओमानमा हुने सिडब्लुसी लिग २ ट्राइ नेसन सिरिजको प्रत्यक्ष प्रशारण गर्ने भएकाे छ । साेमबार नेपाल क्रिकेट संघ र डिश मिडिया नेटवर्क लिमिटेड बीच उक्त खेलकाे प्रत्यक्ष प्रशारण गर्ने सम्झाैता भएकाे हाे । डिश मिडिया नेटवर्कका तर्फबाट प्रबन्ध निर्देशक सुदिप आचार्य र क्यानका कोषाध्यक्ष रोशन कुमार सिंहले उक्त सम्झौतामा हस्ताक्षर गरेका छन् । यो सम्झौता अन्तर्गत ओमानमा आयोजना हुने खेलहरु डिशहोमले एक्सन स्र्पोर्टस एचडिआइ १ र डिशहोम गो ओटिटि एप मार्फत प्रत्यक्ष प्रशारण गर्नेछ । सिडब्लुसी लिग २ ट्राइ नेसन सिरिजका छ वटा म्याचहरु यही भदाै २८ गते देखि असोज ४ गते सम्म हुनेछ ।