काठमाडौं वर्ल्ड स्कुल : जहाँ विदेशी विद्यार्थी पढ्न आउँछन्
काठमाडौं । अध्ययनकै लागि भनेर दैनिक धेरै विद्यार्थी विदेश गइरहेको बेला भक्तपुरको एउटा स्कुलले भने विदेशी विद्यार्थीको पनि आकर्षणको केन्द्र बनेको छ । जिल्लाको सूर्यविनायक नगरपालिका वडा नं ७ गुण्डुस्थित काठमाडौं वर्ल्ड स्कुल विदेशी विद्यार्थीको आकर्षको केन्द्र बन्न सफल भएको हो । स्कुलले दिएको जानकारी अनुसार स्कुलमा यो स्कुलमा भारत, जापन, कोरिया, हङकङ, म्यानमार, सिंगापुर, बेलायत, अमेरिका तथा अन्य मुलुकका नागरिक तथा गैर नेपालीका सन्ततीहरु अध्ययनरत छन् । स्कुलका प्रिन्सिपल केशर खुलाल स्कुल निजी क्षेत्रकै उत्कृष्ट नमुना स्कुल भएको दाबी गर्छन् । ‘नेपाल सरकारको विशिष्ट श्रेणीमा दर्जित यस स्कुलले भौतिक, शैक्षिक, व्यवस्थापकीय तथा अन्य सबै पक्षमा अन्तराष्ट्रियस्तर कायम गरेको छ,’ प्रिन्सिपल खुलाल भन्छन्, ‘त्यसकारण हाम्रो स्कुलमा देशका सबै क्षेत्र तथा झण्डै एक दर्जन देशका विद्यार्थी अध्ययनरत छन् ।’ काठमाडौं उपत्याकाका जुनसकै कुनासम्म पुग्ने सुविधायुक्त बस सेवा तथा तारे होटेल बराबरको सुविधायुक्त अत्यन्त सुरक्षित आवाश गृहहरुको व्यवस्थाका कारण विदेशी विद्यार्थी पनि आकर्षित भएको खुलालको विश्लेषण छ । काठमाडाैं वर्ल्ड स्कुल ६ देखि १९ वर्षका बालबालिकालाई उच्च गुणस्तरको समग्र शिक्षा प्रदान गर्ने प्राथमिक उद्देश्यका साथ वरिष्ट नेपाली शिक्षाविद् र उद्यमीहरूको समूहको साझा पहलमा स्थापना भएको उनले बताए । शान्त वातावरण, अत्याधुनिक प्रविधि र सुविधाहरू तथा शिक्षामा पूर्ण समर्थित तथा दक्ष जनशक्ति स्कुलको प्रमख विशेषताहरु रहेको उनी बताउँंछन् । स्कुल करिब ५५ रोपनी क्षेत्रफलमा फैलिएको छ । स्कुलमा शिक्षण शिकाइका लागि अत्याधिक प्रविधियुक्त तथा वातावरण अनुकुलित ठूलाठूला कक्षा कोठाहरु, विशाल पुस्तकालय र भिआइपी तथा उत्कृष्ट शिक्षकहरुकाे व्यवस्था गरिएको छ । विद्यार्थीहरुका विभिन्न मनोविज्ञानिक समस्याहरुको उचित व्यवस्थापन गरी पढाइमा सहयोग गर्नका लागि विद्यालयमै बरिष्ट मनोचिकित्सकको व्यवस्था पनि गरिएको छ । त्यसका अलवा विद्यार्थीको समग्र वृत्ति विकासका लागि खेलकुद र अतिरिक्त क्रियाकलापका लागि पनि प्रसस्त सुविधाहरु उपलब्ध छन् । खेलकुदका लागि अर्धओलम्पिक साइजको स्विमिङ्घ पुल, सम्भवत काठमााडौंकै ठूलो फुटसल कोर्ट, ३ वटा अत्याधुनिक बास्केटबल कोर्टहरु, भलिवल कोर्ट, क्रिकेट नेट, इन्डोर बास्केटबल, नेटबलकोर्ट तथा बाडमिन्टन कोर्ट, टेबुलटेनिस र जिमनष्टिक हलसहितको कबर्ड हल छन् । अतिरिक्त क्रियाकलापका लागि संगित, नृत्य र कलाका विविध विधाका लागि छुट्टाछुट्टै हल तथा दक्ष प्रशिक्षकहरु उपलब्ध छन् । यहाँ भक्तपुरको मौलिक धिमेबाजा र माटोका भाँडा बनाउने कला पनि सिकाइन्छ । त्यसैगरी विभिन्न अन्तराष्ट्रिय भाषहरु पनि सिकाइन्छ । कक्षा ११ र १२ मा पढ्ने हरेक विद्यार्थीले खेलकुद र अतिरिक्त क्रियाकलापको कुनै एक विधा अनिवार्य सिक्नैपर्छ यहाँं । किनकि एक विद्यार्थी एक सीप विद्यालयको नारा हो । त्यसैगरी विभिन्न क्लब, विद्यार्थी नेतृत समूह तथा कार्यक्रममार्फत प्रत्येक विद्यार्थीहरुलाई नेतृत्व विकासको अवसर प्रदान गरिन्छ यहाँं । साथै प्रशस्त आन्तरिक, अनतर विद्यालयय र अन्तािरष्ट्रय प्रतियोगिताहरु तथा भ्रमणमा सहभागी गराई विद्यार्थीहरुको आत्मविश्वास र अनुकुलनक्षमता वृद्दि गराइन्छ । राष्ट्रियस्तरका खेलाडी तथा विशिष्ट क्षमतावान विद्यार्थीहरुका लागि पनि विशेष प्रावधान यहाँं गरिएको छ । स्कुलकी मार्केटिङ एण्ड एडमिसन प्रमुख आरती आचार्यले सञ्चालनको पाँचौ वर्षमा प्रवेश गर्दै गर्दा यसले कक्षा १२ बाट तीनवटा ब्याचलाई सतप्रतिशत नतिजा सहित उतिर्ण गराई देशभित्र तथा बाहिरका उत्कृष्ट विश्वविद्यालयहरुमा पठाइसकेको जानकारी गराइन् । यसको आफ्नै पूर्णकालिन करियर तथा गाइडेन्स काउन्सिलर सहितको काउन्सिलिङ्घ सेवा भएको हुँदा यहाँबाट उत्तिर्ण धेरै विद्यार्थीहरु विभिन्न देशका प्रख्यात विश्वविद्यालयहरमा छात्रवृत्ति सहित अद्ययन गर्न सफल भएको उनले सुनाइन् । यसरी प्राकृतिक तथा मानवीय सृजनाको अद्वितीय समागम यो स्कुल ज्ञान तथा सिर्जनाका लागि अति उपयुक्त स्थान हुनका साथै योग्य विद्यार्थी तथा गुयास्तरीय शिक्षाको खोजी गर्ने अभिभावकहरुको रोजाइमा परेको उनको विश्लेषण छ । नेपालमै अन्तर्राष्टियस्तरको पढाई हुने स्कुल रहेका कारण नेपाली अभिभावकलाई विदेशमा पढाउन पठाउनुपर्ने झन्झटबाट मुक्ति मिल्नुका साथै पढनकै लागि विदेशमा जाने वार्षिक करोडौं रकम विदेश जानबाट जोगाउन स्कुलबाट सहयोग मिलेको उनको भनाई छ ।
क्यानले आईटी विषय पढ्न २ करोडको छात्रवृत्ति दिने, कसले दिन पाउँछन् आवेदन ?
काठमाडौं । कम्प्युटर एशोसियसन नेपाल महासंघ (क्यान)ले प्राविधिक शिक्षातर्फ प्रदान गर्दै आईरहेको ‘नेसनल आईसीटी स्कलरसिप– २०७९’ को लागी आवेदन खुल्ला गरेको छ । क्यानले बुधबार सूचना जारी गर्दै यस्तो जानकारी दिएको हो । क्यानले विगत ४ वर्षदेखि गरिब तथा जहेन्दार विद्यार्थीलाई सूचना प्रविधिको अध्ययन अध्यापन गर्ने गराउने कलेजहरुको सहयोगमा छात्रवृत्ति दिँदै आएको छ । क्यानले काठमाडौंको मैतिदेविस्थित लर्ड बुद्ध एजुकेसन फाउन्डेसनसँगको सहकार्यमा ४९ जना विद्यार्थीहरुलाई आंशिक तथा पुर्ण छात्रवृत्ति प्रदान गर्न लागेको छ । क्यान महासंघ र कलेजबिच भएको सम्झौताअनुसार ४९ जना विद्यार्थीले १ करोड ९५ लाख ५८ हजार रुपैयाँ दबराबरको छात्रवृत्ति पाउनेछन् । ‘नेसनल आईसीटी स्कलरसिप– २०७९’ मा देशको सातै प्रदेशका विद्यार्थीहरुले समान अवसर पाउने गरी प्रत्येक प्रदेशबाट १ जना छात्रा लाई पूर्ण छात्रबृति र बांकी ४२ जनालाई आंसिक छात्रवृत्ति प्रदान गरिन्छ । क्यानको अनुसार विगत चार वर्षदेखि सञ्चालित यस छात्रवृत्ति कार्यक्रम अन्तरगत हालसम्म ४६ जना विद्यार्थीहरु अध्ययनरत छन् । यो वर्ष पनि फिमेल मेरिट आईसीटी स्कलरसिपमा प्रत्येक प्रदेशबाट चार जनाका दरले २८ जना छात्रालाई र आईसीटी मेरिट स्कलरसिप अन्तर्गत प्रत्येक प्रदेशबाट तीनजनाका दरले २१ जनालाई छात्रवृत्ति प्रदान गरिने क्यानले जानकारी दिएको छ । छात्रवृत्ति प्राप्त विद्यार्थीहरुले मलेसियाको एसिया प्यासेफिक युनिर्भसिटि अफ टेक्नोलाजी एण्ड इनोभेसनको सम्बन्धनमा संचालित लर्ड बुद्ध एजुकेशन फाउण्डेसनमा स्नातक तह अन्तर्गत बिएससी आईटीको अध्ययन गर्न पाउनेछन् । क्यानको अनुसार नेपाल सरकारबाट मान्यताप्राप्त शिक्षण संस्थाबाट ५० प्रतिशत अंकसहित प्लस टु वा सो सरह अध्ययन गरेका र कक्षा १० को गणित विषयमा कम्तीमा ५० प्रतिशत अंक ल्याई सीटीईभीटीबाट कम्प्युटर इन्जिनियरिङमा डिप्लोमा गरेकाहरुले छात्रवृत्तिका लागि आवेदन दिन सक्नेछन । छात्रवृत्तिका लागि हाल कक्षा १२ परीक्षा कुरेर बसेका विद्यार्थीहरुले पनि आवेदन दिन सक्नेछन् । छात्रवृत्ति प्रदान गर्नका लागि क्यान महासंघले केन्द्रिय स्तरमा निवर्तमान अध्यक्ष हेमन्त कुमार चौरसियाको संयोजकत्वमा सचिवद्वय शेखर दुलाल र दिपेन्द्र कुमार सिंह तथा केन्द्रिय सदस्यद्वय सरिता सिंह र भिम मल्ल रहेको छात्रबृति छनौट समिति गठन गरेको छ । छात्रवृत्तिका लागि इच्छुक विद्यार्थीले क्यान महासंघको वेबसाइट भदौ ९ गतेभित्र आवेदन दिनुपर्नेछ । आवेदन दिँदा कक्षा १० र १२ को मार्कसिटको प्रतिलिपिका साथै एउटा फोटो, नागरिकता वा जन्मदर्ता प्रमाणपत्र र स्थानीय सरकारको सिफारिसपत्र पेश गर्नुपर्नेछ । क्यानले छात्रवृत्तिका अनलाईन परीक्षा भदौ १० गते गर्ने र भदौ १२ गते छात्रवृत्तिको परिणाम घोषणा गर्ने जानकारी दिएको छ ।
सङ्क्रमण बढेपछि टेम्केमैयुङका सम्पूर्ण विद्यालय बन्द
भोजपुर । कोराना भाइरस सङ्क्रमण बढेपछि भोजपुरको टेम्केमैयुङ गाउँपालिकाका सम्पूर्ण विद्यालय बन्द गरिएका छन् । गाउँपालिकाले मङ्गलबारदेखि छ दिनका लागि सम्पूर्ण विद्यालय बन्द गरेको जानकारी दिएको हो । शिक्षक र विद्यार्थीमा कोरोना पोजेटिभ देखिएपछि विद्यालय बन्द गरिएको गाउँपालिकाले जनाएको छ । स्वास्थ्य कार्यालय भोजपुरका अनुसार यस गाँउपालिकामा सबैभन्दा बढी सङ्क्रण देखिएको छ । यहाँ एकै दिन ५५ जनामा कोराना भाइरस सङ्क्रमण पुष्टि भएको छ । मङ्गलबारसम्म जिल्लामा ५८ जनामा सङ्क्रमण पुष्टि भएको स्वास्थ्य कार्यालय जनाएको छ । सङ्क्रमणको अवस्था हेरेर बन्द विद्यालय सञ्चालन गरिने गाउँपालिकाको शिक्षा शाखाले जनाएको छ । रासस
