काठमाडौं विश्वविद्यालयको बीटेक एडआईटी जनकपुरमा
जनकपुरधाम । जनकपुरमा ब्याचर अफ टेक्नीकल एजुकेशन ईन ईनफर्मेशन टेक्नोलोजी ( बीटेक एडआईटी) अन्तर्गत चारवर्षे स्नातक तहको पढाई सुरुवात गएको छ । काठमाडौं विश्वविद्यालयबाट सम्बन्धन लिई जानकी कलेज फर प्रोफेशनल स्टडीजले उक्त पढाई सुरु गरेको हो । कार्यक्रम जनकपुरधामको पहिलो स्मार्ट विद्यालय अक्षर विद्या मन्दिरको परिसरमा सञ्चालन हुनेछ । यस कार्यक्रममा भर्ना हुने विद्यार्थीले इन्टर्नर्सिपको लागि दोस्रो वर्षदेखि नै विद्यालयहरुमा अध्यापन गराउन जानुपर्ने छ । चार वर्षे बीटेक. एडआईटीमा भर्ना हुनकोलागी कुनै पनि संकायबाट १२ कक्षा वा सो सरह वा सिटिइभीटीले सञ्चालन गरेको ३ वर्षे डिप्लोमा उत्तिर्ण गरेको हुनुपर्ने छ । जनकपुरमा यसको औपचारिक घोषणा गर्दै प्रमुख अतिथि तथा मुख्यमन्त्री लालबाबु राउतले बीटेक. एडआईटीले मधेश प्रदेशलाई नेपालको प्राविधिक शिक्षाको केन्द्रका रुपमा विकसित गर्ने विश्पास व्यक्त गरे । उनले काठमाडौं विश्वविद्यालयलाई धन्यवादसमेत दिए । उनले यस कार्यक्रमले सुचना प्रविधीको क्षेत्रमा दक्ष जनशक्तिको उत्पादनले मधेश प्रदेशको विकासमा ठुलो टेवा पुग्ने बताए । कलेजका अध्यक्ष पंकज जालानका अनुसार मधेश प्रदेशको साक्षरता र शैक्षिक स्तरमा वृद्धि गर्नका लागि जानकी कलेजको स्थापना यस प्रदेशको शिक्षाको क्षेत्रमा नयाँ युग हुनेछ ।यो प्रदेशका जेहेन्दार विद्याथीहरुले जनकपुरधाममा नै बसेर काठमाण्डौं विश्वविद्यालयले सञ्चालन गरेको सुचना प्रविधीसँग सम्बन्धित स्नातक स्तरको कार्यक्रममा पढ्न पाउने छन् । काठमाण्डौं विश्वविद्यालयका स्कुल अफ एजुकेशनका डिन बालचन्द्र लुईटेलले हाल प्राविधिक शिक्षालयहरुमा अध्यापन गराउने शिक्षकहरुको अभाव कम गर्न यस कार्यक्रमले ठुलो मद्दत पुर्याउने विश्वास व्यक्त गरे ।
नेपालमा बढ्दै भारतीय ब्राण्ड प्रि-स्कुल चेन किडजी, ल्यायो थप दुई सेवा
काठमाडाैं । प्रि स्कुल चेन किडजीले दुई नयाँ सेवाहरु सञ्चालनमा ल्याएको छ । भारतीय सहरमा ७५० भन्दा बढी तथा नेपालका चार सहरहरूमा दुई हजारभन्दा बढी केन्द्र रहेकाे किडजी प्रि स्कुल हाे । किडजीले लर्न विथ किडजी र लर्निङ फेरिस सेवा संचालनमा ल्याएकाे हाे । लर्नविथ किडजी घर मै बसेर आफ्नो बच्चालाई सिकाउन चाहने आमा बुवाहरुको लागि बनाइएको किट हो । यो ६ वटा बाकसहरूको सेट होः १ वर्ष ६ महिनादेखि २ वर्ष ६ महिनासम्मका बालबालिकाका लागि ३ वटा बक्सहरू र २ वर्ष ६ महिनादेखि ४ वर्ष सम्मका बालबालिकाका लागि ३ वटा बक्सहरू हुन्छन र सबै बाकसहरूमा प्रारम्भिक बाल हेरचाह विशेषज्ञहरूद्वारा प्रगतिशील रूपमा योजना गरिएका गतिविधिहरू छन् । यी गतिविधिहरूको योजना यस उमेरमा विकास गर्न आवश्यक पर्ने कौशलतामा केन्द्रित हुन्छ । सबै बाकसहरू साक्षरता, संख्यात्मकता, अवधारणा, रचनात्मक सीपहरूमा केन्द्रित रहेकाे किडजीले जानकारी दिएकाे छ । कार्यक्रममा आमाबाबुका लागि निर्देशनात्मक भिडियोहरू, र बच्चाहरूको लागि राइम भिडियोहरू पनि समावेश छन् । किडजी एमेडेमिक गाइडबाट आउने कलहरू लर्नविथ किडजी कार्यक्रमको एक हिस्सा हुन् । यी गाइडहरूले आमाबाबुलाई मद्दत गर्छन् र तिनिहरूका सबै प्रश्नहरूको जवाफ दिन्छन । यस्तै लर्निङ्ग फेरिस एउटा अनलाइन भिडियो–आधारित कार्यक्रम हो जसले बालबालिका लाई घरमा नै आरामले बसि बसि सिक्न मद्धत गर्छ । यी मनमोहक र आकर्षक भिडियोहरूको सेट हुन् जसले मूल पाठ्यक्रमका साथै सह–पाठ्यक्रमका विषयहरूलाई समेट्छ । किडजी मुख्यालयका स्टार शिक्षकहरूले हरेक हप्ता रमाइलो सत्र प्रदान गर्छन् । किडजीले सन् २०१५ बाट नेपालमा आफ्नो सञ्चालन सुरु गरेको थियो । हाल किडजी काठमाडौंको मैतीदेवी, कलंकी, बौद्ध, बानेश्वर, सानेपा, सातदोबाटो र काठमाडौं बाहिर विराटनगर, धरान र चितवनमा रहेको छ ।
कक्षा १२ को परीक्षा जेठ १६ गतेदेखि
काठमाडौं । राष्ट्रिय परीक्षा बोर्डले कक्षा १२ को परीक्षा जेठ १६ गतेदेखि गर्ने निर्णय गरेको छ । शुक्रबार बसेको राष्ट्रिय परीक्षा बोर्डको बैठकले आगामी जेठ १६ गतेदेखि परीक्षा संचालन गर्ने निर्णय गरेको हो । गत २ वर्ष कोभिडका कारण सबै विद्यालयले होमसेन्टरमा नै परीक्षा सञ्चालन गरेका थिए । बोर्डले अनलाइबाट पश्नपत्र पठाएर तोकिएका परीक्षा केन्द्रमा नै परीक्षा सञ्चालनको तयारी गरेको छ । बोर्डले परीक्षाको तालिका छिट्टै प्रकाशन गर्ने जनाएकाे छ ।
