सेयरधनीलाई लाभांश लिन सिटिजन्स बैंकको आग्रह
काठमाडौं । सिटिजन्स बैंकले सेयरधनीहरुलाई लाभांश लिन आग्रह गरेको छ । बैंकको विभिन्न साधारण सभाबाट पारित भएको लाभांश लिन आग्रह गरेको हो । बैंकको आर्थिक बर्ष २०७३÷७४ को साधारणसभाहरुबाट पारित नगद लाभांश हालसम्म पनि कतिपय सेयरधनीहरुले नलिएकोले सूचना प्रकाशित भएको ३५ दिन भित्र लाभांश लिन बैंकले आग्रह गरेको छ । सेयरधनीहरुले बैकको शेयर राजिष्ट्रार सिबिआइएल क्यापिटलको कार्यालय डिल्लीबजार काठमाण्डौमा सम्पर्क गरी सम्पर्क गर्न अनुरोध गरेको छ । सूचना प्रकाशित मितिले ३५ दिनसम्म भुक्तानी नभएको लाभांश रकम कम्पनी ऐन, २०६३ को दफा १८२ को उपदफा (९) बमोजिम लगानीकर्ता संरक्षण कोषमा जम्मा गर्नको लागि प्रक्रिया अगाडि बढाइने बैंकले जनाएको छ ।
कोरियन भाषा परीक्षाको आवेदन खुल्यो, कसरी दिने आवेदन ?
काठमाडौं । रोजगार अनुमति प्रणाली (इपिएस) अन्तर्गत कोरियन भाषा परीक्षाको आवेदन खुला भएको छ । इपिएस कोरिया शाखाले आज सूचना जारी गर्दै भाषा परीक्षाका लागि इच्छुक नेपाली नागरिकबाट आवेदन माग गरेको हो । यो पटक सञ्चालन हुने परिक्षाबाट ६००० व्यक्तिलाई उत्तिर्ण गराउने शाखाले जनाएको छ । श्रम तथा रोजगार तथा सामाजिक सुरक्षा मन्त्रालय र कोरियाको रोजगार तथा श्रम मन्त्रालयबीच समझदारी भएअनुसार कोरियामा नेपाली नागरिकलाई कामदारका रूपमा पठाउन उम्मेदवार छनोटका लागि भाषा परीक्षा सञ्चालन गर्न लागिएको हो । इच्छुक नेपाली नागरिकले भाषा परीक्षाका लागि निवेदन दिन सक्ने इपिएस कोरिया शाखा ग्वार्को ललितपुरले सूचना निकालेर जानकारी गराएको छ । भाषा परीक्षा पहिलो चरणको कृषि तथा पशुपालन क्षेत्रका लागि माघ १६ देखि माघ २७ गतेसम्म हुनेछ । दोस्रो चरण भने फागुन ८ देखि फागुन २६ गतेसम्म भाषा परीक्षा हुनेछ । सीप परीक्षण भने फागुन ३ देखि ५ गतेसम्म र चैत १ देखि ३ गतेसम्म हुनेछ ।
काठमाडौं मेडिकल कलेजले ६.४८ % लाभांश बाँड्ने, सेवा विस्तार गर्न बैंकबाट कर्जा लिने
काठमाडौं । काठमाडौं मेडिकल कलेजले पब्लिक लिमिटेडले आफ्नो सेवा विस्तार गर्ने भएको छ । मेडिकल कलेजले स्वास्थ सेवा सञ्चालन गर्न आवश्यकता अनुसार घरजग्गा खरिद गर्ने भएको हो । स्वास्थ सेवा सञ्चालन गर्न आवश्यकता अनुसार घरजग्गा खरिद गर्नुपर्ने भएकाले स्रोत जुटाउन विभिन्न बैंकबाट कर्जा लिने बताएको छ । स्वास्थ सेवा विस्तारका लागि आवश्यकता अनुसार घरजग्गा खरिद गर्न बैंकबाट कर्जा लिन सञ्चालक समितिलाई अधिकार दिन मेडिकल कलेजले १३ औं वार्षिक साधारण सभा बोलाएको छ । मंसिर २ गते बसेको सञ्चालक समितिको बैठकले विभिन्न प्रस्ताव पारित गर्न पुस ५ गते सिनामङ्गल काठमाडौंमा वार्षिक साधारण सभा बोलाएको हो । यस्तै, मेडिकल कलेजको सभाले सेयरधनीहरुलाई हाल कायम चुक्ता पूँजीको ६.४८ प्रतिशत (कर सहित) नगद लाभांश वितरण गर्ने प्रस्ताव गरेको छ । यस्तै, सञ्चालक समितिका तर्फबाट कार्यकारी अध्यक्षज्ले पेस गर्ने आर्थिक वर्ष २०७८÷०७९ को वार्षिक प्रतिवेदन पारित गर्ने, आर्थिक वर्ष २०७८÷०७९ को लेखा परीक्षकको प्रतिवेदन सहितको वासलात, नाफा नोक्सान हिसाब र नगद प्रवाह विवरण तथा सोसँग सम्बन्धित अनुसूचीहरू पारित गर्ने र आर्थिक वर्ष २०७९÷०८० को लेखा परीक्षण गर्न लेखा परीक्षण समितिको सिफारिस बमोजिम लेखा परीक्षकको नियुक्ति गरी निजको पारिश्रमिक तोक्नेछ । साथै कम्पनीले व्यवसाय विस्तारका लागि समान उद्देश्य भएका विभिन्न कम्पनी÷अस्पताल÷शिक्षण संस्थाहरू खरिद गर्न तथा त्यस्ता कम्पनीहरूको सेयरमा लगानी गर्न सञ्चालक समितिलाई अधिकार प्रदान गर्नेछ । यस्त, सञ्चालक समिति पनि हेरफेर गर्नेछ ।
आज डलरको मूल्य कति छ ?
काठमाडौं । आज मंसिर १२ गते सोमबारका दिन नेपाल राष्ट्र बैंकका अनुसार आज अमेरिकी डलर १ को खरिद दर १३०.४० रुपैयाँ रहेको छ । साथै १ डलर बिक्री दर १३१ रुपैयाँ रहेको छ । यस्तै, राष्ट्र बैंकका अनुसार युरोपियन युरो एकको खरिद दर १३५.५८ रुपैयाँ रहेको छ भने बिक्री दर १३६.२० रुपैयाँ रहेको छ । यता बेलायती पाउन्ड स्टर्लिङ एकको खरिद दर १५७.७२ रुपैयाँ रहेको छ भने बिक्री दर १५८.४४ रुपैयाँ रहेको छ । अस्ट्रेलियन डलर एकको खरिद दर ८८.०३ रुपैयाँ रहेको छ भने बिक्री दर ८८.४४ रुपैयाँ रहेको छ । साउदी रियाल एकको खरिद दर ३५.७० रुपैयाँ रहेको छ भने बिक्री दर ३४.८६ रुपैयाँ रहेको छ । मलेसियन रिंगिट एकको खरिद दर २९.११ रुपैयाँ रहेको छ भने बिक्री दर २९.२४ रुपैयाँ रहेको छ ।
खुल्यो जग्गाको कित्ताकाट
काठमाडौं । विराटनगर महानगरपालिकाभित्रका जग्गाको कित्ताकाट खुला भएको छ। सरकारले भू-उपयोग ऐन २०७६ बमोजिम जग्गाको वर्गीकरण नभएसम्म कित्ताकाट गर्न रोक लगाएपछि तीन वर्षयता जग्गाको कित्ताकाट बन्द भएको थियो । सरकारले भू-उपयोग नियमावली २०७९ जारी गरेपछि अंशबण्डा र कित्ताकाटका लागि अदालतबाट भएको फैसलासमेत कार्यान्वयन नहुने अवस्था थियो। महानगरपालिका भू-उपयोग परिषद्ले कृषि र गैह्रकृषिलगायत नियमावली बमोजिम जग्गाको वर्गीकरण गरेर कार्यान्वयन गर्ने निर्णय भूमिसुधार तथा मालपोत कार्यालयलाई जानकारी गराएको थियो। महानगरको निर्णय प्राप्त भएपछि मालपोत कार्यालयले वडालाई पत्र पठाएर आवश्यक सिफारिस गर्न भनेको छ। महानगरपालिका भू-उपयोग परिषद्ले कृषि र गैह्रकृषिलगायत नियमावली बमोजिम जग्गाको वर्गीकरण गरेर कार्यान्वयन गर्ने निर्णय भूमिसुधार तथा मालपोत कार्यालयलाई जानकारी गराएको थियो। महानगरको निर्णय प्राप्त भएपछि मालपोत कार्यालयले वडालाई पत्र पठाएर आवश्यक सिफारिस गर्न भनेको छ। परिषद्को बैठकले भूमिसम्बन्धी लगत सङ्कलन, विश्लेषण र उपयोगका लागि प्रक्रिया अगाडि बढाउने निर्णय गरेको थियो। भू-उपयोग नियमावली बमोजिम नयाँ भू-उपयोग नक्सा तयार गरेपछि मात्र जग्गाको कित्ताकाट गर्न पाइने व्यवस्था गरेको थियो। महानगरले नियमावलीको उक्त अवरोधलाई सहज बनाउने गरी भू-उपयोग क्षेत्र वर्गीकरणको परिवर्तित नक्सा बमोजिम जग्गाधनी दर्ता, श्रेस्ता तथा जग्गाधनी पूर्जामा भू-उपयोग वर्गीकरण क्षेत्र जनाई अद्यावधिक गरी पत्राचार गर्ने निर्णय गरेको छ। भूमिसुधार तथा मालपोत कार्यालय विराटनगरका प्रमुख दीपक कोइरालाले भने ‘महानगर भू-उपयोग परिषद्ले जग्गाको वर्गीकरण गरी कार्यान्वयनका लागि लेखिपठाएकोले कार्यान्वयन गर्छौं।’ कार्यान्वयनका क्रममा निर्णय अनुसार नयाँ भू-उपयोग नक्सा तयार हुने उनले बताए।। भूउपयोग नियमावलीले जग्गालाई विभिन्न नौं वर्गमा वर्गीकरण गर्नुपर्ने व्यवस्था गरेको छ। महानगरपालिकाले स्वीकृत भू-उपयोग योजना कार्यान्वयन गर्न सबै वडालाई निर्देशन दिइसकेको छ। यो निर्णयपछि विराटनगर १४, १६ र १८ नम्बर वडाबाहेकका जग्गा कित्ताकाट गर्न सकिनेछ। सम्भवतः मङ्गलबारबाट महानगरका जग्गा कित्ताकाट सुरु हुने मालपोत कार्यालयले जनाएको छ। गोरखापत्र दैनिकबाट ।
आजसम्म सेयरधनी बने एभरेष्ट बैंकको २०.६८ प्रतिशत लाभांश पाउने
काठमाडौं । एभरेष्ट बैंकको २०.६८ प्रतिशत लाभांश सुरक्षित गर्ने आज अन्तिम दिन रहेको छ । बैंकले साधारण सभा तथा लाभांश वितरण प्रयोजनार्थ भोलि मंसिर १३ गते एकदिन बुकक्लोज गर्ने निर्णय गरेको छ । त्यसैले, आज मंसिर १२ गतेसम्म नेप्सेमा कारोबार भई कायम सेयरधनीहरूले मात्रै साधारण सभामा भाग लिन र लाभांश प्राप्त गर्न सक्नेछन् । प्रस्तावित लाभांश पारित गर्न बैंकको मंसिर २ गते बसेको सञ्चालक समितिको बैठकले २८औँ वार्षिक साधारण सभा मंसिर २६ गते, सोमबार लैनचौर बैक्ङ्क्वेट, लैनचौर काठमाडौँमा बिहान ११ बजे बोलाएको छ । सभाले गत आर्थिक वर्ष २०७८÷७९ को नाफाबाट सेयरधनीहरुलाई चुक्ता पूँजीको १३ प्रतिशत बोनस सेयर र ७.६८ प्रतिशत नगद गरी कूल २०.६८ प्रतिशत लाभांश वितरण गर्ने प्रस्ताव पारित गर्नेछ । साथै, आर्थिक वर्ष २०७८÷७९ को लेखापरीक्षकको प्रतिवेदन सहितको वासलात, नाफ–नोक्सान हिसाब र सोही अवधिको नगद प्रवाह लगायतका संलग्न अनुसूचीहरु समेतको स्वीकृत वित्तीय विवरणहरु पारित गर्ने, आर्थिक वर्ष २०७९÷८० को लागि लेखापरीक्षकको नियुक्ति र निजको पारिश्रमिक निर्धारण गर्ने लगायतका प्रस्तावहरू पनि सभामा पारित गर्नेेछ ।
लगानीयोग्य रकम अभावको बहानामा बैंकहरूको मनोमानी
काठमाडौं । लगानीयोग्य रकम अभावको बहानामा वाणिज्य बैंकहरूले आधार र प्रिमियम दरमा मनोमानी गरेको उद्योगी व्यापारीले आरोप लगाएका छन् । बैंक र ऋणीबीच ऋण सम्झौता हुँदा ऋणमा लागू हुने बेसरेट र प्रिमियम दर तोकिए पनि अहिले तरलता अभावको बहानामा मनोमानी ढंगबाट बढाउने काम गरेको वीरगञ्ज उद्योग वाणिज्य संघका अध्यक्ष सुबोधकुमार गुप्ताले बताए । बैंकहरूको मनोमानीमा नियामक निकाय नेपाल राष्ट्र बैंक रमितेमात्र बनेको उद्यमीको आरोप छ । राष्ट्र बैंकले सम्झौता अवधिभर प्रिमियम बढाउन नपाउने भन्दै बढाएर असुल गरेको प्रिमियमबापतको रकम फिर्ता गर्न बैंकहरूलाई निर्देशन दिए पनि अधिकांश बैंकले अटेर गरेको संघका वरिष्ठ उपाध्यक्ष अनिल अग्रवालको भनाइ छ । बैंकहरूको अटेरीमा राष्ट्र बैंकले कुनै प्रभावकारी कदम चाल्न नसकेको भन्दै उनले आक्रोश पोखे । ‘बैंकहरूको बेसरेट ३र३ महिनामा पुनरावलोकन हुन्छ । प्रिमियम दर भने सम्झौता अवधिसम्मका लागि एउटै हुन्छ । बैंकहरूले अन्यायपूर्ण तरीकाले प्रिमियम बढाएका छन्,’ अग्रवालले भने । आजको आर्थिक अभियान दैनिकमा समाचार छ ।
खुकुलो बन्यो सीडी रेसियो, बैंकहरुलाई सहज
काठमाडौं । नेपाल राष्ट्र बैंकले कर्जा–निक्षेप (सीडी) रेसियो खुकुलो बनाएको छ । राष्ट्र बैंकले तोकिएको सीडी रेसियो अनुपात बैंक तथा वित्तीय संस्थाले तिर्नुपर्ने जरीवानामा पुनरावलोकन गर्ने बताएको हो । चालु आर्थिक वर्षको प्रथम त्रैमासको समीक्षा सार्वजनिक गर्दे नेपाल राष्ट्र बैंकका प्रवक्ता गुणाकर भट्टले तोकिएको कर्जा–निक्षेप अनुपात नपुगेमा बैंक तथा वित्तीय संस्थालाई लाग्ने जरिवानालाई तरलता जोखिममा समेत आधारित हुने गरी पुनरावलोकन गरिने बताएका हुन् । अहिले बैंकहरुको सीडी रेसियो ९० प्रतिशत कायम हुनु पर्ने व्यवस्था छ ।
