सिटी एक्सप्रेस मनी ट्रान्सफरलाई मध्यमस्तरीय करदाता कार्यालयको सम्मान
काठमाडौं । सरकारलाई बढी कर बुझाउने सिटी एक्सप्रेस मनी टान्सफरलाई मध्यमस्तरिय करदाता कार्यालयले सम्मान गरेको छ । गत हप्ता मध्यमस्तरिय करदाता कार्यालयमा आयोजित करदातासँगको अन्तरक्रिया कार्यक्रममा प्रमुख कर प्रशासक पार्वती शर्माले सिटी एक्सप्रेसका अध्यक्ष चन्द्र टण्डनलाई सम्मानित गरेका थिइन् । सम्मानका क्रममा कार्यालयको तर्फबाट बधाई तथा शुभकामना दिदै शर्माले अन्य सम्पूर्ण करदाताले समेत सिटी एक्सप्रेस जस्तै समयमा कर तिर्ने करदाताको पहिचान बनाउन सबैलाई आग्रह गरेकी थिइन् । सो कार्यक्रममा कर दातालाई कर इमान्दार भएर तिरिदीन कार्यालयको तर्फबाट अनुरोध गर्दै कर शिक्षा , वक्यौता असुली र आर्थिक ऐन २०८१ ले दिएका सुविधा बारे छलफल भएको थियो । सिटी एक्सप्रेसका अध्यक्ष चन्द्र टण्डनले कर तिर्नु करदाताको दायित्व मात्र नभएर कर्तब्य पनि हो र सबै जनाले पारदर्र्शी रूपमा कर तिरि समृद्ध नेपाल बनाउन सहयोग गर्नको लागी सम्पूर्णलाई अनुरोध पनि गरेका थिए । साथै मध्यमस्तरिय करदाता कार्यलयले व्यव्सायीमैत्री सम्बन्धमा साथ काम गरेकोमा धन्यवाद दिए । मध्यमस्तरिय करदाता कार्यालयमा सिटी एक्सप्रेस, रेमिट्यान्स कम्पनीहरु मध्ये सबैभन्दा बढी कर बुझाएपछि उत्कृष्ट करदाताको रुपमा सम्मानित भएको हो । आर्थिक वर्ष २०७९-८० को आय विवरण अनुसार रेमिट्यान्स तथा मनी ट्रान्सफरको कारोबार गर्ने मध्ये सिटी एक्सप्रेस धेरै कर तिर्ने कम्पनी बनेको छ । कम्पनीलाई मंसिर १ गते शनिबार राष्ट्रिय कर दिवस–२०८१ को अवसरमा आन्तरिक राजस्व विभागले आर्थिक वर्ष २०७९-८० मा सबैभन्दा बढी कर तिर्ने कम्पनीका रुपमा सम्मान गरेको थियो । कम्पनीलाई रेमिट्यान्स तथा मनी ट्रान्सफरको कारोबार गर्ने मध्येबाट सबैभन्दा धेरै आयकर दाखिला गरी राष्ट्रिय विकासमा योगदान पुर्याएको भन्दै सम्मान गरिएको हो । सिटी एक्सप्रेस मनी ट्रान्सफरले रेमिट्यान्स क्षेत्रमा आफ्नो छुट्टै पहिचान बनाउदै १८ वर्षदेखि संसारभरबाट नेपालमा पैसा भित्र्याउन रेमिट्यान्स सेवा प्रदान गर्दै आइरहेको छ । हालै सिटी एक्सप्रेस मनी ट्रान्सफरले सिटी पे वालेटमार्फत अनलाइन भुक्तानीको सेवा सुचारु गरेको छ । सिटी पेबाट रेमिटेन्स भुक्तानी पनि गर्न सकिने कम्पनीले जनाएको छ ।
सुनको मूल्य तोलामा १६ हजार रुपैयाँ घट्यो
काठमाडौं । सोमबार सुनको मूल्य तोलामा १६ हजार रुपैयाँले घटेको छ । नेपाल सुनचाँदी व्यवसायी महासंघका अनुसार सरकारले सुनको भन्सार दर घटाएपछि तोलामा १५ हजार ९ सय रुपैयाँ घटेको हो । यससँगै सुनको मूल्य प्रतितोला १ लाख ५१ हजार ३ सय रुपैयाँमा झरेर कारोबार भइरहेको छ । हिजो आइतबार सुनको मूल्य तोलामा १ लाख ६७ हजार २ सय रुपैयाँमा कारोबार भएको थियो । भारतमा सुनको भन्सार कम रहेका कारण नेपालमा तस्करी बढ्न सक्ने आशंकासहित सरकारले भन्सार दर घटाएको थियो । सरकारले सुनको भन्सार दर २० प्रतिशतबाट १० प्रतिशत र चाँदीको १५ प्रतिशतबाट घटाएर १० प्रतिशतमा झारेको छ । नयाँ भन्सार दर कार्यान्वयनमा आएपछि सुनको मूल्य पनि घटेको हो । भारतबाट सुन तस्करी भएर नेपालमा आउन नदिन भन्सार दर घटाउने निर्णय भएको विभागले जनाएको छ । सरकारले बजेटमार्फत १५ प्रतिशत रहेका भन्सार दर २० प्रतिशत पुर्याएको थियो । यस्तै, चाँदीको मूल्य तोलामा ११५ रुपैयाँ घटेर प्रतितोला १ हजार ८४५ रुपैयाँमा कारोबार भइरहेको छ ।
आठ जना एसएसपीलाई डिआइजीमा बढुवाका लागि सिफारिस
काठमाडौं । नेपाल प्रहरीका आठ प्रहरी वरिष्ठ उपरीक्षक (एसएसपी)लाई प्रहरी नायब महानिरीक्षक (डिआइजी) मा बढुवाका लागि सिफारिस गरिएको छ । गृहमन्त्रालय, बढुवा समितिको सचिवालयको आइतबार बसेको बैठकले प्रहरीका आठ एसएसपीलाई डिआइजीमा बढुवाका लागि सिफारिस गरिएको हो । बढुवा सिफारिस हुने एसएसपीमा धु्रवराज राउत, भोलाबहादुर रावल, गणेश चन्द, सिद्धिविक्रम शाह, सुशीलसिंह राठौर, उमाप्रसाद चर्तुवेदी, हिमालयकुमार श्रेष्ठ र डम्बरबहादुर विक रहेका छन् । बढुवा समितिले प्रहरी नियमावली, २०७१ (संशोधन सहित)को नियम २७ को उपनियम (४) अनुसार बढुवा गरिएको बढुवा समितिका सदस्यसचिव एवं प्रहरी अतिरिक्त महानिरीक्षक टेकप्रसाद राईले जानकारी दिए ।
नेपाल माइक्रोको अभिमुखीकरण कार्यक्रम पाेखरामा सम्पन्न
काठमाडाैं । नेपाल माइक्रो इन्स्योरेन्स कम्पनीले पोखरामा लघु बीमा सम्बन्धी अभिमुखीकरण कार्यक्रम सम्पन्न गरेको छ । लघु बीमा सम्बद्ध सरोकारवालाहरुलाई जानकारी गराउने उद्देश्यले आयोजना गरिएको उक्त कायक्रममा नेपाल कम्पनीका प्रमुख कार्यकारी अधिकृत मृगेन्द्र रिमालले नेपालमा लघु बीमाको भूमिकाको विषयमा प्रकाश पार्दै यसका चुनौति र संभावनाका बारेमा प्रस्तुतिकरण दिएका थिए । मुलतः बैंक तथा वित्तीय संस्थाहरुको सहभागिता रहेको सो कार्यक्रममा कम्पनीका सहायक प्रमुख कार्यकारी अधिकृत अनिल गिरीले आफ्ने प्रस्तुतिमा नेपाल माइक्रो इन्स्योरेन्सले प्रदान गर्ने लघु वीमाका सेवाहरुका बारेमा सहभागीहरुलाई जानकारी गराउनु हुँदै कम्पनीले सहज र सस्तो दरमा सेवाहरु प्रदान गरिरहेको बताए । डेभलपमेन्ट एलायन्स नेपालले संयोजनमा संचालित उक्त कर्यक्रममा कृषि विकास बैंकका गण्डकी प्रदेशका निर्देशक घनेन्द्र अधिकारीले बैंक र बीमा व्यवसायका बीच अन्योन्याश्रित सम्वन्ध रहेकोले यस्ता प्रकारका अभिमुकरण कार्यक्रम बैकिङ्ग क्षेत्रका कर्मचारीका लागि कार्यसम्पानदको क्रममा उपयोगी हुने बताए । यसै गरि नेपाल बीमा प्राधिकरण गण्डकीका प्रदेश प्रमुख केशव प्रसाद दाहालले आफ्नो मन्तव्यको क्रममा साना तथा सीमान्तकृत वर्गलाई समेट्न लघु बीमाको अवधारणा ल्याइएको हँदा बीमाको पहुँच विस्तार गर्न जनस्तरमा समेत अभिमुखीकरण कार्यक्रम संचलन गर्नुपर्ने धारणा ब्यक्त गरे । दुई वर्षअघि सात वटा लघु वीमा कम्पनीले संचालन अनुमति पाएकामा निर्जीवन लघु बीमातर्फ नेपाल माइक्रो इन्स्योरेन्स कंपनीले आफ्नो स्थापनाकाल देखि नै व्यावसाय विस्तारमा अग्रणी स्थान ओगट्दै आएको छ ।
संस्थागत सामाजिक उत्तरदायित्वमा विशेष योगदानका लागि ज्योति विकास बैंक सम्मानित
काठमाडौं । संस्थागत सामाजिक उत्तरदायित्वअन्तर्गत नेपालका ग्रामीण तथा दुर्गम क्षेत्रका स्वास्थ्य संस्थाहरूमा विशेष योगदान गरेको ज्योति विकास बैंक लिमिटेडलाई राष्ट्रिय आविष्कार केन्द्रले सम्मानित गरेको छ । बैंकले ‘न्यानो नानी’ परियोजनामार्फत ५१ स्वास्थ्य संस्थामा बेबी वार्मर मेसिन’को पहुँच पुर्’याएकोमा यो सम्मान प्रदान गरिएको हो । काठमाडौंमा आयोजित विशेष कार्यक्रममा राष्ट्रिय आविष्कार केन्द्रका संस्थापक डा महावीर पुनले बैंकका प्रमुख कार्यकारी अधिकृत कपिल ढकाललाई सम्मानपत्र प्रदान गरेका थिए । डा पुनले बैंकले नवजात शिशुको स्वास्थ्य र जीवन रक्षाका लागि चालेको कदमप्रति आभार प्रकट गर्दै यो परियोजना देशको स्वास्थ्य क्षेत्रमा अनुकरणीय बनेको बताए । ‘न्यानो नानी’ परियोजना चार वर्षअघि सुरु गरिएको हो । यस परियोजनामार्फत राष्ट्रिय आविष्कार केन्द्रले स्वदेशमै निर्माण गरेका बेबी वार्मर मेसिन बैंकको सहयोगमा विभिन्न स्वास्थ्य केन्द्रमा जडान गरिएको छ । हालसम्म जडान गरिएका ५१ मेसिनमार्फत हरेक वर्ष करिब १८८७ नवजात शिशुको जीवन रक्षा भइरहेको बैंकले जनाएको छ। राष्ट्रिय आविष्कार केन्द्रले निर्माण गरेका बेबी वार्मर विदेशबाट आयात गरिएका उपकरणभन्दा ५० प्रतिशत कम लागतमा उपलब्ध छन् । बैंकले यस परियोजनालाई प्रोत्साहन गर्दा स्वदेशी उत्पादन प्रवर्द्धन र युवाको सीप विकासमा समेत योगदान दिएको छ । बैंकले ‘हाम्रो विकास प्रवर्द्धन कोष’ मार्फत देशका विभिन्न प्रदेशमा बेबी वार्मर जडान गरेको छ । कोशी प्रदेशमा १३, मधेश प्रदेशमा ६, बागमती प्रदेशमा १०, गण्डकी प्रदेशमा ६, लुम्बिनी प्रदेशमा ७, कर्णाली प्रदेशमा ७, र सुदूरपश्चिम प्रदेशमा २ वटा स्वास्थ्य केन्द्रमा उपकरण वितरण गरिएको छ । उपकरणको सञ्चालन र प्रयोग सुनिश्चित गर्न स्वास्थ्यकर्मीलाई विशेष तालिमसमेत प्रदान गरिएको छ ।
काठमाडौंको कागेश्वरीमा सानिमा बैंकको शाखा स्थापना
काठमाडौं । सानिमा बैंक लिमिटेडले काठमाडौंको कागेश्वरी मनोहरा नगरपालिका–५, स्थित थलीमा बैंक शाखा स्थापना गरी बैंकिङ सेवा विस्तार गरेको छ । उक्त शाखा कार्यालयको उद्घाटन कागेश्वरी मनोहरा नगरपालिकाका नगर प्रमुख उपेन्द्र कार्की, ब्रान्ड प्रवर्धक वरिष्ठ कलाकारद्वय मदन कृष्ण श्रेष्ठ र हरिवंश आचार्य तथा बैंकका सञ्चालक लक्ष्मी प्रपन्न निरौला र प्रमुख कार्यकारी अधिकृत निश्चल राज पाण्डेले संयुक्त रुपमा गरे । त्यसैगरी सानिमा बैंकका सञ्चालक लक्ष्मी प्रपन्न निरौला तथा प्रमुख कार्यकारी अधिकृत निश्चल राज पाण्डेद्वारा बैंकका ग्राहक तथा सरोकारवालाहरुलाई निरन्तर सहयोग तथा संरक्षणका लागि कृतज्ञता व्यक्त गरे ।
अब सीएफमोटो र जिहोमा २४ महिनासम्मको सरल र सहज फाइनान्स सुविधा
काठमाडौं । नेपालका लागि सीएफमोटो र जिहोको आधिकारिक वितरक ऋषि ट्रेड सेन्टरले सरल र सहज फाइनान्स सुविधाको व्यवस्था गरेको छ । सीएफमोटोको पेट्रोल बाइक तथा जिहोका ईभी स्कुटर खरिद गर्ने ग्राहकहरुलाई लक्ष्यित गरी ल्याइएको सो सुविधा हालै प्रारम्भ भएको हो । उक्त व्यवस्था अन्तर्गत आफूलाई मन पर्ने सीएफमोटो तथा जिहोका बाइक तथा स्कुटर सरल र सहज किस्ताबन्दीमा बिना झन्झट खरिद गर्न सकिने छ । ग्राहकले आफ्नो चाहना अनुरुप १२ महिने, १८ महिने र २४ महिने किस्ताबन्दी र न्यूनतम मूल्यमा आफूले रोजेको बाइक तथा स्कुटर खरिद गर्न सक्ने छन् । हालका लागि कम्पनीको नक्साल र झम्सिखेलस्थित शोरुमबाट मात्र सो सेवा उपलब्ध भएको र आगामी दिनमा अन्य शोरुमबाट समेत क्रमशः सेवा उपलब्ध गराइने कम्पनीको भनाइ छ । सो नयाँ मोटरसाइकलमा ४४९.५ सीसीको बलियो, लिक्विड कुल्ड, प्यारलल–ट्विन अथवा डुअल सिलिन्डर इन्जिन जडान गरिएको छ, जसले ९५०० आरपीएममा ४४ एचपी पावर र ७६०० आरपीएममा ४४ एनएम टर्क जेनेरेट गर्छ । सीएफमोटोले ४५० एमटीलाई सुरक्षा र सुविधाका उत्कृष्ट सुविधाहरूले सुसज्जित गरेको छ । यसका अत्याधुनिक डिजाइन, शक्तिशाली पर्रफर्मेन्स र उत्कृष्ट सुविधा ले यो मोटरसाइकललाई रोड तथा अफरोडमा रोमाञ्चक यात्रा खोज्नेहरूको लागि एक योग्य साथी बनाउँछ । फेमिली स्कुटरको रुपमा डिजाइन गरिएको एई४ मा ३१ लिटरको बुट स्पेस, फराकिलो फुट स्पेस, लिथियम आयोन ब्याट्री, एबीएस, इलेक्ट्रोनिक ट्रयाक्सन कन्ट्रोल, ३ हजार वाट पिक पावर लगायतका विशेषता रहेका छन् ।
एमएडब्लू हायर पर्चेजले पायो उत्कृष्ट करदाताको सम्मान
काठमाडौं । आन्तरिक राजश्व कार्यालय विराटनगरले एमएडब्लू हायर पर्चेज प्रालिलाई यो पटकको उत्कृष्ट करदाताको सम्मान प्रदान गरेको छ। कार्यलयले १३ औं राष्ट्रिय कर दिवस एवम् कर सप्ताहको समापन समारोहमा एमएडब्लूलाई उत्कृष्ट करदाताको रूपमा सम्मान गरेको हो । कार्यालयका प्रमुख कर अधिकृत भूपालराज शाक्य र कार्यक्रमका प्रमुख अतिथि मोरंगका प्रमुख जिल्ला अधिकारी प्रेमप्रसाद भट्टराईले कम्पनीका महप्रबन्धक प्राणनाथ भट्टराईलाई उत्कृष्ट करदाताको प्रमाणपत्र प्रदान गर्दै उक्त सम्मान प्रदान गरेका हुन् । नेपाल राष्ट्र बैंकको इजाजतपत्र अनुसार विसं २०६८ सालमा स्थापना भएको एमएडब्लू हायर पर्चेजले आफ्ना ग्राहकहरूलाई सजिलो र झन्झटमुक्त हायर पर्चेज समाधानहरू उपलब्ध गराउँदै आएको छ ।
