टेलिकमकाे सियुजी सिम सार्वजनिक विद्यालयका कर्मचारी र अभिभावकले पनि पाउने
काठमाडौं । नेपाल टेलिकमकाे सियुजी सिम सार्वजनिक विद्यालयका कर्मचारी र अभिभावकले पनि पाउने भएका छन् । टेलिकमले हाल देशभरका सार्वजनिक विद्यालयका शिक्षक तथा कक्षा १ देखि १२ सम्मका विद्यार्थीहरुका लागि वितरण गरिरहेको ‘पाठशाला सियुजी सेवा’ विद्यालयका कर्मचारी, अभिभावक, विद्यालय सञ्चालक समितिका सदस्यहरुले पनि पाउने भएका हुन् । महामारीको अवस्थामा मुलुकभरका विद्यार्थीहरु शिक्षाबाट वञ्चित हुनु नपरोस् भनी नेपाल सरकारले लागु गरेको आकस्मिक शैक्षिक योजना २०७७ अन्तर्गत कम्पनीले पठनपाठनका लागि सहुलियत दरमा ‘पाठशाला सियुजी सेवा’ वितरण गरिरहेको छ । यो अफरमाआवद्ध हुन नेपाल टेलिकमको जीएसएम वा सीडीएमए प्रिपेड मोबाइल नम्बर आवश्यक हुन्छ । पहिलेदेखि प्रयोगमा रहेका प्रिपेड सिमकार्डलाई पाठशाला सियुजी सेवामा आवद्ध गर्न सकिन्छ । नेपाल टेलिकमको प्रिपेड सिमकार्ड नहुने प्रयोगकर्ताहरुले निःशुल्क रुपमा उपलब्ध हुने नयाँ प्रिपेड सिमकार्डलिई सियुजी सेवा उपयोग गर्न सक्नेछन् ।
डिशहाेममा साेमबारदेखि भिडियाे म्यागजिन सग्लाे समाज
काठमाडाैं । डिश मिडिया नेटवर्कले सोमबारदेखि साप्ताहिक भिडियो म्यागजिन सग्लाे समाज प्रसारण गर्ने भएको छ । हिमाल मिडियाले निर्माण गरिरहेको सो म्यागजिन पत्रकार तथा लेखक कनकमणि दीक्षितले प्रस्तुत गर्नेछन् । सो म्यागजिन डिश होमको सरोकार च्यानल ९१३०० मा राती साढे ८ बजे प्रसारण हुन्छ । देशभित्रै निर्माण गरिएका कार्यक्रम बढाउँदै लैजाने नीति अनुरूप हिमाल मिडियासँग समझदारी भएअनुसार यो कार्यक्रम प्रसार हुन लागेको डिश मिडियाका अध्यक्ष हेमराज ढकालले बताए । सग्लो समाजमा आफुहरुले चिन्तन गर्नुपर्ने, चिन्ता लिनुपर्ने र समाजलाई उत्साहित बनाउने विषयलाई म्यागजिनको ढाँचामा प्रस्तुत गरिने हिमाल मिडियाका प्रकाशक तथf कार्यक्रमका प्रस्तोता कनकमणि दीक्षितले बताए ।
संगठित हुँदै मोबाइल व्यवसायी, चारवटा प्रदेशमा बन्यो संगठन
काठमाडौं । नेपाल मोबाइल व्यवसायी महासंघले देशभरका मोवाइल व्यवायीहरुलाई संगठित गर्ने अभियान थालेको छ । मोवाइल व्यवसायीको हकहितका लागि गठन भएको महासंघले धमाधम प्रदेश, जिल्ला र क्षेत्रीय समिति निर्माण थालेको छ । संगठन विस्तारका लागि देश दौडाहामा रहेको महासंघको टोलीले बागमती, गण्डकी, कर्णाली र प्रदेश ५ मा प्रदेश समिति गठन गरिसकेको महासंघका अध्यक्ष भरत भट्टराईले जानकारी दिए । नेपालभरका मोवाइल व्यवसायीलाई एकठाउँमा ल्याउन यो प्रयास थालिएको भट्टराई बताउँछन् । उनका अनुसार मोलवाइल बिक्रेताहरुले राज्यलाई उल्लेख्य कर तिरेका छन् । तर व्यवसायीहरु संगठित हुन नसक्दा राज्यवाट पाउनुपर्ने सेवा सुविधाबाट मोवाइल विक्रेताहरु वञ्चित छन् । महासंघले देशव्यापी नेटवर्क निर्माण गरेर व्यवसायको प्रर्वद्धनसँगै राज्यवाट प्राप्त गनुृपर्ने सुविधामा संगठित रुपमा प्रयास थाल्ने अध्यक्ष भट्टराई बताउँछन् । भट्टराईको अध्यक्षतामा गठित महासंघको तदर्थ समितिमा, वरिष्ठ उपाध्यक्ष सुरेश प्रसाई, उपाध्यक्ष अर्जुन चालिसे, महासचिव रमेश घिमिरे, सचिव डिल्लीबहादुर तामाङ, कोषाध्यक्ष सन्तोष घिमिरे, सह–कोषाध्यक्ष श्याम नगरकोटी र वरिष्ठ सदस्य दीपक बोगटी छन् । १७ सदस्यीय तदर्थ समितिलाई प्रदेश भेला सकिएलगत्तै पूर्णता दिइने उनले जानकारी दिए । देशभर ५ हजारभन्दा बढी मोबाइल व्यवसायी छन् ।
