राष्ट्र बैंकले भन्योः ‘क्रिप्टोकरेन्सी गैरकानुनी हो, कारोबार गरे कारवाही हुन्छ
काठमाडौं । नेपाल राष्ट्र बैंकले ‘क्रिप्टोकरेन्सी’को कारोबार, प्रयोग र ‘माइनिङ’ गैरकानुनी भएको जनाएको छ । केन्द्रीय बैंकले बिहीबार एक सूचना जारी गर्दै ‘क्रिप्टोकरेन्सी’को कारोबार, प्रयोग र ‘माइनिङ’ गैर कानुनी रहेको बताएको हो । यसको कारोबार गरे कारवाही हुने पनि राष्ट्र बैंकले उल्लेख गरेको छ । यस्तो कार्य गर्न प्रोत्साहन गर्नेरगराउने कार्य भइरहेको भन्दै त्यस्तो कार्यमा संलग्नलाई कारबाही हुने चतावनी दिएको छ । ‘हालका दिनमा ‘क्रिप्टोकरेन्सी’ कारोबार, प्रयोग र ‘माइनिङ’ जस्ता कार्यक्रमा संलग्न हुन प्रोत्साहन गर्नेरगराउने गरेको पाइएको र त्यस्तो कार्यबाट सर्वसाधारण ठगिएको र ठगिन सक्ने देखिएको हुँदा कसैले त्यस्तो कार्य गरे वा गरेको पाइएमा प्रचलित कानुमबमोजिम सजाय हुनेछ,’ राष्ट्र बैंकले जारी गरेको सूचनामा भनिएको छ ।
पाेखरामा डिशहोमकाे फ़ाईबर नेट
काठमाडाैं । डिश होमले पोखरामा डिशहोम फ़ाईबर नेटको औपचारिक सुरुवात गरेको छ । आज पाेखरकाे नयाँबजारस्थित भट्टराई एण्ड ब्रदर्स सप्लायेर्स प्रालिमा पोखरा उद्योग वाणिज्य संघका अध्यक्ष्य नारायण कोइरालाले उक्त सेवका समुद्घाटन गरेका हुन् । उक्त कार्यक्रममा भट्टराई एण्ड ब्रदर्स सप्लायर्स प्रालिका अध्यक्ष अम्बिका मोहन भट्टराईले डिशहोमले ईन्टरनेटमा गरेको लगानीले अब नेपालमा ईन्टरनेट क्रान्ती सुरु भएकाे बताइन् । सहरी एरियामा सुरु गरेको डिशहोम फ़ाईबर नेट आफ्नो सेवालाई ग्रामिण एरियाका ग्राहकलाई पनि छिट्टै उपलब्ध गराउने कुरा डिश होम का यरिया सेल्स मेनेजर प्रदिप सुवेदीले बताएका छन् ।
अब जापानी भाषा परीक्षणको आवेदन फारम शुल्क खल्तीबाट तिर्न सकिने
काठमाडाैं । खल्तीले जल्टान सँगको सहकार्यमा जापानी भाषा प्रविणता परीक्षणको आवेदन फारम शुल्क खल्तीबाट सजिलै भुक्तानी गर्न सकिने सुविधा कार्यान्वयनमा ल्याएको छ । यस पश्चात परिक्षाको फारम भुक्तानी मात्र खल्तीबाट गर्न सकिने छ । यसको लागि जल्टानको अध्यक्ष पूर्ण काजी प्रजापति र खल्ती वालेटका प्रबन्धक जोनाम भुर्तेलबीच सम्झौतामा हस्ताक्षर भएको छ । विगतका वर्षहरुमा परीक्षा शुल्क तिर्ने अन्य विकल्प नहुँदा परीक्षार्थीहरु जल्टानको कार्यालय भृकुटीमण्डप नै पुगेर घन्टौँ लाईन बसी शुल्क तिर्ने झन्झट गर्नुपर्थ्यो । यस समस्यालाई मध्यनजर गर्दै खल्तीले अनलाईन भुक्तानी प्रणालीको व्यवस्था गरेको जनाएकाे छ ।
