सेवा : सूचना-प्रविधि

क्यान इन्फोटेक मेलाको उद्घाटन LIVE

काठमाडौं । आम उपभोक्तालाई बस्तुदेखी सेवा खरिद गर्दा छुट उपलब्ध गराउने उद्देश्य सहित निर्माण गरेको ‘मेरो डिस्काउन्ट’ नामक एप सार्वजनिक भएको छ । कम्पनीले सोमबार एक कार्यक्रमको आयोजना गरेर उक्त एप सार्वजनिक गरेको हो । ‘मेरो डिस्काउन्ट’ नेपालकै एक मात्र अनलाइन मञ्च हो । जलाई ओसी ग्रुप सफ्टवेयर प्रालिले निर्माण गरेको हो । यो एपले स्थानीय व्यवसायीहरूको व्यापार वृद्धि तथा ग्राहकहरूलाई गुणस्तरीय सेवा प्राप्त गर्न मद्दत गर्ने ओसी ग्रुपले जनाएको छ । ओसी ग्रुपले सञ्चालनमा ल्याएको मेरो डिस्काउन्ट डटकम उपभोक्तालाई छुट प्रदान गर्ने एप हो । निर्माता कम्पनीका अनुसार उक्त एप प्रयोगकर्ताहरूले खरिद गर्ने प्रत्येक वस्तु तथा सेवाहरूमा विशेष छुट प्राप्त गर्न सक्नेछन् । यसरी प्राप्त हुने डिस्काउन्टहरू नगद छुट, प्रोमो कोड, भौचर, कुपन वा अन्य प्रकारका हुन सक्नेछन् । स्वस्थ, स्वच्छ र स्वादिष्ट भोजन होस् वा कुनै स्पाको आनन्द लिन यो एपको प्रयोग मार्फत सुलभ मुल्यमा प्राप्त गर्न सकिने कम्पनीले बताएको छ । यस्ता मनोरञ्जनात्मक क्रियाकलाप मात्रै नभई मेरो डिस्काउन्टको प्रयोग गरेर सपिङ मलमा सामानहरू किनमेल पनि सहजै गर्न सकिनेछ । मेरो डिस्काउन्टबाट मध्यमवर्गका ग्राहकहरूले पनि स्तरीय सेवा र सुविधाहरू उपयोग गर्न सक्नेछन् । साथै व्यवसायीहरूको विक्री वितरण बढाउन र नयाँ व्यवसायीहरूलाई थप प्रोत्साहन गरी अगाडि बढ्न मद्दत पुग्ने कम्पनीको दाबी छ । मेरो डिस्काउन्टस्सँग जोडिएका विक्रेताहरूले सहजै आफ्ना ग्राहकहरूलाई उनीहरूको इच्छा अनुसारको सेवा र अफरहरू प्रदान गरेर व्यवसायी र ग्राहकहरूबिचको सौहार्दपूर्ण सम्बन्ध स्थापित गर्न सक्ने कम्पनीले जनाएको छ । मेरो डिस्काउन्टस्सँग जोडिएका विक्रेताहरूले सहजै आफ्ना ग्राहकहरूलाई उनीहरूको इच्छा अनुसारको सेवा र अफरहरू प्रदान गरेर व्यवसायी र गढ़ाका बिचको सौहार्दपूर्ण सम्बन्ध स्थापित गर्न सक्ने कम्पनीले जारी गरेको विज्ञप्तिमा उल्लेख छ । यसका अलावा व्यवसायीहरूलाई व्यापारिक परामर्श समेत दिने काम सो कम्पनीले गर्ने उनीहरूले बताएका छन् । व्यवसायलाई राष्ट्रिय तथा अन्तर्राष्ट्रिय बजारमा अभिवृद्धि गर्न, वृहत् विज्ञापनबाट व्यवसायलाई प्रवर्द्धन गर्न, सरल तथा सुरक्षित भुक्तानी गर्न, समय समयमा अन्तरक्रियात्मक र दृश्य प्लेटफर्ममा आफूलाई प्रस्तुत गर्न, व्यवसायको निरन्तर अपडेट र अपग्रेड गर्न, बजारको माग अनुसारको विश्लेषण र मूल्य प्रस्ताव गर्न, व्यवसायलाई पेसागत रूपमा अभ्यास गर्न रणनीति निर्माण गर्न र व्यवसायका बारेमा व्यक्तिगत परामर्श लिन समेत एपको प्रयोगले फाइदा पुर्याउने कम्पनीले दाबी गरेको छ ।

काठमाडौं । नेपाल टेलिकमको कार्य सुस्ततामा नियामक निकाय र तालुकदार निकायले प्रश्न उठाएका छन् । आइतबार नेपाल टेलिकमकाे १९औं वार्षिकोत्सव कार्यक्रममा आफ्ना धारणा राख्दै नियामक तथा तालुकदार निकायले टेलिकमको काममा सुस्सता आएको बताएका हुन् । कम्पनीको कारोबार र नाफाको आकारमा समस्या आउनुको कारण कम्पनीले आफूलाई सापेक्षिक रुपमा अगाडि बढाउन नसक्दा भएको तालुकदार निकाय र नियामक निकायका व्यक्तिहरुले धारणा राखेका छन् । नेपाल टेलिकमको वार्षिकोत्सव कार्यक्रमकी प्रमुख अतिथि तथा सूचना प्रविधि तथा सञ्चार मन्त्री रेखा शर्माले दुर्गमका कार्यालयमा कर्मचारीको अभावमा टेलिकमले सेवा प्रभावकारी दिन नसकेको बताएकी थिइन् । ‘न्यूनतम सञ्चालन खर्चमा अधिकतम उत्पादन हासिल गरी ग्राहक सेवालाई गुणस्तरीय सस्तो र सर्वसुलभ बनाउँदै कर्मचारीको सेवासुविधालाई वृद्धि गर्दै लैजाने तथा राज्य र लगानीकर्तालाई अधिकतम प्रतिफल दिनु दायित्व नेपाल टेलिकमसँग छ’, उनले भनिन् । यसका लागि उच्च व्यवस्थापनदेखि सबै तहका नेतृत्वले गर्नुपर्ने काम स्पष्ट व्यवस्था गरिएको उनको भनाइ छ । वार्षिकोत्सव कार्यक्रममा बोल्दै नेपाल टेलिकम कम्पनी लिमिटेडका अध्यक्ष तथा सञ्चार तथा सूचना प्रविधि मन्त्रालयका सचिव बैकुण्ठ अर्यालले पछिल्लो समयमा बढेको प्रतिस्पर्धाका आधारमा काम गरेर टेलिकम अगाडि बढ्नसक्नुपर्ने धारणा राखे । टेलिकमले अगाडि बढाएका प्रोजेक्टहरुमा भएको ढिलाइको कारण नै पछिल्लो समयमा आम्दानी घटेको अर्यालको तर्क छ । त्यस्तै, नेपाल टेलिकमले गुणस्तरीय सेवा प्रदान गर्नको लागि स्तरवृद्धि, फाइभजी परीक्षण र अप्टिकल फाइबर बिछ्याउने काम ढिला गरेको नेपाल दुर सञ्चार प्राधिकरणका अध्यक्ष पुरुषोत्तम खनालले बताएका छन् । खनालका अनुसार टेलिकमले प्रदेश नम्बर १, मधेस प्रदेश, बागमती प्रदेश र कर्णाली प्रदेशमा अप्टिकल फाइबर बिछ्याउने काममा ढिलाई गरिरहेको छ । ‘२ वर्ष अगाडि नै प्रदेश नम्बर १, मधेस प्रदेश, बागमती प्रदेश र कर्णाली प्रदेशमा अप्टिकल फाइबर बिछ्याउने काम शुरु भएकोमा अहिलेसम्म पनि काम सम्पन्न भएको छैन, ढिलो भइरहेको छ, छिटो गर्न अनुरोध गर्छु’, अध्यक्ष खनालले भने । सबै जिल्लामा फाइबर नेटवर्क विस्तार गर्नुपर्ने काम बाँकी नै रहेको उनको भनाइ थियो । नेपाल दुरसञ्चार प्राधिकरणका अध्यक्ष खनालले भने काठमाडौं रिङरोड भित्र नै टेलिकमको फोरजी सेवा प्रभावकारी नभएको बताएका छन् । ‘रिङरोड भित्रै सबै ठाउँमा यस सेवा उपलब्ध छ ?’, उनले पुनः प्रश्न गरे, ‘गुणस्तरीय सेवा दिन नसक्ने हो भने यही प्रयोग गर्नुपर्छ ?’ पछिल्लो समयमा पटक–पटक सेवा अवरुद्ध भएको विषयमा अध्यक्ष खनालले टेलिकमको ध्यानआकर्षण गराएका थिए । उनले ग्राहक बढीरहेको तर टेलिकमको आम्दानी घटीरहेको विषयमा खोजी हुनुपर्ने समेत धारणा राखे । टेलिकम १९ वर्ष अगाडि कम्पनीमा रुपान्तरण हुँदा ४ लाख २२ हजार ग्राहक संख्या थिए भने सिमित प्रकारका सेवा मात्रै उपलब्ध गराउने अवस्था रहेको थियो । अहिले टेलिकमले भ्वाईस सेवा देखि इन्टरनेट सेवा सम्म आधा दर्जन भन्दा धेरै सेवा २ करोड भन्दा धेरै नेपालीहरुसमक्ष पुर्याउने काम गरेको छ । कम्पनीले आर्थिक वर्ष ०७५/०७६ मा ९ अर्ब ७५ करोड, ०७६/७७ मा ९ अर्ब ७४ करोड र ०७७/०७८ मा ७ अर्ब १२ करोड नाफा गरेको थियो । त्यस्तै, कम्पनीको आर्थिक वर्ष २०७८/८९ को कुल राजस्व ४४ अर्ब ३७ करोड रुपैयाँ रहेकोमा जसमा खुद नाफा ८ अर्ब ४७ करोड रुपैयाँ रहेको थियो । चालु आर्थिक वर्षको पुस मसान्तसमम्म अर्थात २१ अर्ब ८० करोड आम्दानी गरेको छ । कम्पनीको आम्दानी र नाफाको ५ वर्षको आंकडालाई हेर्दा पछिल्लो समयमा ग्राहक र क्षेत्र विस्तार भएपनि टेलिकमको आम्दानी तथा नाफा भने तुलनात्मक रुपमा बढ्न सकेको छैन् । टेलिकमले फाइभ सेवा सञ्चालनको लागि परीक्षणको कार्य अगाडि बढीरहेको बताएको छ । तर, नेपाल टेलिकमलाई निःशुल्क फ्रिक्वेन्सी उपलब्ध गराउँदा समेत फाइभ परीक्षणमा ढिलाई भइरहेको प्राधिकरणका अध्यक्षले बताएका छन् । स्रोत साधनमा सम्पन्न भएर पनि टेलिकमले समय सापेक्ष विकास गर्न नसकेको र पछिल्लो समयमा आम्दानी घट्दै गइरहेकोमा सम्बद्ध सम्पूर्ण क्षेत्रका व्यक्तिहरुले चिन्ता प्रकट गरेका छन् । नेपाल दुरसञ्चार प्राधिकरणका अध्यक्ष खनालले पूर्वाधारमा टेलिकम निकै धनी भएको तर आम्दानी भने कम भइरहेको भन्दै कटाक्ष व्यक्त गरेका थिए । ‘फाइभजी सेवा प्राविधिक रुपमा नै फरक आर्किटेक्चर सञ्चालन हुने भएकाले अहिले टेलिकमसँग भएका पूर्वाधार प्रयोगमा आउने नआउने, स्तरोन्नती गर्नुपर्ने वा नपर्ने र विस्थापन गर्नुपर्ने वा नपर्ने’ विषयमा विश्लेषण कार्य भइरहेको टेलिकमका प्रवन्ध निर्देशक सुनिल पौडेलले उल्लेख गरेका छन् ।