एभरेष्ट इन्स्योरेन्सको सबैभन्दा बढी सेयर कारोबार
काठमाडौं । यस साता एभरेस्ट इन्स्योरेन्स कम्पनी लिमिटेडको सबैभन्दा बढी सेयर कारोबार भएको छ । कम्पनीको १५ करोड २५ लाख रुपैयाँ बराबरको सेयर कारोबार भएको छ । त्यसैगरी कारोबार भएको सेयर संख्याका आधारमा कुमारी बैंकको अग्रस्थानमा छ । बैंकको ३ लाख ९० हजार कित्ता सेयर कारोबार भएको नेपाल स्टक एक्सचेन्ज लिमिटेडले जनाएको छ । यस साता २अर्ब ११ करोड ८८ लाख ८ हजार रुपैयाँ बराबरको सेयर कारोबार भएको छ । नेपाल स्टक एक्सचेञ्जकाअनुसार कूल १९१ कम्पनीको ६१ लाख १२ हजार ३७० कित्ता शेयर खरिद बिक्री भएका छन् । कारोबार रकम गत साताको भन्दा ५८.४४ प्रतिशत बढी हो । गत साता १८४ कम्पनीको १ अर्ब ३३ करोड ७३ लाख ३३ हजार बराबरका ४२ लाख ५४ हजार ५५० कित्ता सेयर खरिद बिक्री भएका थिए । साताको नेप्से परिसूचक पहिलो दिनको तुलनामा ३२.४१ अंकले घटेर अन्तिम दिन १हजार १९१. ९८ अंकमा पुगेको छ । रासस
राष्ट्र बैंकले घरजग्गा कारोबारको सुचाङक तयार गर्ने
काठमाडौं । सरकारले घर जग्गा कारोबारमा हुने उतारचढावलाई प्रष्ट पार्न राष्ट्र बैंकले सूचाङक तयार पारेको छ । बैंकले घरजग्गा कारोबारमा भैरहने गतिविधीको अध्ययन गरी सूचाङक तयार गर्ने भएको हाे । बुधबार २०७५ ०७६ को मौद्रिक निति सार्वजनिक गर्दै बैंकले सरकारको एकिकृत बस्ती विकासमा टेवा पुर्याउने गरी खेतीयोग्य जमिन बचाउन सुचाङक तयार गर्न लागेको छ ।।
महालक्ष्मी विकास बैंक र एनएलजी इन्स्योरेन्सबीच बैंकास्योरेन्स सम्झौता
काठमाडौं । महालक्ष्मी विकास बैंक र एनएलजी ईन्स्योरेन्स कम्पनी लिमिटेडबीच बैंकास्योरेन्स सेवा सम्बन्धि सम्झौता भएको छ । उक्त सम्झौतापत्रमा महालक्ष्मीका प्रमुख कार्यकारी अधिकृत कृष्णराज लामिछाने र एनएलजीका कामु प्रमुख कार्यकारी अधिकृत सुनिलबल्लभ पन्तले हस्ताक्षर गरेका छन् ।
