आरएमडीसी लघुवित्तले १० प्रतिशत बोनस र १० प्रतिशत नगद लाभांश दिने
काठमाडौं । आरएमडीसी लघुवित्त वित्तीय संस्था लिमिटेडले सेयरधनीलाई १० प्रतिशत बोनस सेयर दिने भएको छ । साथै, संस्थाले सेयरधनीलाई कर सहित १० प्रतिशत नगद लभांश दिने प्रस्ताव राखेको छ । संस्थाको हालै सम्पन्न बैठकले चुक्ता पुँजीको ७ करोड २६ लाख रुपैयाँ बराबरको बोनस सेयर दिने प्रस्ताव गरेको हो । हाल संस्थाको चुक्ता पुँजी ७२ करोड ६७ लाख रुपैयाँ रहेको छ । बोनस पश्चात ७९ करोड ९३ लाख रुपैयाँ पुग्ने छ । समितिको उक्त प्रस्तावलाई नेपाल राष्ट्र बैंकले स्वीकृति तथा संस्थाको आगामी वार्षिक साधारणसभाले पारित गर्नुपर्ने छ ।
लगानी कोषका अध्यक्ष रामचन्द्र भट्टराईद्धारा पदबहाली
काठमाडौं । नागरिक लगानी कोषका अध्यक्ष डा.रामचन्द्र भट्टराईले शुक्रबार पदबहाली गरेका छन् । कोष संचालक डा.रामशरण खरेलले डा भट्टराईलाई पद तथा गोपनियताको शपथ गराएका थिए । डा.भट्टराईलाई २१ असोजको मन्त्रिपरिषदको बैठकले कोष अध्यक्षमा नियुक्त गरेको थियो । ‘इन्भाइरोमेन्ट इकोनोमिक्स’ मा विद्याबारिधी गरेका भट्टराईले हाल त्रिभुवन विश्वविद्यालय अन्तर्गत पाटन बहुमुखी क्याम्पसमा सुक्ष्म र बृहत अर्थशास्त्रको अध्यापन गराउदै आएका छन् । खोटाङ लामिडाडाँमा जन्मेका भट्टराईसंग राष्ट्रिय बाणिज्य बैकको संचालक, राष्ट्रिय योजना आयोगमा सल्लाहकार, अर्थमन्त्रालयमा वरिष्ठ आर्थिक सल्लाहकारको रुपमा लामो समय काम गरिसकेको अनुभव छ । साथै, उनीसंग नेपाल राष्ट्र बैक, न्याय सेवा तथा कृषि क्षेत्रमा काम गरेको पनि अनुभव रहेको छ ।
सानिमा लाईफ इन्स्योरेन्सले एकैदिन खोल्यो तीन नयाँ शाखा
काठमाडौं । सानिमा लाईफ इन्स्योरेन्स लिमिटेडले एकैदिन तीन नयाँ शाखा सञ्चालनमा ल्याएको छ । इन्स्योरेन्सले बिहीबार चावहिलकोे चुच्चेपाटी, कोटेश्वरको तिनकुने र काठमाडौंको सुन्धारामा शाखा उद्घाटन गरी सञ्चालनमा ल्याएको हो । कम्पनीका संचालक घनश्याम थापा, जीवा लामिछाने र सदभावना दुत कलाकार स्वस्तिमा खड्काले संयुक्त रुपमा उक्त शाखाको उद्घाटन गरेका हुन् । कम्पनीले आफ्नो व्यवसायिक लक्ष्य प्राप्तीका लागि देशभरी शाखा सञ्जाल विस्तार गर्ने उद्देश्यले उक्त स्थानमा थप कार्यालय विस्तार गरेको हो ।
