दसैंका लत्ताकपडा हवाईजहाजमा, तातोपानी र रसुवागढी नाका बन्द हुँदा हवाईजहाजबाट समान ल्याउनुपर्ने वाध्यता
काठमाडौं १६, असोज । चीनबाट सामान ल्याउन प्रयोग हुने तातोपानी र रसुवागढी नाका पूर्ण रूपमा सञ्चालन हुन नसक्दा नेपाली व्यापारीले हवाईजहाजबाट सामान ल्याउन थालेका छन् । राजधानी तथा अन्य क्षेत्रमा चिनियाँ सामान बिक्री गर्ने व्यापारीले अन्तर्राष्ट्रिय उडान भर्ने जहाज कम्पनीमार्फत सामान आयात गर्न थालेका हुन् । गत वर्षको भूकम्पपछि तातोपानी नाका बन्द भएको थियो भने विभिन्न खाले चिनियाँ अवरोधले रसुवागढी नाकामा समस्या थियो । ‘तातोपानी बन्द भएपछि एक पटक रसुवागढीबाट सामान ल्याउँदा धेरै समस्या भयो,’ दसैं अफरको फाइल तस्बिर न्युरोडको आरबी कम्प्लेक्समा तयारी पोसाकको पसल चलाउने लोप्साङ गुरुङले भने, ‘त्यसपछि ‘एयर लिफ्ट’ गरेर सामान ल्याइरहेको छु । ’ उनले दसैं–तिहारलाई लक्षित गर्दै केही साताअघि मात्र ग्वान्जाउबाट थाई एयरमा तयारी पोसाक ल्याएको बताए । ‘ग्वान्जाउबाट बैंकक हुँदै आउने जहाजमा सामान ल्याएँ,’ उनले भने, ‘बैंककबाट पनि सामान थपेको थिएँ ।’ उनका अनुसार अहिले धेरै नेपालीले चीनबाट सीधै काठमाडौं उडान भर्ने कम्पनीमार्फत सामान ल्याउने गरेका छन् । तयारी पोसाक, चस्मा, सौन्दर्य सामग्री, झोला, फुटवेयर, मोबाइल, तयारी गहना, सजावटका सामानलगायत वस्तु अहिले जहाजबाटै आउन थालेका छन् । तयारी पोसाक र सौन्दर्य सामग्री भने थाइल्यान्डबाट समेत ‘एयर लिफ्ट’ गरेर ल्याइने गरेको छ । ‘भूकम्पपछि धेरैले जहाजबाट सामान ल्याउन थालेका छन्,’ नेपाल चेम्बर अफ कमर्सका सचिव एवं आरबी कम्प्लेक्सकै व्यापारी पर्शुराम बस्नेतले भने, ‘उत्तरी नाकाको अवरोधले सीमित सामान ल्याउने व्यापारीको रोजाइ जहाज भएको हो ।’ चीनबाट आयात हुने लत्ताकपडालगायत सामानको आयात उत्तरी नाकाबाट हुँदै आए पनि गह्रुँगा वस्तु एवं औद्योगिक उपकरणको आयात भने समुद्री मार्ग हुँदै कोलकाताबाट आउने गरेको छ । कान्तिपुर दैनिकबाट ।
दसैँको वेला यातायात व्यवसायीको दादागिरी,सिट क्षमताभन्दा धेरै यात्रु बोक्न पाउनुपर्ने
काठमाडौं १६, असोज । दसैँमा घर जान टिकट बुकिङ खुलाएका व्यवसायीले मनपरी गर्न नपाउने सरकारको निर्णयपछि बुकिङ बीचैमा बन्द गरे, यसकारण करिब आठ लाख यात्रुले अझैँ घर जान टिकट पाएका छैनन् । सिटअनुसार गाडी चलाउँदा घाटा हुने भन्दै व्यवसायीले सिट क्षमताभन्दा धेरै यात्रु बोक्न पाउनुपर्ने नत्र एकतर्फी भाडा सरकारले दिनुपर्ने माग गरेका छन् । दसैँ सुरु भएसँगै उपत्यकाबाट बाहिरिनेको संख्या पनि बढ्न थालेको छ । नागढुंगा नाकाबाट नियमितभन्दा १० हजार बढी यात्रु बाहिरिन थालेको ट्राफिक प्रहरीले जनाएको छ । ‘सामान्य अवस्थामा २५–२६ हजार यात्रु बाहिरिन्थे,’ महानगरीय ट्राफिक प्रहरी प्रभाग नागढुंगाका सइ गुणनिधि खकुरेलले भने, ‘शुक्रबारदेखि बढेको छ, शनिबार करिब ३५ हजार बाहिरिएका छन् । दक्षिणकाली, जगाती तथा बालाजु हुँदै बाहिरिनेको संख्या पनि बढ्न थालेको छ । यातायात व्यवसायीले अनेक माग राखेर मनपरी गर्न खोजेपछि सरकारले वैकल्पिक व्यवस्था गर्न लागेको छ । प्रधानमन्त्री तथा मन्त्रिपरिषद् कार्यालयले दसैँको यातायात समस्या समाधान गर्न सरकारी गाडी लामो दूरीमा यात्रु बोक्न सञ्चालन गर्ने तयारी थालेको छ । यही विषयमा छलफल गर्न मुख्यसचिव डा. सोमलाल सुवेदीले आइतबार बिहान सचिवहरूको बैठक बोलाएका छन् । सबै सरकारी बसको विवरण संकलन गरी सञ्चालनको योजना बनाउन लागिएको हो । प्रहरी तथा सेनाको बसलाई समेत दसैँमा यात्रु बोक्न सञ्चालन गर्ने योजना पनि सरकारको छ । यातायात व्यवस्था विभागले दसैँमा घर जाने यात्रु ओसार्न स्कुल तथा कलेजका बस प्रयोग गर्ने तयारी गरेको छ । विभागले प्याब्सन, एनप्याब्सन तथा प्लस टु कलेज सञ्चालकको संस्था हिसानका अधिकारीहरूलाई आइतबार छलफल गर्न बोलाएको छ । ‘राजधानीका स्कुल–कलेजका पनि तीन–चार सय बस छन्,’ विभागका महानिर्देशक चन्द्रमान श्रेष्ठ भन्छन्, ‘व्यवसायीले बस नथपे स्कुल–कलेजको बसमार्फत धेरै यात्रु घर जान सक्नेछन् ।’आइतबारको पत्रिका दैनिकदैनिकबाट ।
जेडटिइ ब्लेड भि७ लाइट बजारमा, मूल्य १८ हजार, पावर बैंक सित्तैमा
काठमाडौं, १५ असोज । नेपालका लागि जेडटिई स्मार्टफोनको अधिकृत विक्रेता इभोलुशन इन्टरप्राइजेज प्रालिले स्मार्टफोन ‘जेडटिई ब्लेड भि७ लाइट’ नेपाली बजारमा उपलब्ध गराएको छ । दशै क्यास ब्याकअफर र खदिरमा पावर बैंकको उपहारसहित ब्लेड भि७ लाइट सार्वजनिक गरिएको हो । आकर्षक फिचरहरुले सजिएको ब्लेड भि७ लाइटमा ५ इन्चको एचडी कर्भ एजडिस्प्ले रहेको छ । यस स्मार्टफोनमा फिङ्गरप्रिन्ट स्क्यानरको प्रयोग गरिएको छ जसबाट केवल ३ सेकेन्डमै फोन अनलक गर्न सक्दछ । यसैगरी, ब्लेड भि ७ लाइटमा निकै आकर्षक फोटोहरु खिच्न सकिनेछ । अगाडिको क्यामेरा १३ मेगपिक्सेल र पछाडिको क्यामेरा ८ मेगापिक्सेलको छ । पछाडिको क्यामेरामा अटो फोकसको प्रयोग गरिएको छ भने पछाडिको क्यामेरामा एलइडी फ्लासको प्रयोग गरिएको छ ।क्यामेराका अन्यफिचरहरुमा जिओ–ट्यागिङ, फेस डिटेक्सन, एचडिआर र पानोरोमा रहेका छन् । स्मार्टफोनमा २ जिबी र्याम र १६ जिबीको इन्टर्नन स्टोरेज रहेको छ । एसडी कार्डको प्रयोग गरेर २५६जिबीसम्म एक्स्टर्नल मेमोरी बढाउन सकिने छ । एन्ड्रोइड मार्सम्यालो ६.०अपरेटिङ सिस्टमा चल्ने यस फोनमाक्वार्ड कोर १गिगाहजप्रोसेसरको प्रयोग भएको छ । फोनमाझिक्ननमिल्ने २ हजार ५ सय एमएएच ब्याट्री प्रयोगगरिएको छ । ब्लेड भि७लाइटका अन्यफिचरहरुमा डुअल सिम, फोरजी सपोर्ट, एफएम रेडियोलगायत छन् । स्मार्टफोनको बजार मूल्य १८ हजार ९ सय ९० राखिएको छ । नेपालीको महान चाड दशैलाई मध्यनजर गरेर जेडटिई ब्लेड भि७ लाइटको खरिदमा ७ सय रुपैयाँ दशै क्यास ब्याकअफर दिइएको छ भने स्मार्टफोनको खरिदमा २ हजार २ सय मूल्य पर्ने १० हजार एमएएचको पावर बैंक उपहर स्वरुप प्रदान गरिने कम्पनीले जनाएको छ ।
साढे चार अर्बको सेयर कारोबार
काठमाडौँ, १५ असोज । धितोपत्र बजारमा यस साता कुल १५८ कम्पनीको चार अर्ब ४५ करोड तीन लाख २८ हजार मूल्य बराबरको ५२ लाख ९२ हजार १६० कित्ता सेयर कारोबार भएको छ । नेपाल स्टक एक्चेन्जकाअनुसार गतसाता १५२ कम्पनीको पाँच अर्ब ६५ करोड ४६ लाख ५८ हजार बराबरका ७२ लाख ३९ हजार ७५० कित्ता सेयर खरिद बिक्री भएका थिए । कारोबार रकम गत साताको भन्दा २१.२७ प्रतिशत कम रहेको स्टकले जनाएको छ । साताको नेप्से परिसूचक पहिलो दिनको तुलनामा २२.७४ अङ्कले बढेर अन्तिम दिन एक हजार ७५३.३८ अङ्कमा पुगेको छ । ‘क’ वर्गका कम्पनीको कारोबार मापन गर्ने सेन्सेटिभ इन्डेक्स पहिलो दिनको तुलनामा ५.२२ अङ्कले बढेर ३८०.२६ अङ्कमा आइपुगेको छ । यससाता कारोबार रकमको आधारमा एभरेस्ट बैंक अग्रस्थानमा रहेको छ । सो बैंकको ५३ करोड एक लाख २० हजार मूल्य बराबरको सेयर कारोबार भएको थियो । त्यसैगरी कारोबार भएको सेयर सङख्या पाँच लाख ११ हजार कित्ताको आधारमा नबिल ब्यालेन्स फन्ड एक अग्रस्थानमा रहेको छ । यससाता नेपाल स्टक एक्सचेन्जको कारोबार कक्ष पाँच दिन खुला रह्यो । यससाता पनि ऋणपत्रतर्फ संस्थागत तथा सरकारी ऋणपत्रको कुनै पनि कारोबार नभएको स्टकले जनाएको छ । रासस
मलेसियाका लागि नेपाली राजदुत बस्नेतलाई कारवाही गर्न माग
काठमाडौं, १५ असोज । मलेसियाका लागि नेपाली राजदुत डा. निरञ्जनमानसिंह बस्नेतले आफ्नो र राजदुतावासको विरोधमा बोल्ने जो कोही नेपालीहरुलाई पनि विविध आरोप लगाएर नेपाल डिपोर्ट गर्ने गरेको पीडितहरुले आरोप लगाएका छन् । शनिबार राजधानीमा पत्रकार सम्मेलन गरेर पीडित दम्पती टेकबहादुर राना र देवी गुरुङले यस्तो आरोप लगाएका हुन् । कार्यक्रममा पीडित देवी गुरुङ्ले राजदुत बस्नेतको कार्यशैलीको विरोध गर्दा जबरजस्ती नेपाल पठाईएको गुनासो पोखिन् । उनका अनुसार उनीहरु नाबालक छोरासहित सपरिवार नै सन् २०१० देखि मलेसियाको क्वाललम्पुरमा भूदी कञ्चन एमएसडिएन विएचडी (हिमालयन रेष्टुरेन्ट) व्यवसाय गरी काम गर्दै आएको र सन् २०१४ देखि मलेसिया नेपाली व्यवसायी संघको कोषाध्यक्ष भई काम गरिरहेका थिए । राजदूत बस्नेतले गैरकानुनी तवरबाट मलेसियाको कोप्रासी नामक गैरसरकारी संस्थालाई ठेक्का दिई दूतावासकै परिसरमा कार्यालयका लागि निःशुल्क ठाउँ उपलब्ध गराई सो संस्थालाई बुझाएको च्ः १२५० को रसिद दिने तर च्ः २१०० सम्म भुक्तानी लिई नेपाली नागरिकलाई ट्राभल्स डकुमेन्ट दिने निर्णयको विरोध गर्दा आफूहरु यस्तो शिकार बनेको गुरुङ्ले सुनाईन् । उनले अघि थपिन्,‘भ्रष्टाचारजन्य कार्यको विरोध मलेसियाका सम्पूर्ण संघसंस्थाको मिटिङमा नेपाली व्यवसायीको तर्फबाट यस्तो भ्रष्टाचारी राजदूतलाई पेटिकोट र जुत्ताको माला लगाइनुपर्छ भनी अभिव्यक्ति दिएकै भरमा राजदूत डा. बस्नेतले २०१६ जनवरीमा मलेसियाको प्रशासन र अध्यागमनलाई हामी निवेदकहरुलाई विनाकारण ठगीको आरोप लगाउँदै नेपाल डिपोर्ट गर्न पत्र लेखे, सोही पत्र लेखिएको भनी हामीलाई जानकारीसहित मलेसियाको पुलिस अनुसन्धानका लागि २०१६ जुलाईमा हामीले सञ्चालन गरेको रेष्टुरेन्टमा आई स–परिवारको सबै डकुमेन्टहरु लिई एम्बेसीले लेखेको पत्र देखाउँदै अनुसन्धान गरिरहेका छौं भन्दै साधारण सोधपुछ गरेर गए ।’ मलेसियन प्रहरीले सोधपुछ गरेपछि आफूहरु ‘स–परिवार’लाई मलेसियन एम्बेसी र राजदूतले नेपाल डिपोर्ट गर्न पत्र काटेको स्मरण गर्दै गुरुङ्ले भनिन्,‘हामीले राजदूत बस्नेतलाई सम्बोधन गरेर सन् २०१६ अगष्ट २ तारिखमा पहिलो निवेदन र अगष्ट ९ तारिखमा दोस्रो निवेदन दिएर हामी मलेसियाको नियम कानुनभित्र रहेर व्यापार व्यवसाय गर्दै आइरहेको र यसैक्रममा केही कमीकमजोरी भएको भए त्यो सुधार गर्दै अगाडि बढ्ने जानकारी गराउँदै आपूmहरुलाई नेपाल डिपोर्ट नगराई मलेसियामै व्यापार व्यवसाय गरेर बस्न दिन अनुरोध गरेर पत्र लेखेका थियौं, तर राजदुतले हाम्रो निवेदनको वेवास्ता गर्दै हामीप्रति व्यक्तिगत रिसइबी र इगोको आधारमा मलेसियन अध्यागमन र प्रहरीलाई राजदूतले ताकेता गरी २०१६ अगष्ट २५ मा रेष्टुरेण्टको ढोका तोडफोड गरी हामी स–परिवारलाई पक्राउ गर्न लगाए ।’
धर्तिको स्वर्ग रारा, स्थलमार्गबाटै रारासम्म (फोटोफिचर)
कर्णाली अञ्चल अन्तर्गतको मुुगुसम्म गाडी दौडन्छ भन्ने कमैलाई थाहा छ । सडक यातायातले मुगु सदरमुकाम गमगढीलाई छोएको पनि जम्मा तीन वर्ष भएको छ । काठमाडौंबाटै सडक यातायातको प्रयोग गर्दै रारा जाने विषयले मन निकै हौसाएको पनि थियो । रारा ताल सोसाइट अफ ट्राभल एण्ड टुर अपरेटर्स (सोट्टो) नेपालसँग आवद्ध व्यवसायीकको टोलीसँगको असोज पहिलो साता पर्यटन व्यवासायी, राजनीतिक दलका प्रतिनिधी र पत्रकारसहितको टोलीले काठमाडौंबाटै रारासम्मको यात्रा पनि तय गर्यो । बाँकेको गाभरभ्याली होमस्टेमा पुगेपछि टोलीका सबै साथिहरूमा नयाँ उत्साह नै आएको थियो । गाभर भ्यालीमा जम्मा तीन वटा घरमा रहेका होमस्टे मध्ये एउटा घर रारा किनारबाट नै विस्थापित भएर आएको थापा परिवारको थियो । पर्यटन प्रबर्दनको अन्तरक्रियाका सहभागि सरकारले २०३२ सालमा रारा निकुन्ज घोषणा गरेपछि विस्थापित यो परिवार गाभरभ्यालीमा आएकको थियो । त्यहाँको एक रातको बसाईपछि हाम्रो टोलीकै एक सदस्य तथा नेकपा एमालेका केन्द्रीय सदस्य सूर्य थापाले राराबाट विस्थापितकै घरमा वास वस्ने मौका मिलेकोले रारा जाने टुरको स्लोगान नै रारा बासदेखि रारासम्म बनाए । उनले यात्राभरीको अन्तक्रियामा यो नारालाई परिचित नै गराए । यात्रा राराकै भएकोले काठमाडौंबाट हिडेको पाँचौ दिन नै रारा पुगियो । मुगुको रारा गाउँ विकास समितिमा रहेको अनुपम प्राकृतिक सम्पदा राराताल समुद्र सतहबाट २ हजार ९९० मिटर उचाइमा रहेको छ । नेपालगन्जको गाभरभ्यालीमा आफ्नो घर सफा गर्दै एक वालिका पाँच किलोमिटर लम्बाइ, तीन किलोमिटर चौडाइ र १६७ मिटर गहिराइ रहेको रारा क्षेत्रफलका हिसाबले नेपालको सबैभन्दा ठूलो ताल हो । रारा करीब ११ वर्गलोमिटर क्षेत्रफलमा फैलिएको छ । रारा वरिपरि घुम्न तथा तालको सौन्दर्य अवलोकन गर्नका लागि करिब पाँच घन्टा पैदल यात्रा गर्नुपर्छ । सडक यातायातबाट थाकेर पुगेका टोली होस वा जुम्ला, गमगढी वा सीधै हवाई माार्गबाट ताल्चा पुगेर जाने टोली हुन रारा हेर्न हौसिएर उकालो लागेपनि शरीर निकै शिथिल हुँदो रहेछ । कालिकोट जुम्ला राजमार्गको गल्लाघाटमा खोलामा सवारी बिग्रिएपछि बाटो खुल्ने प्रतिक्षमा रारा क्षेत्रमा पुगेपछि पाइने प्राकृतिक आनन्द, चिसो हावा, वरिपरि जंगलले घेरिएको रारा साँच्चै मनमोहक छ । नजीबाट हेर्दा पोखरी, अलि परबाट हेर्दा ताल तथा अलि माथि डाँडामा जाँदा देखिने कुण्ड कचौरा आकारमा रहेको छ । रारा नजिकै मचानमा बसेर राराको पानीलाई एकनासले नियाल्ने हो भने मचान आफैं चलामान भएको जस्तो अनुभूति दिलाउँछन् । रारामा नै एकनासले हेरिरहने हो भने पानीको बहावका कारण आफैं डुङ्गामा बसेर यात्रा तय गरेको जस्तै अनुभूति राराले दिन्छ । राराले बेला बेलामा फरिहनले सूर्यको प्रकाश अनुसारको फरक रुप, हावाको बहाव, कञ्चन पानी, आँखामा देखिने निलो दह हेरिरहुँजस्तो, वरीपरि घुमिरहुँ जस्तो लाग्छ । कालिकोट जुम्ला सडकमार्ग रारा पुगेपछि सुरु भएका मोवाइल तथा क्यामेरा बन्द नै नगरुजस्तो लागे र जति तस्बिर लिएपनि अझै लिन मन लाग्ने आकर्षण रारामा पाइन्छ । धकान बिर्सिएर रारासँग रमाउँदा रारा साँच्चै धर्तिकै स्वर्ग हो । आन्ददायी वातावरण हुने, कुनै चिन्ता र मोह नहुने स्थानसँग तुलना गर्दा रारा पनि अग्रंक्ति मै आउँछ । त्यसैले त २०२० सालमा महेन्द्र शाह अर्थात मवीवी शाहले राराकी अप्सरा कविता लेखेका थिए । त्यही रारा अहिले शव्दमा वयान गर्दा धर्तिको स्वर्ग हुन पुगेको छ । सौन्दर्यका हिसाबले रारामा विविधता देखिन्छ । यहाँ विभिन्न पर्यटकीय विशेषता छन् । बिहान सूर्य उदाउँदा ऐनाझैं टलटल टल्किनु, मध्याह्नमा मन्द मुस्कानसँगै हावामा कावा खेल्नु, साँझपख उत्ताउलिनु, आकाशमा बादल लाग्दा बादल पौडिएर रुप परिवर्तन हुनु राराको विशेषता पनि हो । विश्वको सबैभन्दा अग्लो स्थानमा रहेको रारामा विश्वमै दुर्लभ एवम् उत्कृष्ट जातको असला माछा पाइन्छ । मौसम अनुसार साइबेरियालगायतका स्थानबाट आउने चराको चिरबिर, स्थल तथा जल वनस्पति, रंगीविरंगी फूलले ढकमक्क मैदान, वरिपरि होचा हरियाली तथा सुन्दर पहाडले घेरिएको भव्य जलमग्न उपत्यका, रोचक ऐतिहासिक तथ्य, स्वच्छ हावापानी राराका विशेषता हुन् । रारामा पुगेको आन्तरिक पर्यटकको टोली अनुपम प्राकृतिक सौन्दर्यको खानी रारा पुगेर मन्त्रमुग्ध नहुने स्वदेशी तथा विदेशी पर्यटक सायद को भेट्टाउन मुस्किल छ । पश्चिम एसियाको अफगानिस्तानदेखि पूर्वको म्यानमारसम्मको समग्र हिमालय क्षेत्रमा अवस्थित पर्यटकीय सम्पदाको तुलनामा सबैभन्दा सुन्दर मानिने ताल नै रारा हो । नेपालका तथा अन्य देशको तालको महत्व आफ्नै स्थानमा रहने भएपनि राराको तुलनामा भने यसको आकर्षणलाई भने अन्य अग्लो स्थानको कुनै पनि क्षेत्रले भेट्टाउन सक्दैन । राराताल अनुपम प्राकृतिक सम्पदा रारामा हवाई र स्थलमार्ग प्रयोग गरी पुग्न सकिन्छ । काठमाडौँबाट नेपालगन्ज करिब ५६ मिनेट र नेपालगन्जबाट ताल्चा (रारा) विमानस्थल ४५ मिनेट वा सुर्खेतबाट ताल्चा (रारा) विमानस्थल ३५ मिनेटमा पुगिन्छ । स्थलमार्ग हुँदै रारा पुग्न कामठाडौ नेपालगन्जहुँदै सुर्खेत, कालिकोट, जुम्ला–सिंजा हुँदैरारा पुग्न सकिन्छ । साना गाडी तथा जीपको प्रयोग रारा जाने उपयुक्त सवारी साधान पनि हो । बाजुरा (कोल्टी) बाट दुई दिनको पैदल यात्रबाट पनि पुग्न सकिन्छ । रारा जिल्ला सदरमुकाम गमगढीबाट दक्षिण–पश्चिमतर्फ करिब तीन घन्टा र मुगुको एकमात्र विमानस्थल ताल्चाबाट करिब साढे एक घन्टाको पैदल यात्रा गर्नुपर्छ । रारातालछेउमा रहेको महादेवको मन्दिर रारा नजिकको पुग्नैपर्ने पर्यटकीय ठाउँ मुर्माटप पनि एक हो । राराबाट करिब दुई घन्टाको पैदल यात्रापश्चात् मुर्माटपमा पुग्न सकिन्छ । मुर्माटपबाट राराको पूरै दृश्यावलोकन हुनुका साथै अपी–सैपाल, कान्जिरोवा, सिस्ने, छायाँनाथ, बडिमालिकालगायतका पर्यटकीय स्थलको दृश्यावलोकनबाट पाइने आनन्दा बेग्लै छ । पछिल्लो समय बढ्दै गएको राराप्रतिको आम नेपालीको मोहलाई पूरा गर्न स्थालमार्ग सहज भएको छ । हवाई मार्गबाट पनि रारा पुग्न सहज भएको छ । तर, राराको संरक्षण र यसको महत्व उजागर गरेर व्यवस्थित पर्यटनको विकास भने आजको आवश्यकता हो । रारा प्याकेज बनाएर पर्यटक लैजान व्यवसायी आफैं सक्रिय छन् । राराताल स्थालमार्गको प्रयोगबाट पनि एक साताको पर्यटकीय प्याकेज ३० हजार रुपैयाँमा नै तय भएको छ । व्यवसायीले नयाँ गन्तव्य प्रवद्र्धन गर्ने कामलाई प्राथमिकताका साथ अगाडि बढाउन पनि थालेका छन् । अनुपत प्राकृतिक सुन्दरताकै कारण स्वर्ग जस्तै भनेर तुलना गरिने राराको प्राकृतिकपनको आनन्द भने धर्तिको सबैभन्दा अनुपत स्थान हुनसक्छ । राराताल रारा पुग्ने हरेकजसो स्वदेशी तथा विदेशी पर्यटकको बुझाईमा राराको प्राकृतिक सौन्दर्यलाई अतुलीय बनाउँनै कुनै नै कुनै आन्दपूर्णको उपमा दिएरै फर्कने गरेका पाइन्छ । रारा ताल रारालाई सधैँसुन्दर राख्नसकै लागि र उत्कृष्ट प्राकिृतिक गन्तव्य बनाउँनकै लागि पनि रारा प्रकृतिको सुन्दर उपहार हो । प्रकृतिको बरदान हो ।
प्राकृतिक विपत्ति रोकथामको पुर्व तयारीमा जोड
काठमाडौं, १५ असोज । भुकम्प लगायत प्राकृतिक विपदबाट हुने धनजनको क्षतिन्युनीकरण गर्न पूर्व तयारी एवं जनचेतना अभिवृद्धि गर्नु पर्नेमा जोड दिइएको छ । नेपाल जापान कुटनैतिक सम्वन्ध स्थापना भएको ६० औं वर्षको अवसर पारेर नेपाल चेम्वर अफकमर्सले आयोजना गरेको अन्तरक्रिया कार्यक्रमका सहभागीहरुले उक्त कुरा बताएका हुन । कार्यक्रममा नेपाल चेम्वर अफकमर्सका अध्यक्ष डा. राजेश काजीश्रेष्ठले विगतका विपदबाट पाठ सिकेर सोही अनुरुप तयारी गर्न नसके भविष्यमा अझ ठूला धनजनको क्षति हुन सक्ने बताए । भुकम्पिय दृष्टिले नेपाल अति सम्वेदनशिल क्षेत्रमा पर्ने हुनाले त्यही अनुरुप तयारी गरिनु पर्नेमा अध्यक्ष श्रेष्ठको जोड थियो । इमरजेन्सी शेल्टर एण्ड डिसास्टर प्रिभेन्सन् एजुकेशनल एड “नेपा”काप्रोफेशर निर्देशक मोरी काजुहिकोले नेपालमा प्राकृतिक दुर्घटनाबाट हुने जनधनको क्षति न्युन गर्ने उद्देश्यका साथ इमरजेन्सी शेल्टर एण्ड डिसास्टर प्रिभेन्सन् एजुकेशनल एड नेपाल गठन गरिएको जानकारी गराएका थिए । उनले नेपाल र जापान दुवै देश भुकम्पीय दृष्टीले जोखिममा रहेकोले जापानले गरेको तयारीबाट नेपालले धेरै सिक्न सक्ने पनि बताए ।
४ लाख ६ हजार भूकम्प पीडितले पाए घर बनाउन ५० हजार
काठमाडौं, १५ असोज । ४ लाख ६ हजार ३ सय ९९ परिवार भूकम्प पीडितले घर बनाउन ५० हजार रुपैंयाँ प्राप्त गरेका छन् । असोज १३ गतेसम्म ती भूकम्प पीडितको बैंक खातामा पहिलो किस्ताको ५० हजार रुपैंयाँ उपलब्ध गराइएको हो । बैंकमा रहेको रकम आवश्यकता अनुसार घर बनाउने समयमा निर्माण सामग्रीहरु खरिदका लागि निकाल्न सकिनेछ । अनुदान रकम बैंकमा मौज्दात रहेको अवधिको बैंक तथा वित्तीय संस्थाहरुले व्याज उपलब्ध गराउने व्यवस्था रहेकाले हतारमा अनुदान रकम ननिकाल्न र घर पुनर्निर्माणको तयारी गरेर घर निर्माण गर्ने समयमा मात्र रकम निकाल्न राष्ट्रिय पुननिर्माण प्राधिकरणले आग्रह पनि गरेको छ । घर पुनर्निर्माणका लागि प्राप्त अनुदान रकम अन्य क्षेत्रमा प्रयोग गरे कानूनी कारवाही हुने, दोस्रो र तेस्रो किस्ताको अनुदान रकम समेत प्राप्त नहुने भएकाले अनुदान रकम घर पुनर्निर्माणमा बाहेक अन्यमा खर्च नगर्न पनि प्राधिकरणले आग्रह गरेको हो । प्राधिकरणका प्रवक्ता रामप्रसाद थपलियाले निजी आवास निर्माणका लागि दोश्रो किस्तामा एक लाख ५० हजार रुपैंयाँ उपलब्ध गराउने बताए । तेश्रो किस्ता वापत भने एक लाख रुपैंयाँ उपलब्ध गराइने उनले बताए । सरकारले भूकम्प पीडित जनतालाई नीजि आवास निर्माणका लागि एक लाख रुपैंयाँ थपेर तीन लाख दिने निर्णय गरेको छ ।
