बाढी पहिरोका कारण तराईका बैंकिङ सेवा प्रभावित, मंगलबारदेखि ठूला बैंक शाखा खुल्ने
काठमाडौं । आइतबार तराईका सबै बैंक तथा वित्तीय संस्थाहरू बन्द रहे । गत बिहीबारदेखि परेको अबिरल वर्षाको कारण आइतबार उक्त स्थानका बैंक तथा वित्तीय संस्थाहरूले सेवा प्रदान गर्न नसकेको नेपाल बैकर्स एसोसिएशनका अध्यक्ष अनिल केशरी शाहले बताए । ‘तराई जलमग्न भएपछि आइतबार बैकिङ सेवाभन्दा पनि जनधनको रक्षातिर लागियो,’ सेवा लिने र दिने कोही पनि भएनन् ।’ अब मंगलबारदेखि भने ठूला शाखाबाट सेवा सुचारु हुनेछ । ठूला शाखाको संचालन व्यवस्था मिलाइ सकेपछि साना शाखा पनि विस्तारै खुल्दै जानेछन् । ‘जलमग्न भएको तराईमा कनेक्टिभिटी टुटेको छ,’ उनले भने ‘ आज विदाको दिन परेकोले दिनभरमा कसरी कनेक्टिभिटी जोडेर सेवा दिन सकिन्छ भनी हामी लागि परिरहेका छौ ।’ विद्युतको विकल्पमा जेनेरेटर प्रयोग गरेपनि इन्टरनेटलगायतका प्राविधिक कारण बैकिङ सेवा दिन अप्ठ्यारो परेको उनले बताए । बाढी पहिरोको कारण तराई प्रभावित भएपछि विराटनगरदेखि सुदूरपश्चिमसम्मको बैंकिङ सेवा प्रभावित भएको छ । आज दिनभरमा सबै मिलाएर भोलि मंगलबारदेखि ठूला शाखा संचालन गर्ने तयारीमा एसोसिएशन लागि परेको छ ।
एनसेलकाे सापटी रकममा वृद्धि, ब्यालेन्स ट्रान्सफर सुविधा निःशुल्क
काठमाडौं । एनसेल प्रा. लि. ले बाढी प्रभावित क्षेत्रमा आफ्ना ग्राहकलाई सम्पर्कमा रहन सहयोग पुर्याउने उद्देश्यले सापटी सेवाको रकममा वृद्धि गरेको छ । साथै ब्यालेन्स ट्रान्सफर सुविधा पनि निःशुल्क बनाएको छ । कम्पनीले ग्राहकलाई आकस्मिक सूचना सम्बन्धित ठाँउमा पुर्याउन मद्दत गर्नका लागि निःशुल्क आपतकालिन सम्पर्क नम्बर ९००८ पनि संचालनमा ल्याएको छ । सापटी सेवा अन्तर्गत एनसेलका प्रिपेड ग्राहकले रु ४० प्राप्त गर्दै आएकोमा मंगलबार सम्मका लागि रु ६० प्राप्त गर्न सक्ने कम्पनीले जनाएको छ । ग्राहकले विद्यमान सेवा शुल्क रु २.५१ मा नै थप सापटी रकमको सुविधा लिन सक्छन् । प्राप्त सापटी रकमबाट ग्राहकले कुनै पनि नेटवर्कमा कल गर्न, एसएमएस पठाउन, इन्टरनेट चलाउन तथा एनसेलको कुनै पनि सेवा प्रयोग गर्न सक्छन् । यसका साथै एनसेलले अन्य बेलामा सेवा शुल्क रु १.२५ लाग्दै आएको ब्यालेन्स ट्रान्सफर सुविधालाई पनि निःशुल्क बनाएको छ । यो सुविधा पनि मंगलबारसम्म जारी रहने छ । बाढी प्रभावित क्षेत्रका ग्राहकलाई आफ्ना प्रियजनसँग आकस्मिक सूचना आदान प्रदान गर्न सघाउने उद्देश्यले निःशुल्क आपतकालिन सम्पर्क नम्बर ९००८ संचालनमा ल्याएको छ । यस अन्तर्गत प्रभावित क्षेत्रका एनसेल ग्राहकले ९००८ मा तथा अन्य नेटवर्कका ग्राहकहरुले ९८०९००८००० मा डायल गरी कम्पनीको कल सेन्टरमा रहेका प्रतिनिधी मार्फत आफ्ना सूचना आफ्ना प्रियजनमा पुर्याउन सक्छन् । “बाढी तथा पहिरोले देशका विभिन्न भागमा भएको धनजनको क्षतिप्रति हामी दुःखी छौं । यस विपतको समयमा संचालनमा ल्याईएका थप सापटी सुविधा, निःशुल्क ब्यालेन्स ट्रान्सफर सुविधा र आपतकालिन कल सेन्टर तथा निःशुल्क आपतकालिन सम्पर्क नम्बर ९००८ ले ग्राहकलाई सम्पर्कमा रहन सहज बनाउने तथा उद्दार र राहत कार्यमा योगदान पु¥याउने विश्वास छ,” एनसेलका कर्पोरेट सर्भिसेस् निर्देशक प्रणय आचार्यले भने । “यस प्राकृतिक प्रकोपको समयमा पनि एनसेलको नेटवर्क निरन्तर संचालनमा रहेको र ९० प्रतिशत भन्दा बढी बिटिएस टावर मार्फत सेवा प्रदान गरिरहेका छौं । केहि स्थानमा विद्युत आपूर्ती नरहेको र डिजेल जेनेरेटर संचालन गर्दा जोखिम हुने देखिएको त्यस्ता ठाउँमा जेनेरेटर संचालनमा ल्याउन हामी पानीको सतह कम होस् भनी प्रतिक्षा गरिरहेका छौं,” आचार्यले भने । सापटी सेवाका लागि एनसेलका प्रिपेड ग्राहकले एस्ट्रिक्स९९८८ह्यास डायल गरी प्राप्त निर्देशन अनुसार सापटी लिन सक्नेछन् । त्यसै गरी ग्राहकले ९९८८ नम्बरमा खाली एसएमएस पठाएर पनि सापटी लिन सक्नेछन् । सापटी स्वरुप प्राप्त रकम रिचार्ज गरेपछि मेन ब्यालेन्सबाट सेवा शुल्क सहित घटाइनेछ ।
नेपाल बङ्गलादेश बैंकको थप दुई शाखा लेखनाथ र बागलुङमा
काठमाडौं । नेपाल बङ्गलादेश बैंक लिमिटेडले आफ्नो थप दुई शाखा लेखनाथ र बागलुङमा सञ्चालनमा ल्याएको छ । बैंकले आफ्नो ४६ औं शाखा लेखनाथ र ४७ औं शाखा बागलुङमा संचालनमा ल्याएको हो । बैंकको उक्त शाखा सञ्चालन गर्ने कार्यक्रमहरु बैंकका प्रमुख कार्यकारी अधिकृत ज्ञानेन्द्र प्रसाद ढुंगानाको उपस्थिति र बैंकका संचालकहरुको सभापतित्व तथा नेपाल राष्ट्र बैंकका उच्च पदाधिकारीद्वारा गरिएको थियो । साथै सोहि परिसरमा एटिएम सेवाहरु पनि थप गरेको जानकारी गराएको छ । यी दुई शाखा सहित बैंकले ४७ शाखा, ५ एक्सटेन्सन काउन्टर, ७ शाखारहित घरदैलो बैंकिङ्ग सेवा तथा ४४ वटा एटिएमबाट बैंकिङ्ग सुविधा दिंदै आएको कुरा पनि जानकारी गराएको छ । बैंकले हालै सार्वजनिक गरेको अपरिस्कृत वित्तिय विवरण अनुसार आ. व. २०७३/७४ मा बैंकको कूल निक्षेप ४३ अर्ब ७१ करोड रुपैयाँ, कूल कर्जा ३७ अर्ब ४६ करोड रुपैयाँ परिचालन गरि १ अर्ब २० करोड रुपैयाँ खुद नाफा आर्जन गरेको छ ।
लक्ष्मी बैंकको नयाँ शाखा रुपन्देहीको मणिग्राममा
काठमाडौं । लक्ष्मी बैंकले आफ्नो शाखा संजाल विस्तार गर्ने क्रममा रुपन्देहीको, मणिग्राममा आफ्नो नयाँ शाखा संचालनमा ल्याएकोे छ । भैरहवा र बुटवल पश्चात्, बैंकको यस क्षेत्रमा, यो तेस्रो शाखा हुनेछ । मणिग्राम शाखा, जोगीकुटि बाट स्थानान्तरण भएको हो । जोगीकुटिमा कारोबार गर्ने सम्पूर्ण ग्राहकलाई सबै सेवाहरु, बुटवल शाखाबाट उपलब्ध गराईने बैंकले जनाएको छ । यस सहित लक्ष्मी बैंकको शाखा संजाल ६९, ३ हस्पिटल सेवा काउन्टर, ८८ ए टि एम, २५०० भन्दा बढि रेमिटेन्स् अनि ४०० भन्दा बढि मोबाईल एजेन्टहरु पुगेको छ । यी शाखाहरुका साथ लक्ष्मी बैंकले आफ्नो सेवाअझ सुदृढ अनि व्यापक बनाउने विश्वास राखेको छ । यस शाखाको विस्तार सँगै बैंकले ग्राहकहरुलाई उनीहरुकै रोजाईको माध्यम अर्थात शाखा कार्यालय, इन्टरनेट बैंकिङ्ग र मोवाईल फोन मार्फत बैंकिङ्ग सेवा प्रदान गर्ने बैंकले जनाएको छ । आगामी दिनहरुमा बैंकले अझ धेरै शाखा अनि सेवाहरु देशभरि विस्तार गर्ने लक्ष्य लिएको छ । बैंकले आ.व. २०७३र७४मा ५९ अर्ब ३२ करोड रुपैयाँ निक्षेप र ५२ अर्ब ७३ करोड रुपैयाँ कर्जा पुर्याएको छ । साथै, सोही अवधिमा यस बैंकको वासलातको आकार ७० अर्ब ९० करोड रुपैयाँ रहेको छ । सोहि आ.व.मा बैंकले १०० करोड रुपैयाँको हाराहारीमा खुद मुनाफा आर्जन गर्न सफल भएको छ । जुन अघिल्लो वर्षको सोही अवधिको तुलनामा २७ प्रतिशतले बढी हो ।
सञ्चय कोषले ६८८ मेगावाटको वेतान कर्णाली आयोजना बनाउने, संचयकर्ताको नाफा सेयरमा परिणत हुने
काठमाडौं । कर्मचारी सञ्चय कोषले ६८८ मेगावाट क्षमताको वेतन कर्णाली जलविद्युत आयोजना निर्माण गर्ने भएको छ । कोषले आयोजना निर्माणका लागि वेतन कर्णाली सञ्चयकर्ता हाइड्रोपावर कम्पनी लिमिटेड स्थापना गरिएको छ । कम्पनीले कारोबार गर्न अनुमति पनि पाइसकेको छ । कोषले वर्षेनी सञ्चयकर्तालाई प्रदान गर्ने नाफा रकम आयोजनामा लगानी गर्ने भएको छ । कम्पनीका सञ्चयकर्ताको ४० प्रतिशत सेयर लगानी हुने गरी लगानी सम्बन्धित विनियमावली लागु गरेको छ । यस्तै कोष, नेपाल विद्युत प्राधिकरणको पनि लगानी हुने छ । कोषले आयोजनामा लगानी जुटाउन सञ्चयकर्ताको नाफालाई जलविद्युतको सेयरमा लगानी गर्ने तयारी थालेको छ । उसले नाफा सेयरमा लगानी गर्नका लागि सञ्चयकर्तालाई अनुरोध समेत गरेको छ । निवेदन नदिने सञ्चयकर्ताको नाफा रकम सिधै सेयरमा लगानी गर्ने जानकारी दिएको छ । सञ्चयकर्ताले नचाहेमा लगानी नहुने कोषले जनाएको छ । गत आर्थिक वर्ष ०७३÷०७४ देखिको नाफालाई आयोजनामा लगानी हुने गरी विनियमावली परिवर्तन गरेको कोषका प्रशासक कृष्णप्रसाद आचार्यले बताए । आयोजनाको विस्तृत अध्ययन प्रतिवेदन (डीपीरआर) तयारीका लागि आवश्यक कार्यादेश (टीआर) को मस्र्यौदा अन्तिम चरणमा पुगेको र नेपाल विद्युत प्राधिकरण अन्र्तगतको इन्जिनियरिङ कम्पनीमार्फत आयोजनाको अध्ययन काम अघि बढाउने तयार भएको उनले जानकारी दिए । ३ वर्षभित्र सम्पुर्ण अध्ययन सम्पन्न, विद्युत प्राधिकरणसंग विद्युत खरिदबिक्री सम्झौता (पीपीए) र लगानी जुटाएर आयोजनाको निर्माण सुरु गर्ने आचार्यको योजना छ । अर्धजलासययुक्त आयोजना ( पिकिङ रअ अफ दी रिभर) प्रकृतिको यो आयोजना बनाउन ८० अर्ब रुपैयाँ लाग्ने अनुमान गरिएको छ । आयोजनाबाट वार्षिक ४ अर्ब २६ करोड ५० लाख युनिट बिजुली उत्पादन हुने प्रारम्भीक अध्ययनले देखाएको छ । जसअनुसार हिउँदमा १ अर्ब ४९ करोड २० लाख र वर्षादमा २ अर्ब ७७ करोड ३० लाख युनिट बिजुली उत्पादन हुने प्रारम्भीक अध्ययनले देखाएको छ । कोषका सञ्चयकर्ताबाट ६ वर्षमा ९ अर्ब रुपैयाँ स्वपुँजी (इक्युटी) जुट्ने उनले जानकारी दिए । ५० देखि ५५ अर्ब रुपैयाँ बैंकबाट ऋण लिने योजना तय भएको छ । यद्यपी डीपीआरपछि मात्र आयोजनाको वास्तविक लागत आउने भएकाले यसमा केही परिवर्तन हुने उनले बताए । कोषका सञ्चयकर्ताले वर्षेनी औसत १ अर्ब ३० करोड रुपैयाँ नाफा पाउने गरेका छन् । वर्षेनी नाफा बढ्दै गएकाले रकम थपिने छ । मुलुकमा लोडसेडिङ अन्त्यका लागि कोषमा भएको रकम जलविद्युत आयोजनामा लगानी गर्नका लागि प्रक्रिया सुरु गरिएको उनको भनाई छ । ऊर्जा मन्त्रालयले वेतन कर्णालीलाई अध्ययन गर्न अनुमतिपत्र (लाइसेन्स) दिइसकेको छ । काम सुरु गरेको ६ वर्षमा आयोजना काम सम्पन्न हुने उनले जानकारी दिए । आयोजना सुर्खेत र आछम जिल्लामा पर्छ । आयोजनाको सुरुङ ६.६ किलोमिटर लामो हुने छ ।
पहिरो पन्छाएपछि नारायणगढ-मुग्लिनमा सवारी आवागमन सुचारु
चितवन। नारायणगढ–मुग्लिन सडकखण्डमा खसेको पहिरो पन्छाएपछि सवारी आवागमन सञ्चालन भएको छ । सो सडकखण्डअन्तर्गत पाँचकिलोमा गएराति पहिरो खसेपछि सडक अवरुद्ध बनेको थियो । जिल्ला प्रहरी कार्यालयका अनुसार राति १० बजेबाट सो ठाउँमा पहिरो खसेको हो । रातको समयमा पन्छाउन नसकेपछि अहिले बिहानबाट पहिरो हटाउन शुरु गरिएको थियो । सो सडकखण्डमा शुक्रबार दिउँसोपछि ठाउँ–ठाउँमा पहिरो जाँदा अवरुद्ध भएको सडक आइतबार साँझ मात्र सञ्चालनमा आएको थियो । रासस
विपद व्यवस्थापनका लागि तात्यो सरकार, बाढी प्रभावित जिल्लामा निशुल्क स्वास्थ्य सेवा दिने
काठमाडौं । सरकारले देशव्यापीरुपमा बाढी प्रभावित जिल्लाका अस्पताललाई निशुल्क स्वास्थ्य सेवा दिन निर्देशन दिएको छ। साउन २७ देखि परेको अविरल बर्षाबाट तराईका विभिन्न जिल्लामा परेको विपद व्यवस्थाको लागी स्वास्थ्य मन्त्रालयले आपतकालिन तयारी थालेको हो । मन्त्रालयले अस्पतालहरूमा ७ दिनको लागी प्रभावितहरूको लागी निशुल्क स्वास्थ्य सेवा दिन व्यवस्था गर्न जिल्लाहरू लाई निर्देशन दिएको छ । बाढीपछि देखिने रोगहरू जस्तै झाडा पखाला, हैजा आउ, हेपाटाइटिस, टाईफाइड र सर्पदंश जस्ता समस्याहरू देखापर्न सक्ने हुदा आवश्यक, औषधि र स्वास्थ्य कर्मि तयारी अवस्थामा राख्ने मन्त्रालयले जनाएको छ । मन्त्रालयले सवै स्वास्थ्य संस्थामा स्वास्थ्य कर्मि र सम्पुर्ण कर्मचारीहरू समेत आफ्नो कार्यक्षेत्रमा रहि कार्य गर्न र विदा वसेकाहरू सवै विदा छोट्टाई कार्य क्षेत्रमा फर्किन निर्देशन दिएको छ । विपदको व्यवस्थापन गर्न स्वास्थ्य सेवा विभागका उपमहानिर्देशकको संयोजकत्वमा विपद व्यवस्था कमिटि बन्ने सरकारले निर्णय लिएको छ । सो कमिटिले हाल लाई ४ बटा टोली वनाई प्रभावित क्षेत्रका समन्वयको लागी विराटनगर, जनकपुर, रौतहट र नेपालगंज पठाउनेछ । देनिक विहान ९।३० बजे र साँझ ५ बजे स्वास्थ्य मन्त्रालय स्वास्थ्य आपतकालिन कार्यसञ्चालन केन्द्र मा भए गरेका कार्यहरू र जिल्लाका अवस्थाको वारेमा जानकारी दिनेछ । विपदबाट पर्न गएको क्षतिको तत्काल मूल्याङ्कनको प्रतिवेनद अनुरूप कार्ययोजना बनाइ विपद व्यवस्था कमिटि लाई कार्य योजना दिन प्राविधिक सल्लाहाकार समिती ले प्राविधक सहजिकरण गर्ने मन्त्रालयले जनाएको छ। यस विपदलाई नियमित सम्पर्कमा रहनको लागी यस स्वास्थ्य आपतकालीन कार्यसञ्चालन केन्द्रमा उपसचिव २४ सै धन्टा सम्पर्कमा रहन श्री सत्य आचार्य, भिम सापकोटा, लक्ष्मी मरासिनि, संन्जिव गौतम र उपेन्द्र के.सि लाई खटाउने तयारी रहेको मन्त्रालयले जनाएको छ । जिल्लाका स्वास्थ्य संस्थाहरू बाट स्कुलहरू र अन्य क्षेत्रमा क्याम्प गरी वसेका जनताको स्वास्थ्य अवस्था र निजहरू लाई रोग लाग्न नसक्ने गरि स्वास्थ्य सुरक्षा विधिको नियमित अनुगमन गर्ने भएको छ । सो को जानकारी र अवस्थको प्रतिवेदन क्षेत्र र स्वास्वास्थ्य सेवा विभागको विपद व्यवस्थापन केन्द्रमा दैनिक रूपमा गराउनेछ । रोगको रोकथाम र स्वास्थ्य सुदृढिकरण सम्वन्धमा सूचना प्रवाह गर्न राष्टिय स्वास्थ्य शिक्षा तथा सूचना तथा संन्चार केन्द्र ले गर्ने मन्त्रालयले जनाएको छ । विपदमा खटिने स्वास्थ्य कर्मी हरूकोलागी रेस्क्यु ज्याकेटको व्यवस्था गरिएको छ ।
सुपरस्टार अमिताभ बच्चन माथि कर छलीको आरोप, भारतीय कर विभागले थाल्यो छानबिन
काठमाडौं । भारतको आयकर विभागले कर छली गरेको आरोपमा वलिउड सुपरस्टार अमिताभ बच्चनमाथि छानबिन सुरु गरेको छ । पनामा पेपर्सले अमिताभले कर छलिगरेको विवरण सार्वजनिक गरेपछि कर विभागले उनीमाथि अनुसन्धान थालेको हो । छानबिनमा बच्चन लगायत कैयौं हस्तीहरुको नाम खुलासा भएको थियो । यस मामिलामा भारतको विभाग निकै ’आक्रमक’ रुपमा काम गरिरहेको त्यहाँको चर्चित अखबार टाइम्स अफ ईण्डियाले जनाएको छ । विभागले यसबारे थप अनुसन्धानका लागि ब्रिटिस भर्जिन आइल्याण्डमा आफ्नो एक उच्च पठाएको अखबारले उल्लेख गरेको छ । क्यारेबियन द्विपमा अवस्थित ब्रिटिस भर्जिन आइल्याण्ड (कर तिर्नुनपर्ने (ट्याक्स हेभेन) मूलुकको रुपमा गनिन्छ । अमिताभबारे सोधपुछमा एक अधिकारीले भने, ’मिस्टर बच्चनले पनामा पेपर्समा आएका कुनै फर्ममा पनि आफ्नो सम्बन्ध नरहेको बताएका छन् । त्यसैले हामीले सिधै सोधपुछ गर्न सकेनौं । हामीलाई अन्य जानकारी जुटाउनु आवश्यक छ ।’ टाइम्स अफ इन्डियासँग कुरा गर्दै विभागका एक अधिकारीले भने, ’हामीले थप जानकारी जम्मा गर्नका लागि सीबीडीटी (सेन्ट्रल बोर्ड अफ डाइरेक्ट ट्याक्स) को कर्मचारीलाई ब्रिटिस भर्जिन आइल्यान्ड पठाइएको छौं । हामी अन्य मूलुकबाट पनि जानकारी खोजिरहेका छौं । सबै जानकारी लिइसकेपछि मात्र कानुन तोडिएको हो कि होइन पत्ता लाग्नसक्छ ।’ पनामा पेपर्समा थुप्रै भारतका ठुला फिल्मी कलाकार, राजनेता तथा व्यापारीको नाम सार्वजनिक भएको छ। अमिताभले आफूले कुनै गलत काम नगरेको दाबी गरेका थिए । बच्चनले भारतीय नियम अनुसार विदेशमा रकम पठाउने गरेको दाबी गरेका थिए । अधिकारीले भने, ’सार्वजनिक भएका कतिपय खाताका वास्तविक हुन् । जानकारी जम्मा गर्न धैरै समय लाग्छ ।’ इनकम ट्याक्स विभागले पनामा पेपर्समा देखापरेका मध्ये ३३ नाममाथि मुद्दा दायर गरिएको छ र बाकी विरुद्ध छानबिन चलिरहेको छ । पनामा पेपरले विदेशमा सम्पत्ति जोडेको विवरण सार्वजनिक गरेपछि पाकिस्तानी प्रधानमंत्री नवाज शरीफलाई त्यहाँको सर्वोच्च अदालतले पदच्युत गरेको छ । यता भारतमा करको घटना लम्ब्याइएको भनेर कर विभागको आलोचना भइरहेको छ । पनामा पेपर्सका दस्तावेज पनामास्थित एक ल फर्म ( मोसेक फोन्सेकाले ’लीक’ गरेका थिए । यो फर्मको ३५ वटा मूलुकमा ब्युरो छ । दस्तावेजमा ५० देशका १४० राजनेताहरुको नाम उल्लेख छ जसको विभिन्न तरिकाबाट विदेशमा रकम जम्मा रहेको दाबी गरिएको छ । यसमा १२ भुतपूर्व राष्ट्राध्यक्षहरुको नाम पनि उल्लेख छ। खेलाड़ी, प्रशासक तथा फोर्ब्समा सूचीकृत २९ अर्बपतिको पनि नाम पेपर्समा उल्लेख छ । भारतले ग्लोबल टास्क फोर्ससँग सहकार्य गरेर पनामा पेपर्सले सार्वजनिक गरेका दोषिमाथी अनुसन्धान गरिरहेको छ ।
