टर्कीमा ३० बिलियन अमेरिकी डलर हाई-टेक इन्सेन्टिभ कार्यक्रम सुरु
काठमाडौं । टर्कीका राष्ट्रपति रेसेप तैयप एर्दोगानले राष्ट्रिय उच्च प्रविधि प्रोत्साहन कार्यक्रम प्रश्तुत गरेका छन् । इस्तानबुलमा एक प्रक्षेपण कार्यक्रममा बोल्दै एर्दोगानले सरकारले अनुदान र कर प्रोत्साहनको एक श्रृंखलाको योजना बनाएको बताए । २०२४–२०२८ का लागि विद्युतीय सवारी साधन, ब्याट्री उत्पादन, अर्धचालक उत्पादन र नवीकरणीय ऊर्जामा लगानी बढाउन आग्रह गरे । कार्यक्रमको उद्देश्य अन्तर्राष्ट्रिय प्रत्यक्ष लगानीमा बलियो पुनरुत्थान र देशमा निजी क्षेत्रको लगानीमा कम्तीमा २० बिलियन डलर आकर्षित गर्ने रहेको बताए । टर्किएले विद्युतीय सवारीको आन्तरिक उत्पादन क्षमता प्रतिवर्ष कम्तिमा १० लाख युनिटसम्म पुर्याउन पाँच अर्ब डलरको प्रोत्साहन प्याकेज प्रश्ताव गर्ने बताए ।
इजरायलद्वारा खाद्य आयात सुधार नीतिको स्वागत
काठमाडौं । इजरायली संसदले पारित गरेको खाद्य आयात सुधार सम्बन्धी नीतिलाई इजरायली स्वास्थ्य मन्त्रालयले स्वागत गरेको छ । यो नीति सन् २०२५ को जनवरी १ देखि लागु हुनेछ । ‘सार्वजनिक स्वास्थ्यलाई ध्यानमा राख्दै खाद्य आयातको नियमन गर्ने, अवरोधहरू हटाउने र उत्पादनहरूको दायरा बढाउने सुधार नीतिको आधारभूत परिवर्तनको विषय रहेको छ,’ मन्त्रालयले जनाएको छ । खाद्य सुधारको एक हिस्साको रूपमा युरोपेली नियमहरू पालना गर्ने र युरोपेली कानुनका आधारमा खाद्य आयात मार्ग खोलेर वैचारिक परिवर्तन सुरु गरेको छ । खाद्य सुरक्षा, खाद्य लेबलिंग, दूषित पदार्थलगायत विभिन्न विषयमा युरोपेली नियम अपनाउने यो सुधार नीतिका प्रमुख सिद्धान्तहरू हुन् । यसले युरोपेली कानूनसँग मेलमिलाप सिर्जना गर्नेछ, युरोपमा प्रचलित अनुसार आयातकर्तालाई उत्पादनको अखण्डता र सुरक्षाको जिम्मेवारी हस्तान्तरण गर्नेछ, र आयातकर्ताहरूलाई गुणस्तर जोखिम व्यवस्थापन र गुणस्तर नियन्त्रण प्रक्रियाहरू पूरा गर्ने उपकरणहरू प्रदान गर्नेछ । यस कदमले ‘इजरायलमा खाद्यान्न आयातका लागि इष्टतम अवस्था सिर्जना गर्ने अपेक्षा गरिएको छ, र इजरायली उद्योगका लागि पनि नियामक निश्चिततालाई अनुमति दिनेछ,’ मन्त्रालयले बताएको छ । एजेन्सी
नाइजेरियाको केन्द्रिय बैंकले ब्याजदर बढाएर २६.७५ प्रतिशत पुर्यायो
काठमाडौं । नाइजेरियाको केन्द्रिय बैंकले मंगलबार सबैभन्दा बढी जनसंख्या भएको अफ्रिकी देशमा मौद्रिक नीति दरलाई ५० आधार बिन्दुले बढाएर २६.७५ प्रतिशत पुर्याएको छ । ब्याजदर २६.२५ प्रतिशतमा पुर्याएको दुई महिनापछि आएको यो कदम घरपरिवार र स्थानीय व्यवसायमा बढ्दो मूल्यको प्रभावलाई ध्यानमा राखेर गरिएको र मुद्रास्फीतिलाई नियन्त्रणमा ल्याउनका लागि आवश्यक उपायहरू मध्ये एक रहेको बताइएको छ । वर्षको सुरुवातदेखि, नाइजेरियाको शीर्ष बैंकले लगातार ब्याजदर बढाएको छ । जुन देशको निरन्तर मुद्रास्फीति दरलाई नियन्त्रण गर्ने उपायहरू मध्ये एक रहेको बताइएको छ ।
