भायानेटको १७५ एमबिपिएसको इन्टरनेट र भायाटिभी मात्र १२५० रुपैयाँमा
काठमाडाैं । भायानेटले प्रयोगकर्ताहरुलाई न्यूनतम मूल्यमा उच्चतम इन्टरनेट स्पीड दिन नयाँ इन्टरनेट प्लान ‘अल्ट्रा–फाई’ ल्याएकाे छ । यस अल्ट्रा–फाई अन्तर्गत भायानेटले १२५ एमबिपिएस, १७५ एमबिपिएस र २५० एमबिपिएसको तीन वटा प्लान ल्याएको छ । यस सिरिजकाे मुख्य प्लान १७५ एमबिपिएसको इन्टरनेट रहेकाे छ जुन २ वटासम्म भायाटिभी सदस्यताको साथ आउँदछ । कम्पनीकाे अनुसार यसको वार्षिक प्याकेज लिँदा प्रति महिना मात्र १२५० पर्न आउँछ । यसका साथै यसमा भायानेटले निःशुल्क इन्टरनेट जडान, निःशुल्क पहिलो सेट–टप–बक्स र सबै प्याकेजहरुमा १००० रिवार्ड अंक प्रदान गर्ने जनाएकाे छ । नयाँ ब्याण्डविथ सपोर्ट गरेर भायानेटले आफ्नो संरचनालाई अपग्रेड गर्नको लागि नोकिया र सी–डाटासँग अपग्रेडेड साझेदारी गरेर डुअल ब्राण्ड अप्टिकल नेटवर्क युनिट प्रदान गरिरहेको छ ।
मात्र १ हजार ८३ रुपैयाँमा डिशहोमको डायनामिक कम्बो प्याक
काठमाडाैं । डिशहोम फाईबरनेटले डायनामिक कम्बो प्याक अफर अन्तर्गत ४० एमबिपिएस ईन्टरनेट अझ सुलभ दरमा ल्याएकाे छ । डिशहाेमले वार्षिक मात्र १२ हजार ९९९ रुपैयाँमा डायनामिक कम्बो प्याक अफर ल्याएकाे हाे । कम्पनीकाे अनुसार यस कम्बाे प्याक अन्तर्गत डिशहोम फाईबरनेटसँगै डिशहोम टिभी कनेक्सन वा आईपी टिभीको सुविधा ग्राहकहरुले पाउनेछन् । यो सुविधा २५ एमबिपिएस वार्षिक ११ हजार ५०० मा पनि लिन सक्ने कम्पनीले जनाएको छ । यसका साथै यसमा उत्कृष्ट इन्टरनेट कनेक्सनको अनुभव सहित, आकर्षक छुटहरु, निःशुल्क डिशहोम गो एप र एक्सभिओडी जस्ता विभिन्न सुविधाहरु उपलब्ध रहेकाे कम्पनीले जनाएकाे छ । यस फाइबरनेटका योजनाहरु १० एमबिपिएस देखि १०० एमबिपिएससम्म उपलब्ध छन् ।
फोकसवान नेशनल पेमेन्ट स्वीचमा आवद्ध, बन्यो पहिलो भुक्तानी सेवा प्रदायक
काठमाडौं । नेपाल क्लियरिङ्ग हाउस लिमिटेडले कार्यान्वयन गर्दै गरेको नेशनल पेमेन्ट स्वीचमा फोकसवान पेमेन्ट सोलुसन्स प्रा. लि आवद्ध भएको छ । नेशनल पेमेन्ट स्वीचको पहिलो चरणको थालनीका निम्ती एनसीएचएल र फोकसवान पेमेन्ट सोलुसन्सबीच सम्झौतापत्रमा हस्ताक्षर भएको हो । सो सम्झौतापत्रमा फोकसवान पेमेन्ट सोलुसन्सका तर्फबाट प्रमुख कार्यकारी अधिकृत प्रणय राजभण्डारी तथा एनसीएचएलका तर्फबाट प्रमुख कार्यकारी अधिकृत नीलेशमान सिंह प्रधानले हस्ताक्षर गरेका हुन् । उक्त सम्झौतासँगै फोकसवान पेमेन्ट सोलुसन्स, नेशनल पेमेन्ट स्वीचमा जोडिने पहिलो भुक्तानी सेवा प्रदायक बनेको छ । नेशनल पेमेन्ट स्वीचअन्तर्गत पहिलो चरणमा उपलब्ध हुने विभिन्न सेवा तथा उपकरणहरु फोकसवान आफूले प्रयोग गर्नुका साथै अन्य विभिन्न बैंक वित्तीय संस्थालाई पनि उपलब्ध गराउने छ । नेपाल सरकारको बजेट तथा मौद्रिक नीतिमा समेत उल्लेख भए बमोजिम नेशनल पेमेन्ट स्वीचको स्थापनाको लागी एनसीएचएललाई नेपाल राष्ट्र बैंकद्धारा पहिलो चरण कार्यान्वयनको लागि अन्तिम स्वीकृति प्राप्त भइसकेको तथा एनसीएचएले पहिलो चरणसंग सम्बन्धित कार्यहरु पूरा गरी संचालनको तयारीमा रहेको छ । यसै क्रममा नेशनल पेमेन्ट स्वीचको कार्यान्वयनका लागी एनसीएचएलले विभिन्न बैंक/वित्तीय संस्थाहरु तथा भुक्तानी सेवा प्रदायकहरुसँग आवश्यक सहकार्यता गरिरहेको छ । नेशनल पेमेन्ट स्वीचको पहिलो चरणमा रिटेल पेमेन्ट स्वीचअन्तर्गत नेपाल-क्युआर स्ट्याण्डर्ड बमोजिम नेपालपे क्युआर तथा इन्टरनेटवर्क क्युआर, डाइरेक्ट डेबिट रिक्वेस्ट-टु-पे तथा इ-म्यान्डेटका उपकरणहरु, वालेट-वालेट बीच अन्तर आवद्धता, विभिन्न भुक्तानीका लागि बिलर गेटवे मार्फत अन्तरआबद्धता लगायतका भुक्तानी उपकरणहरु उपलब्ध हुने छन् । उक्त स्वीच रिटेल भुक्तानीको प्राथमिक पूर्वाधारको रुपमा रही विभिन्न रियल टाइम, नन-रियल टाइम तथाओपन एपिआइकामार्फत बैंक वित्तिय संस्थातथा गैर बैंकिङ्ग संस्थाले आफ्ना ग्राहकलाई अन्य थप सेवा पनि प्रदान गर्न सक्नेछन् । त्यसै गरी दोश्रो चरणमा कार्ड र कार्डसँग सम्बन्धित भुक्तानीको लागी नेशनल कार्ड स्वीच र नेपाल पेमेन्ट कार्डको आवश्यक कार्य अघि बढाइएको छ । नेशनल पेमेन्ट स्वीचको कार्यान्वयन सँगै एनसीएचएलले नेपाल सरकार, नियामक तथा विभिन्न सरोकारवालाहरुसँग समन्वय गरी भुक्तानी प्रणाली तथा उपकरणको प्रयोगलाई थप सहज, सुलभ र सुरक्षित बनाउने अपेक्षा गरेको छ । फोकसवान पेमेन्ट सोलुसन्स प्रा. लि. नेपाल राष्ट्र बैंकबाट भुक्तानी सेवा प्रदायकको लाईसेन्स प्राप्त संस्था हो । स्थापनाकाल देखि नै फोकसवानले आफ्ना ग्राहकहरुका निम्ती सुरक्षित रुपमा कारोवार गर्नको लागी विभिन्न डिजिटल सेवा प्रदान गर्दै आएको छ । ग्राहकलाई थप सेवा सुविधा प्रदान गर्नका लागि फोकसवानले राष्ट्रिय तथा अन्तर्राष्ट्रिय संस्थाहरुसँग समन्वय गर्दै आएको छ ।
