जनशक्ति : नियुक्ति

काठमाडौं । साल्ट ट्रेडिङ्ग कर्पोरेशनको सञ्चालकमा मोहन प्रकाश चन्द नियुक्त भएका छन् । साविक नेशनल ट्रेडिङ्गको तर्फबाट प्रमुख कार्यकारी अधिकृत (सीईओ) चन्द कर्पोरेशनको सञ्चालक समितिमा नियुक्त भएका हुन् । खाद्य व्यवस्था तथा व्यापार कम्पनीको पत्रानुसार सीईओ चन्द कर्पोरेशनको सञ्चालकमा नियुक्त भएका हुन् । यससँगै उनले कर्पोरेशनको सञ्चालक समितिमा प्रतिनिधित्व गर्ने छन् । साविक नेशनल ट्रेडिङ्ग गाभिएर खाद्य व्यवस्था तथा व्यापार कम्पनी गठन भएको हो ।

काठमाडौं । काठमाडौं उपत्यका विकास प्राधिकरणका विकास आयुक्त डा. भाइकाजी तिवारी प्राधिकरणबाट बाहिरिएका छन् । सरकारले नयाँ विकास आयुक्तका रुपमा जानुका ढकाललाई नियुक्त गरेसँगै उनी प्राधिकरणबाट बाहिरिएका हुन् । तिवारीले प्राधिकरणमा आफ्नो ५ वर्षे कार्यकाल सकाएर बाहिरिएका हुन् । उनी वि।स २०७३ को बैशाखामा प्राधिकरणको विकास आयुक्तका रुपमा नियुक्त भएका थिए । मन्त्रिपरिषद् बैठकले उनलाई ५ वर्षको लागि विकास आयुक्तमा नियुक्त गर्ने निर्णय गरेको थियो । यसअघि उनी प्राधिकरणमै नायव विकास आयुक्त पदमा कार्यरत थिए । उनले त्यतिखेर उमेर हदका कारण २०७२ चैतमा अनिवार्य अवकाश पाएका थिए । को हुन् नयाँ विकास आयुक्त ? मन्त्रिपरिषदको आइतबार बसेको बैठकले जानुका ढकाललाई विकास आयुक्तमा नियुक्त गरेको हो । झापा घर भएकी ढकाल नवनारी मासिककी सम्पादक हुन् । शहरी विकास मन्त्रालयबाट उनले नियुक्तिपत्र बुझेकी छन् । विकास आयुक्तका लागि चैत १२ गते सरकारले दरखास्त मागेको थियो । जसमा ८ जनाले दरखास्त दिएकोमा ३ जनाको नाम मन्त्रिपरिषदमा सिफारिस गरेर पठाइएको थियो । ढकालसहित डा. श्यामसुन्दर बोहोरा र भुपेन्द्रप्रसाद अर्यालको नमा सिफारिस भएको थियो । उपत्यका विकास प्राधिकरण ऐनअनुसार नेपाल सरकारले विशिष्ट श्रेणी वा सो भन्दा माथिको पदमा काम गरिरहेको वा गरिसकेको व्यक्ति वा सम्बन्धित क्षेत्रमा लब्ध प्रतिष्ठित कुनै व्यक्तिलाई प्राधिकरणको कार्यकारी प्रमुखको रूपमा विकास आयुक्तमा नियुक्त गर्ने व्यवस्था छ । सम्बन्धित सामग्री  काठमाडौंका सडक फराकिलो पारेका डा‍.तिवारी प्राधिकरणबाट बाहिरिँदै, विकास आयुक्तको खोजी गर्दै सरकार

काठमाडौं । सरकारले गण्डकी र सुदूरपश्चिम प्रदेश प्रमुखमा नयाँ व्यक्तिलाई नियुक्त गरेको छ । सरकारले गण्डकीका हालका प्रदेश प्रमुख अमिक शेरचन र सुदूरपश्चिम प्रदेश प्रमुख शर्मिला त्रिपाठीलाई पदमुक्त गर्दै नयाँलाई प्रदेश प्रमुखमा नियुक्त गरेको हो । सोमबार बसेको मन्त्रिपरिषद् बैठकले गण्डकी प्रदेश प्रमुख अमिक शेरचन र सुदूरपश्चिम प्रदेश प्रमुख शर्मिला त्रिपाठीलाई पदमुक्त गर्ने निर्णय गरेको हो । नवनियुक्त प्रदेश प्रमुखको केहीबेरमा राष्ट्रपति भवन शीतल निवासमा सपथ ग्रहणको कार्यक्रम छ । गण्डकी प्रदेशका नव नियुक्त प्रदेश प्रमुख पौडेल प्रधानमन्त्रीको जनसम्पर्क सल्लाहकार हुन् । नी एमालेको भातृ संगठन अखिल नेपाल महिलासंघकी अध्यक्ष समेत हुन् । त्यस्तै सुदूरपश्चिमका नव प्रदेश प्रमुख गंगा प्रसाद यादव दोस्रो संविधान सभाका उपाध्यक्ष र उपभामुख भएका थिए । उनी यसअघि राप्रपा नेपालका नेता थिए । राप्रपा गठन भएदेखि नै पार्टीमा सक्रिय नेता राप्रपाका संस्थापक नेता उनी थिए । उनी २०७४ मा एमालेमा प्रवेश भएका थिए ।