कोरोना शंकामा धनगढीमा ४ जनालाई आइसोलेसनमा राखियो
काठमाडाैं । कैलालीकाे धनगढीमा काेराेनाकाे शंकामा चारजनालाई अस्पतालमा भर्ना गरिएकाे छ । जिल्लाकाे सेती प्रादेशीक अस्पतालकाे आइसोलेसनमा चार जना शंकास्पद विरामी थपिएका छन्। दुई दिनको अवधीमा कैलाली, कञ्चनपुर र कालिकोटका चार जनालाई कोरोना आशंकामा अस्पतालाको आइसाेलेसन राखिएको हो। कैलालीको जिल्लाको गौरीगंगा नगरपालिकाको मसुरीयाका ३२ बर्षीय पुरुष र उनकी ८ बर्षकी छोरीलाई पनि सेती प्रादेशिक अस्पतालमा भर्ना गरिएको छ। दुवैमा रुघाखोकी र ज्वरो आएपछि अस्पतालको आईसोलेसनमा राखिएको प्रादेशिक अस्पतालले जनाएको छ। दुबै जनाको आन्तरिक ट्राभल हिस्ट्री मात्रै रहेको अस्पताल जनाएको छ। दुबै जनाको थ्रोट स्वाब संकलन गरी कोरोना परीक्षणका लागि धनगढीस्थित प्रयोगशालामा पठाईएको छ।
धनगढीमा मास्कमा कालाेबजारी र म्याद नाघेका औषधी बेच्ने दुई फार्मेसीलाई जरिवाना
काठमाडाैं । मास्कमा कालोबजारी गर्ने कैलालीकाे हिमाल फार्मेसीलाई दुई लाख रुपैँया जरिवाना गरिएको छ। साेमबार आपूर्ती वाणिज्य तथा उपभोक्ता हित संरक्षण कार्यालय धनगढीकाे टाेलीले मास्कमा तोकिएको भन्दा बढि मूल्य असुलेर बिक्रि वितरण गरी कालोबजारी गरिएको भेटिएपछि कारवाही स्वरुप जरिवाना गरिएको हो। यस्तै, धनगढीमै म्याद नाघेकाे औषधी बेच्ने एक मेडिकल कारबाहीमा परेकाे छ । धनगढी स्थित चौराहमा रहेको सरोज मेडिकल हलले म्याद नाघेको औषधी पाँच महिनापछि पनि बिक्रि गरेको पाइएपछि जरिवाना गरिएकाे हाे । साे मेडिकल २० हजार जरिवानामा परेकाे हाे। वाणिज्य आपुर्ती तथा उपभोक्ता हित संरक्षण कार्यालय धनगढीकाे टाेलीले बजार अनुगमनका क्रममा मेडिकलले कानुन विपरीत म्याद गुज्रेका औषधी बिक्रि गरी विल समेत जारी नगरेको भेटिएपछि जरिवाना गरिएको जानकारी दिइएकाे छ ।
नेपालका कोरोना संक्रमित ५९ जनाकै स्वास्थ्य सामान्य
काठमाडौं । उपचारको क्रममा रहेको ५९ जना कोरोना संक्रमितको स्वास्थ्य अवस्था सामान्य रहेको छ । स्वास्थ्य तथा जनसंख्या मन्त्रालयको प्रवक्ता डा. विकास देवकोटाले उपचारको क्रममा रहेका सबै कोरोना संक्रमितको स्वास्थ्य अवस्था सामान्य रहेको बताएका हुन् । हाल १६ जना उपचारपछि निको भएर घरभएसँगै ५९ जना कोरोना संक्रमित उपचारको क्रममा छन् । यि उपचाररत ५९ जनामा बिराटनगरमा ३१ जना, नेपालगंजमा १६ जना, विरगंजमा ९ जना, रुपन्देही, भरतपुर र धनगढीमा एक एकजना रहेका छन् । यि सबैको उक्त क्षेत्रको कोरोना तथा प्रादेशिक अस्पतालमा उपचार भईरहेको देवकोटाले बताए । कुल नेपालमा देखिएको कोरोना संक्रमितको संख्या भने आईतबार ७५ पुगेको छ । एकैदिनमा १६ जनामा कोरोना पुष्टि भएसँगै कोरोना संक्रमितको नेपालमा संख्या ७५ पुगेको हो । कुल संक्रमितमा ५८ जना पुरुष र १७ जना महिला रहेका छन् । कुल संक्रमितमा प्रदेश नं १ मा ३१ जना, प्रदेश नं २ मा १३ जना, बागमती प्रदशमा ७ जना, गण्डकीमा २ जना, प्रदेश ५ मा १७ जना, सुदुरपश्चिम प्रदेशमा ५ जना र कर्णाली प्रदेशमा ० रहेको छ । हालसम्म मात्र १३ हजार ६ सय ४० वटा पिसिआर विधि र ५० हजार ८ सय ७५ वटा आरडिटी विधिबाट कोरोना परीक्षण गरिएको छ । देशभर २१ हजार ५ सय २३ जना क्वारेन्टिनमा रहेका छन् भने १ सय ६ जना आईसोलेसनमा रहेका छन् ।
