होटेल/रेस्टुरेन्टलाई १० हजारमै इलेक्ट्रिक स्कुटर, बिना व्याज ऋण दिँदै नबिल बैंक
काठमाडौं । बज्र ग्रुप अन्तर्गतको कम्पनी ईभी नेपाल मोटर्स प्रालिले रेस्टुरेन्ट तथा होटेलको लागि स्कुटर उपलब्ध गराउने भएको छ । कम्पनीले नेपाल भरिका रेस्टुरेन्ट तथा होटेलको लागि लेभ्निङ ब्रान्डको इलेक्ट्रिक स्कुटर उपलब्ध गराउने भएको हो । ‘तपाईंको गोजीमा कति छ ?’ भन्ने स्किम अन्तर्गत कम्पनीले १० हजार रुपैयाँमै उक्त ब्राण्डको स्कुटर फुड डेलिभरीको लागि दिने भएको हो । रेस्टुरेन्ट तथा होटेलको लागि बनाइएको स्कुटरको नाम एलएक्सडब्लु५ मोडेल हो । यो स्कुटर जर्मन कम्पनीको बोसको मोटर्स प्रयोग गरिएको स्कुटर हो जसमा सामसुङ कम्पनीको लिथिएम बेटरि प्रयोग गरिएकोले गर्दा फुल चार्जमा राम्रो माइलेज दिने छ । यससँगै कुनै पनि होटेल तथा रेस्टुरेन्टले कम्पनीको शोरुममा गएर १० हजार रुपैयाँ भुक्तानी गरि फाइनान्स मार्फत सजिलैसँग स्कुटर खरिद गर्न सक्नेछन् । यसका साथै नबिल बैंकको शून्य प्रतिशत व्याजदरमा सो स्कुटर किन्न सकिने छ । त्यसैगरी नगदमा किन्ने लागि भने १० हजार छुट गरिएको कम्पनीले बताएको छ । यस स्कुटरको ब्राण्ड एम्बेसडरमा पूर्व मिस नेपाल नीति साह छिन् । यस्ता छन् विशेषता फुड डेलिभरी गर्दा पेट्रोलको खर्च बचत हुनेछ । पेट्रोल हाल्न नपर्ने । सर्भिस र पार्ट्समा खर्च नहुने र बाताबरण स्वस्छ हुने लगायतका यसको विशेषता छन् । कम्पनीका अनुसार होटेलमा डेलिभरी गर्न पछाडी ठुलो भाडो राखिएको छ जसले गर्दा समान जति पनि हाल्न सजिलो हुने भएको हुनाले यो स्किम फुड डेलिभरी गर्नको लागि भनेर होटेल तथा रेस्टुरेन्टलाई लक्षित गरि लागु गरिएको छ । कम्पनीले यो सहुलियत दर १० हजार रुपैयाँ वा शून्य प्रतिशत स्किममा लेभ्निङ ब्रान्डको इलेक्ट्रिक स्कुटर सीमित अवधिको लागि प्रदान गरिने जनाएको छ । कम्पनीका अनुसार होटेलमा डेलिभरी गर्न पछाडी ठुलो भाडो राखिएको छ जसले गर्दा समान जति पनि हाल्न सजिलो हुने भएको हुनाले यो स्किम फुड डेलिभरी गर्नको लागि भनेर होटेल तथा रेस्टुरेन्टलाई लक्षित गरि लागु गरिएको छ । यो योजना प्रारम्भ भइसकेको र नजिकको लेभ्निङ इलेक्ट्रिक स्कुटरको शोरुममा सम्पर्क गर्न सकिने बताइएको छ । साथै, होटेल तथा रेस्टुरेन्टको फुड डेलिभरीको लागि फाइनान्स, एक्सचेन्ज र क्यासको सुविधामा लिन सकिने र यो स्किम सीमित अवधिको लागि लागू गरिएको बताइएको छ । नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५-डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँसम्म छ । यससँगै, खरिद गर्न इच्छुकले काठमाडौंको नक्साल, टेकु , भैसेपाटी , भक्तपुर , सुर्खेत , जनकपुर , पाटन , बाफल लगायतका नेपालको विभिन्न स्थानमा रहेको कम्पनीको शोरुममा सम्पर्क गर्न सक्नेछन् ।
जिडब्लुएम नेपालको सर्भिस सेन्टर ललितपुरको चाकुपाटमा
काठमाडाैं । जिडब्लुएम नेपालले बिक्री पछिका सुविधासहितको सेवा चाकुपाट ललितपुरमा सञ्चालन गर्ने घोषणा गरेको छ । १५ हजार वर्गफिटमा बनेकाे यस सर्भिस सेन्टरमा प्रति महिना ६०० बढी सवारी साधनहरुलाई सेवा प्रदान गर्ने क्षमताको साथ ६ कक्षहरु रहेका छन् । जिडब्लुएमका ग्राहकहरुलाई उत्कृष्ट सेवा अनुभव प्रदान गर्नका लागि यस सर्भिस सेन्टर सुविधा हाई–टेक उपकरण र राम्रो प्रशिक्षित प्राविधिकहरुले सुसज्जित रहेकाे कम्पनले जनाएकाे छ । यस सर्भिस सेन्टरबाट स्पेयर पार्टस सुपथ मूल्यमा उपलब्ध गराइने जिडब्लुएम नेपालका उपाध्यक्ष रुपेश शर्मा भट्टले बताए । ‘तपाईको गाडी हाम्रा प्रशिक्षित प्राविधिकहरु, अत्याधुनिक सुविधा र विशिष्ट ग्राहक सेवाका साथ सुरक्षित हातमा छ । यो सेवा तपाईंको गाडीको हेरचाह गर्नु भन्दा बढी हो, तपाईंलाई यो सुनिश्चित गर्दछौँ की आफ्नै स्वामित्व अनुभवमा हेरचाह पाउनुहुने छ,’ उनले भने ।
बाइकभन्दा साइकल महँगो !
काठमाडौं । पछिल्लो समय साइकल प्रति मानिसको क्रेज बढ्दै गएको छ । पेट्रोलियम पदार्थको मूल्यवृद्धिसँगै मानिसहरूको साइकलप्रतिको क्रेज बढ्दै गएको हो । डिजेल तथा पेट्रोलका सवारी साधनबिक्री गर्दै आएका ठूला व्यवसायीहरूले समेत विद्युतीय सवारी साधन आयात गर्दै आएका छन् । सडकमा पनि साइकल चढेर हिड्नेको संख्या दिनप्रतिदिन बाक्लो छ । भर्खर हिँड्न सुरु गरेको बालकदेखि बुढासम्ममा साइकल रोजाइको केन्द्रमा पर्छ । समय अनुसार फरक–फरक ब्राण्डका साइकल नेपाली बजारमा उपलब्ध छन् । पछिल्लो समय हाइकिङमा निस्किदा होस् वा कतै एकान्त रमाइलो ठाउँमा जाँदा किन नहोस् मानिसहरू साइकल यात्रामा जान रमाउँछन् । अहिले युवाहरूले सबैभन्दा रूचाएको ब्राण्डको साइकल हो जायन्ट । जायन्ट ट्रान्स मोडलको उक्त साइकलको मूल्य ३ लाख ८० हजार रूपैयाँ पर्छ । जायन्ट ट्रान्स मोडलको साइकल अमेरिकाबाट नेपाल आयात हुन्छ । असनमा लामो समयदेखि सो ब्राण्डको साइकल बिक्री गर्दै आएका उत्तम मानन्धरले अहिले जायन्ट ब्राण्डको साइकलको धेरै माग भइरहेको बताउँछन् । सञ्चालक मानन्धरका अनुसार यो साइकल युवा र बुढापाका बिचमा लोकप्रिय बन्दै गएको छ । ‘यस ब्राण्डका साइकल आयात गर्ने कम्पनी अर्को छ, हामीले डिलरको रूपमा रहेर साइकलको बिक्री वितरण गर्दै आएका छौं,’ उनले भने । युवाहरुले यस साइकल स्टन्ट, डाउन हिल, अफ रोड र बुढाले यसलाई सवारी र लक्जरीको हिसाबले प्रयोग गर्ने पनि मानन्धरले जानकारी दिए । मानन्धरका अनुसार प्रायः ४५ वर्ष माथिका उमेर समूहको बीचमा पनि यो साइकल रोजाइको केन्द्रमा पर्छ । गियर ससेप्शन, उच्च प्रदर्शन ब्रेक, स्मुथ हब, पहाडको बाटोमा पनि मज्जाले कुद्न सक्ने, सिडी भएको बाटोबाट पनि मजाले झार्न सकिने, अफ्ट्यारो बाटोको ओरालो झार्दा यसले अन्य साइकल भन्दा ३ गुणा सपोर्ट गर्ने जस्ता फिचर कारण यो साइकल लोकप्रिय बनेको छ । त्यसैले पनि यो सायकल महँगो पर्छ । ‘यस साइकलको विशेषता बारेमा जति बणन गरे पनि सकिँदैन, किनेर प्रयोग गर्नेहरूलाई सोध्दा पनि साइकल मध्येको सबै भन्दा राम्रो यस ब्रान्डको साइकललाई बताउनु हुन्छ, म व्यापारीमात्र नभई साइकललिस्ट पनि हो, म पनि साथीहरूसँग यो साइकललाई लिएर धेरै ठाउँमा घुम्न गएको छु, यसलाई चलाउँदाको मज्जा बेग्लै छ,’ उनले भने । यो साइकल पहाडको बाटोमा पनि उपयुक्त हुने पनि मानन्धरले बताए । चलाउन सजिलो, यसको लचकता देखेर विदेशीहरू पनि नेपालमा यही साइकल प्रयोग गर्ने गरेको उनी बताउँछन् । साइकलमा विपन्न वर्गदेखि उच्च वर्गका ग्राहकसम्म आकर्षित गर्ने भएको र स्वास्थ्यको लागि पनि साइकल उपयोग हुने उनको भनाइ छ । ‘राजधानीमा साइकलको व्यापार राम्रो छ, बच्चादेखि वृद्धसम्मले साइकलको आवश्यकतालाई मध्यनजर गरेर प्रयोग गर्छन्, सामानको ढुवानीदेखि आवतजावत पनि प्रयोग गर्न साइकल मिल्छ, त्यसैले साइकलको खपत बढ्दो नै छ,’ उनले भने । साइकल चलाउँदा आनन्द पनि बेग्लै हुन्छ । आवश्यकता पर्याे भने अन्य नयाँ फिचरहरू पनि यस साइकलमा लगाउन सकिने उनले बताए । यस ब्राण्डको साइकल फोलडिङमा हुन्छ भने जायन्ट नाम अन्य मोडलका साइकल पनि उनिसँग उपलब्ध छन् । यस ब्रान्डको साइकलको मूल्य नेपालमा ४५ हजार रुपैयाँबाट सुरु हुन्छ । विद्युतीय साइकल पनि उपलब्ध जायन्ट ब्रान्डका विभिन्न मोडलका विद्युतीय साइकल पनि नेपालमा आउने तयारीमा छ । मानन्धरका अनुसार कम्पनीले ग्राहको रोजाइ र अर्डर अनुसार नेपाल पठाउने गरेको छ । मानिसहरू अर्डर गरे अनुसार इभीका साइकलहरू पनि उपलब्ध गराउँदै आएको मानन्धरले जानकारी दिए । यो साइकलको पनि बजारमा उच्च नै माग छ । जायन्ट ब्रान्डका इभीका साइकलहरूको मूल्य ४ लाख रुपैयाँ भन्दा माथि पर्न जाने पनि मानन्धरले बताए । अर्डरको सामान आउन चाहिँ केही समय लाग्छ । ७० किलोमिटरभन्दा बढी दूरी यात्रा गर्न सकिन्छ । यसमा भएकाे ब्याट्रीको २ वर्ष वारेन्टी हुन्छ । ‘यो साइकल लक्जरी हुन्छ, डाँडाकाँडा जता पनि लिएर जान सकिन्छ, लामो यात्राको लागि पनि यो साइकल उपयुक्त हुन्छ,’ उनले भने ।
