दशैं र तिहारको मुखमा पौने १२ करोड रुपैयाँको तास आयात
काठमाडाैं । चालु आर्थिक वर्ष २०८१/०८२ को ३ महिनामा नेपालमा ११ करोड बढीको तास आयात भएको छ । साउन, भदौ र असोज महिनामा ११ करोड ७७ लाख रुपैयाँ बढीको तास आयात भएको भन्सार विभागले जनाएको छ । विभागका अनुसार ३७ लाख ८५ हजार ६०३ प्याकेट तास आयात भएको हो । जसमध्ये असोज महिनामा मात्रै ५ करोड ६५ लाख रुपैयाँको तास आयात भएको छ । साउन र भदौ गरी २ महिनामा ६ करोड ११ लाख रुपैयाँको तास आयात भएको हो । नेपालमा दशैं र तिहारमा तास खेल्ने चलन रहेको छ । यस वर्ष असोजको अन्त्यतिर दशैं परेको थियो । दशैंका लागि पनि तासको माग बढेकाले असोजमा आयात धेरै भएको हो । केही व्यवसायीले तिहार र दशैंलाई लक्षित गरेर तास ल्याए भने केहीले दशैंपछि फेरि आयात गर्ने उद्देश्य राखेर तास आयात गरेका छन् । सबैभन्दा धेरै चीनबाट तास आयात भएको छ । चीनबाट १० करोड ६ लाख रुपैयाँको ३७ लाख ६८ हजार ३७९ प्याकेट तास आयात भएको हो । यसैगरी, भारतबाट १ करोड १३ लाख रुपैयाँको २ लाख १६ हजार ४९६ प्याकेट र बाँकी तास अमेरीका, बेलायत लगायत देशबाट आयात भएको हो । उक्त तास आयातबाट ६ कराेड ९५ लाख रुपैयाँ राजस्व उठेकाे छ ।
एनआईएमबीले पहिलो पटक नेपालमा भित्र्यायो भिसा वेयरेबल स्टिकर, पिओएस मेसिनमा छुवाएरै पैसा तिर्न सकिने
काठमाडौं । नेपाल इन्भेष्टमेण्ट मेगा बैंकले नेपालमा पहिलो पटक भिसा वेयरेबल स्टिकर ‘एनआईएमबी पेवियर’ भित्र्याएकाे छ । राजधानीमा आयाेजित एक कार्यक्रममा भिसा वेयरेबल स्टिकरको आधिकारिक रूपमा लोकार्पण गरेकाे हाे । बैंकका अनुसार अब ग्राहकहरूले कुनै पनि पीओएस टर्मिनलमा वेयरेबल उपकरण ट्याप गरी छिटो र सुरक्षित सम्पर्क रहित कारोबार गर्न सकिनेछ । एआईएमबी पेवियरलाई कसरी दैनिक कारोबारलाई छिटो, सुविधाजनक र सुरक्षित बनाउने उद्देश्यले डिजाइन गरिएको छ भन्ने कुराकाे प्रस्तुत गरिएकाे थियाे । यसले ग्राहकहरूलाई भौतिक कार्डहरू वा मोबाइल वालेट बोक्न नपर्ने अर्को विकल्प प्रदान गर्ने बैंकले जनाएको छ । बैंकका अनुसार एनआईएमबी पेवियरले ग्राहकहरूलाई आफ्नो घडी, की–चेन, फोन केसजस्ता कुनै पनि व्यक्तिगत वस्तुमा वेयरेबल स्टिकर टाँस्न अनुमति दिन्छ, जसले यसलाई धेरै बहुउपयोगी र सुविधाजनक बनाउनेछ । ग्राहकहरूले कुनै पनि सम्पर्करहित पीओएस टर्मिनलमा उपकरण ट्याप गरेर छिटो र सुरक्षित दैनिक कारोबार गर्न सक्नेछन् । ५ हजार रुपैयाँभन्दा माथिका सम्पर्करहित भुक्तानीमा अतिरिक्त सुरक्षा उपायको रूपमा पिनको आवश्यकता पर्छ । तीन महिनाभित्र एनआईएमबी पेवियर स्टिकरको लागि आवेदन दिने र यसलाई सक्रिय गर्ने ग्राहकहरूले सो अवधिमा १२ वटा पीओएस कारोबार पूरा गरेपछि आफ्नो वेयरेबल शुल्क (एनपीआर १,०००) फिर्ता पाउनेछन् । यो आधुनिक भुक्तानी समाधानलाई अपनाएर, नेपाल इन्भेष्टमेण्ट मेगा बैंकले आफूलाई प्रतिस्पर्धीहरूभन्दा फरक बनाउन र नेपालको बैंकिङ क्षेत्रमा उद्योगको अग्रणीको रूपमा आफ्नो स्थिति सुदृढ गर्ने लक्ष्य राखेको जनाएको छ । एनआईएमबी बैंक लामो समयदेखि नेपालका बैंकिङ सेवा दिँदै आएकाे छ । सन् २००३ मा बैंकले नेपालमा पहिलो पटक भिसा इलेक्ट्रोन डेबिट कार्ड जारी गरेको थियो ।
शिक्षामन्त्री मन्त्री विद्या भट्टराईका १०० दिन, ४२ उपलब्धि सार्वजनिक
काठमाडौं । शिक्षा, विज्ञान तथा प्रविधिमन्त्री विद्या भट्टराईले आफ्नो कार्यकालको पहिलो १०० दिनको कार्य उपलब्धि बिहीवार सार्वजनिक गरेकी छन् । मन्त्रालयको नेतृत्व सम्हालेसँगै उनले प्रधानमन्त्री केपी शर्मा ओलीसँग १०० दिनभित्र गर्नुपर्ने ८ वटा विषयमा कार्यसम्पादन सम्झौता गरेकी मन्त्री भट्टराईले आफ्नो १०० दिनका विभिन्न ४२ बुँदे उपलब्धि मन्त्रालयमा पत्रकार भेटघाट आयोजना गरेर सार्वजनिक गरेकी हुन् । उपलब्धिमा पाठ्यक्रम परिमार्जनको पहलदेखि दिवा खाजामा स्थानीय उत्पादनलाई प्राथमिकतासम्म समेटिएका छन् । अनिवार्य तथा नि:शुल्क शिक्षा कार्यान्वयन कार्ययोजना तयार गरिएको, विद्यालय तहको परीक्षा तथा मूल्यांकन प्रणाली सुधारको कार्ययोजना बनाएको मन्त्री भट्टराईले उल्लेख गरिन् । शिक्षा, विज्ञान तथा प्रविधि मन्त्रालयका मुख्य उपलब्धि स्थानीय उत्पादनमा आधारित विद्यालय दिवा खाजा राष्ट्रिय प्रारूप स्वीकृत भई कार्यान्वयनमा रहेको अनिवार्य तथा निःशुल्क शिक्षाको तीनै तहका सरकारको जिम्मेवारी सहितको कार्यान्वयन कार्ययोजना तयार भएको माध्यामिक तहसम्मको शिक्षालाई अनिवार्य र निःशुल्क बनाउने सरकारको सोच अनुरूप कार्यान्वयन कार्ययोजना तयार गरी कार्यान्वयन प्रक्रिया अगाडि बढाइएको विद्यालय तहको परीक्षा तथा मूल्याङ्कन प्रणालीमा सुधारको कार्ययोजना तयार भएको ख्वप विश्वविधालयको विधेयकको मस्यौदा तयार गरी नेपाल सरकार मन्त्रिपरिषद्मा पठाइएको उच्च शिक्षा विधेयकको मस्यौदा तयार गरी नेपाल कानुन आयोगमा पठाइएको प्राविधिक शिक्षा तथा व्यावसायिक तालिम विधेयकको मस्यौदा अर्थ मन्त्रालयको सहमतिका लागि पठाइएको। ९२४ वटा शैक्षिक परामर्श सेवा प्रदायक संस्थाहरूको नवीकरण गरिएको, उक्त संस्थाहरूको आवश्यकताअनुसार आकस्मिक निरीक्षण अनुगमन गर्ने र नवीकरण पत्र दिँदा स्वीकृति पत्र, राजस्व समेतका कागजातको परीक्षण गर्ने निर्णय गरिएको रेडियोधर्मी पदार्थ तथा विकीरण सुरक्षा सम्बन्धमा मापदण्ड कार्यान्वयनका लागि ६ वटा स्वास्थ्य संस्थाको अनुगमन सम्पन्न भएको प्राविधिक शिक्षा तथा व्यावसायिक तालिम परिषद्को पाठ्यक्रम सुधारको खाका तयार भएको विदेशी विश्वविद्यालयबाट सम्बन्धन प्राप्त शैक्षिक संस्थाहरूबाट सञ्चालित उच्च शिक्षाका कार्यक्रमहरू व्यवस्थित गर्ने कार्ययोजना निर्माण भएको सीटीईभीटीका आङ्गिक शिक्षालयहरूबाट सरकारी अस्पतालसँग सम्झौता गरी मधेश, लुम्बिनी र कर्णाली प्रदेशमा फार्मेसी र नर्सिङको कक्षा सञ्चालन गर्ने गरी निर्णय भएको सङ्घ, प्रदेश र स्थानीय तहबिच समन्वय र साझेदारीका लागि सातै प्रदेशका सामाजिक विकास मन्त्री, नेपाल नगरपालिका सङ्घ, गाउँपालिका राष्ट्रिय महासङ्घ सम्मिलित विषयगत समितिका तीनओटा बैठक सम्पन्न गरिएको मौजुदा विधालय शिक्षक दरबन्दीको पुनरावलोकन गरी अपुग दरवन्दीको विश्लेषण साथ प्रस्ताव गर्न कार्यदल गठन गरिएको। शिक्षकसँग पाठ्यक्रम विकास केन्द्र कार्यक्रम सञ्चालन निर्देशिका, २०८१ स्वीकृत गरी कार्यान्वयनमा रहेको प्राविधिक धार कक्षा (९-१२) मा अध्यापन गराउने शिक्षकहरूको बिषयगत योग्यता निर्धारण गरिएको मधेश स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र राप्ती स्वास्थ्य विज्ञान प्रतिष्ठानमा ५०-५० सिट निर्धारण गरी एमबीबीएस कार्यक्रम सुरु गरिएको मागको आधारमा २८८४ जनाको सिप परीक्षण सम्पन्न भएको विज्ञान, प्रविधि तथा नवप्रवर्तनका लागि ओपन डेटा प्लेटफर्मको अवधारणा पत्र तयार भएको विद्यालय तहको पाठ्यक्रम परिमार्जन कार्य थालनी भएको राष्ट्रिय परीक्षा बोर्डको पुनःसंरचनामार्फत समग्र परीक्षा प्रणालीमा सुधारका लागि सुझाव पेस गर्न कार्यदल गठन गरिएको प्रारम्भिक बाल कक्षाको समयावधि र निजी विधालयद्वारा लिने गरेको शुल्कलाई व्यवस्थित गर्न सुझाव कार्यदल गठन भएको पुस्तक नीतिको मस्यौदा स्वीकृतिको चरणमा रहेको। १२ वटा राष्ट्रिय सिप प्रमाणिका/राष्ट्रिय दक्षता प्रमाणिका निर्माण कार्य सम्पन्न भएको। विद्यार्थीका लागि खुला तथा अनलाइन सिकाइको अवसर अभिवृद्धि गर्न दूर शिक्षा तथा खुला सिकाइ र सूचना प्रविधिको प्रयोगसँग सम्बन्धित सिकाइ चौतारीलाई व्यवस्थित गरी गरिएको सबै स्थानीय तहले एक वर्षभित्र स्थानीय तहको शिक्षा योजना तर्जुमा गर्नका लागि प्रशिक्षक प्रशीक्षण कार्यक्रम सञ्चालन गरिएको मातृभाषामा शिक्षासम्बन्धी मापदण्डको मस्यौदा तयार पारिएको दृष्टिविहीन बालबालिकालाई निःशुल्क पाठ्यपुस्तकको व्यवस्था, बाल बिकास केन्द्रका सहजकर्ताका लागि बुटक्याम्प तालिम सञ्चालन, मेगा किचन सञ्चालन र बालबालिकाका लागि अनलाइन तथा श्रव्यदृश्य सामग्री विकासका लागि कार्यविधिका मस्यौदा तयार पारिएको विद्यालय व्यवस्थापन समिति मार्फत विद्यालय पुनर्निर्माण कार्यविधि २०८१ स्वीकृत भई जिल्लागत कोटा निर्धारण गरी रकम पठाउने चरणमा रहेको विद्यालयको भौतिक पूर्वाधार विकास कार्यक्रम कार्यान्वयन कार्यविधि २०८० लाई विनियोजन ऐन, २०८१ बमोजिम परिमार्जन गरिएको प्राविधिक तथा व्यावसायिक शिक्षाको पाठ्यक्रम सुधारसम्बन्धी अध्ययन कार्यदलबाट प्रतिवेदन प्राप्त भई कार्यान्वयनको चरणमा रहेको विश्वविद्यालयहरूको व्यबस्थापन, गुणस्तर र भौतिक सुधारका लागि मन्त्रालय, विश्वविद्यालय अनुदान आयोग र सम्पूर्ण विश्वविद्यालयसँग छलफल गरी सुधारको कार्य सुरु गरिएको, सामुदायिक क्याम्पसका शिक्षकको स्तर निर्धारण गरिएको असोज ११/१२ को वर्षाबाट प्रभावित विद्यालयहरूको क्षतिको विवरण संकलन गरी सम्बन्धित शिक्षा विकास तथा समन्वय इकाइबाट कात्तिक ५ गतेभित्र र प्रदेश शिक्षा विकास निर्देशनालयबाट सो सम्बन्धमा द्रुत सर्वेक्षण गरी कात्तिक मसान्तभित्र प्रतिवेदन पेस गर्ने गरी निर्णय गरिएको विपद् व्यवस्थापनका लागि प्रत्येक प्रदेशका शिक्षा हेर्ने मन्त्रालयमा विनियोजित रु २ करोड र प्रत्येक पालिकामा विनियोजित ४-६ लाखसम्मको बजेटबाट तत्कालीन रूपमा विद्यालयको सरसफाइ र वैकल्पिक सिकाइ व्यवस्थालगायतका काम तुरुन्त प्रारम्भ गर्ने गरी योजना बनाइएको श्रमबजारको मागका आधारमा प्राविधिक शिक्षालयको नक्साङ्कनका लागि काम अघि बढाइएको मुगु जिल्ला साक्षर जिल्ला घोषणा भई साक्षर घोषणा हुने जिल्लाको सङ्ख्या ६५ पुगेको जाजरकोट र रुकुम पश्चिममा भूकम्पबाट प्रभावित विद्यालयको पुर्ननिर्माणको लागि प्रक्रिया अघि बढाइएको सीटीईभीटीका सम्बन्धमा प्राप्त गुनासाको तत्काल सम्बोधन गर्नका लागि संयन्त्र तयार गरिएको पाठ्यक्रम विकास केन्द्रबाट प्रदान गरिने समकक्षता प्रमाणपत्र अनलाइन आवेदन पेस गरेपश्चात् लाग्ने १८ दिनको अवधिलाई घटाएर पाँच दिनभित्रै प्रदान गरिने व्यवस्था गरिएको चिकित्सा शिक्षा आयोगका विभिन्न प्रवेश परीक्षामा कक्षा १२ को नतिजा प्रकाशन नहुँदै फाराम भरेका र नतिजामा नन ग्रेडेड (एनजी) मा परेका विद्यार्थीले फारम भर्दा तिरेको शुल्क आयोगवाट फिर्ता गरिएको त्रिभुवन विश्वविद्यालयले आगामी वर्षदेखि वार्षिक परीक्षा प्रणालीअनुसार सबै सङ्कायहरूको स्नातक तहका प्रश्नपत्रहरू तयार गर्दा अङ्ग्रेजी र नेपाली दुवै भाषामा तयार गर्ने निर्णय गरेको। कक्षा १० उत्तीर्ण गरेका विद्यार्थी मध्ये २५०० जनालाई औद्योगिक प्रशिक्षार्थी तालिम प्रदान गर्न प्रवेश परीक्षा सञ्चालनका लागि सूचना प्रकाशन गरिएको
सिहंदरबार वैद्यखानाबाट ४० किसिमका औषधिको उत्पादन हुँदै
काठमाडौं । सरकारले सिहंदरबार वैद्यखानाबाट ४० किसिमका औषधिको उत्पादनको तयारी गरेको छ । बिहीबार स्वास्थ्य तथा जनसंख्या मन्त्रालयमा आयोजित पत्रकार सम्मेलनमा स्वास्थ्यमन्त्री प्रदीप पौडेलले सिहंदरबार वैद्यखानामा हाल १३ किसिमका आयुर्वेद औषधि उत्पादन भइरहेको र ४० किसिमका औषधिको उत्पादनको तयारी गरिएको बताएका हुन् । उनले सय दिनमा आफूले संघीय अस्पतालका उपकरणहरूको मर्मतसम्भारका लागि राष्ट्रिय आविष्कार केन्द्रसँग सम्झौता गरी अस्पतालका उपकरणहरूको मर्मत कार्य सुरु गरेको बताए । सहीद गंगालाल हृदय केन्द्र, चिकित्सा विज्ञान राष्ट्रिय प्रतिष्ठान वीर अस्पताल र कान्ती बाल अस्पतालका बिग्रिएका उपकरणको मर्मतसम्भार अहिले जारी रहेको उनले बताए । मन्त्री पौडेलले हालसम्म ४ सय भन्दा बढी सामग्रीको मर्मतसम्भार भएको तथा मर्मतसम्भार गर्नुपर्ने आवश्यक उपकरणको इन्भेन्ट्री तयार भएको जानकारी दिए । मन्त्री पौडेलले औजार उपकरणको सदुपयोग एवं व्यवस्थापनका लागि कार्य योजना तयार गर्न एक उच्चस्तरीय कार्यदल गठन भइ कार्य भइरहेको बताए । मन्त्री पौडेलका अनुसार औषधि ऐनको प्रतिस्थापन विधेयक र एकीकृत स्वास्थ्य सेवा ऐन तर्जुमाका लागि अवधारणा पत्र स्वीकृतिका लागि कानुन न्याय तथा संसदीय व्यवस्था मन्त्रालयमा पठाइएको, स्वास्थ्यकर्मी तथा स्वास्थ्य संस्था सुरक्षा ऐन संशोधन, सुरक्षित मातृत्व तथा प्रजनन स्वास्थ्य ऐनमा समय सापेक्षित संशोधनलाई मन्त्रिपरिषदमा स्वीकृतिका लागि पठाउनुपूर्व सम्बन्धित निकायहरुमा राय/सहमतिका लागि पठाइएको र आयुर्वेद तथा वैकल्पिक चिकित्सा सेवा रणनीति तर्जुमाका लागि निर्देशक एवं प्राविधिक कार्यसमिति गठन भई कार्य प्रारम्भ भएको छ । मन्त्री पौडेलले अन्तर्राष्ट्रिय प्रतियोगितामा देशको प्रतिनिधित्व गर्ने खेलाडीहरूको सहिद गंगालाल राष्ट्रिय हृदय केन्द्रमा वार्षिक स्वास्थ्य परीक्षण निःशुल्क उपलव्ध गराउने गरी स्वास्थ्य तथा जनसंख्या मन्त्रालय, युवा तथा खेलकुद मन्त्रालय र सहिद गंगालाल राष्ट्रिय हृदय केन्द्रबीच त्रिपक्षीय सम्झौता गरी सेवा प्रारम्भ भएको बताए । स्वास्थ्य बीमा कार्यक्रमको दायरा विस्तार सहितको पूनर्संरचनाको प्रारुप तयार गर्न डा. शम्भू आचार्यको संयोजकत्वमा एक उच्च स्तरीय कार्यदल गठन भई समितिबाट कार्य भइरहेको उनले जानकारी दिए । मन्त्री पौडेलले सय दिनभित्र आफूले वीर अस्पतालमा १५ शैय्याको जलन उपचार वार्ड पुनः सञ्चालन गरी सघन जलन उपचार सेवा निःशुल्क शुरुवात गरेको, सातै प्रदेशबाट हुनेगरी बीपी कोइराला स्वास्थ्य विज्ञान प्रतिष्ठान, धरान, नारायणी अस्पताल, वीरगञ्ज, कीर्तिपुर अस्पताल, कीर्तिपुर, पोखरा स्वास्थ्य विज्ञान प्रतिष्ठान, पोखरा, भेरी अस्पताल, नेपालगञ्ज, सुर्खेत प्रादेशिक अस्पताल, वीरेन्द्रनगर र सेती प्रादेशिक अस्पताल, धनगढीमा उपचार खर्च व्यहोर्न नसक्ने नागरिकका लागि कस्मेटिकबाहेक सघन जलन उपचार निःशुल्क हुने व्यवस्था मिलाएको पनि बताए ।
फ्रान्सद्वारा लेबनानलाई १० करोड युरो सहयोगको घोषणा
काठमाडौं । फ्रान्सका राष्ट्रपति इम्मानुएल म्याक्रोनले बिहीबार फ्रान्सले लेबनानलाई दश करोड युरो सहयोग गर्ने बताएका छन् । पेरिसले लेवनानलाई वित्तीय सहयोग गर्ने लक्ष्यका साथ आयोजना गरेको सहायता सम्मेलनलाई सम्बोधन गर्दै उनले यस्तो बताएका हुन् । युद्धको सकेसम्म चाँडो अन्त्य हुनुपर्ने र लेबनानमा युद्धविराम हुनुपर्नेसमेत उनले बताए। यसै सन्दर्भमा लेबनानी सरकारका प्रमुखले अन्तर्राष्ट्रिय समुदायलाई एक साथ समर्थन गर्न तथा तत्काल युद्धविराम लागू गर्न आह्वान गरेका छन् । फ्रान्सले लेबनानका लागि आधा अर्ब यूरो जुटाउने लक्ष्य राखेको छ जुन संयुक्त राष्ट्रसङ्घको प्रारम्भिक अपिलभन्दा दश करोड बढी हो । म्याक्रोनले आर्थिक योगदानको साथै, पेरिसले संयुक्त राष्ट्रसङ्घीय सुरक्षा परिषद्को प्रस्ताव –१७०१ अनुरूप लेवलानलाई गुमेको भुमि फिर्ता गर्न सेनालाई सहयोग गर्ने बताएका छन् । म्याक्रोनले हमासको सन् २०२३ अक्टोबर–७ को आक्रमणको एक वर्ष पछि इजरायलले सेप्टेम्बरको अन्त्यमा दक्षिणी लेबनानमा इरान समर्थित हिजबुल्लाह विरुद्ध स्थलगत आक्रमण सुरु गरेको बताउदै अन्धाधुन्ध आक्रमण रोक्नु पर्ने जनाएका छन् । जर्मनीले पनि बिहीबार मानवीय सहायता अपिलमा लेवनानलाई ९६ मिलियन युरो योगदान गर्ने जनाएको छ । संयुक्त राष्ट्रसङ्घका महासचिव एन्टोनियो गुटेर्रेसले सहभागीहरूलाई लेबनानी सशस्त्र सेनासहित (लेबनानका) सरकारी संस्थाहरू प्रति समर्थन र बलियो बनाउन आह्वान गरे । फ्रान्सले कूटनीति, मानवीय सहायता र लेबनानको आन्तरिक रक्षा राजनीतिलगायतका मामलामा चासो व्यक्त गर्दै अमेरिकालाई स्थायी युद्धविरामका लागि वार्ता गर्न २१ दिने अस्थायी युद्धविरामको वातावरण तय गर्न दबाब दिएको छ । रासस
ल्याम्बोर्गिनीको कथा : फरारीका साहुसँग यसरी लिए फेरुसियाले अपमानको बदला
काठमाडौं । स्पोर्ट्स कार ल्याम्बाेर्गिनी सायद हरेक युवाको सपना हो । सबैले यति धेरै कमाउने सपना देख्छन् ताकि एक दिन यो कार किनेर चढ्न सकियाेस् । के तपाईंले कहिल्यै त्यो कारको सफलताको कथा सुन्नु भएकाे छ, जसलाई लिएर लाखाैं युवा पागल छन् ? यसको सफलताको कथा आफैमा अचम्मको छ । किनभने ट्रयाक्टर बनाउने किसानको छोराले ल्याम्बाेर्गिनी बनाएका थिए । जुन आफैमा एउटा सपनाभन्दा कम थिएन । फेरुसियो किसानको छोरा ल्याम्बोर्गिनी इटालियन उद्यमी फेरुसियो ल्याम्बोर्गिनीले सुरु गरेका थिए । फेरुसीका बाबुआमा दुवै खेतीपानी र अंगूरखेतीमा संलग्न थिए । तर फेरुसियोलाई खेतीमा कहिल्यै रुचि लागेन । यद्यपि उनी खेतीपातीमा प्रयोग हुने उपकरण बनाउन भने निकै मन पराउँथे । दोस्रो विश्वयुद्धको समयमा फेरुसियो राेयल एयरफाेर्समा सामेल भए र मेकानिकको रूपमा वायु सेनामा काम गरे । युद्ध समाप्त भएपछि उनले ट्र्याक्टरहरू निर्माण गर्न थाले । उनको ट्र्याक्टर कम्पनी चाँडै कृषिका लागि उपकरण निर्माणमा संलग्न विश्वको सबैभन्दा ठूलो कम्पनी बन्यो । रेसिङ कारको सपना फेरुसियो आफै धेरै विलासी कारको मालिक थिए । उनको ग्यारेजमा मसरती, मर्सिडिज बेन्ज र अल्फा रोमियोजस्ता कार थिए । यसपछि उनले फरारी किन्ने निर्णय गरे । जुन निर्णय उनको जीवनको ‘टर्निङ प्वाइन्ट’ साबित भयो । उनको यो निर्णय ल्याम्बोर्गिनीको सफलताको सुरुवात हो । उनी एक महँगो रेसिङ कार किन्न चाहन्थे । त्यसैले उनले फरारी किनेका हुन् । फेरुसियो एक दिन आफ्नो फरारीमा घुम्न गएका बेलामा कारको क्लचमा केही समस्या भयाे । क्लचले राम्ररी काम गरिरहेको थिएन । उनी कार मर्मत गर्नुको सट्टा फरारीकाे मालिकसँग कुरा गर्न चाहन्थे । त्यसपछि उनले फरारी मालिक एन्जो फरारीलाई यो समस्याको बारेमा जानकारी दिए । फरारी मालिकले गरे अपमान जब फेरुसियोले एन्जाेलाई क्लचवाला कुरा भने तब उनी रिसाए । एन्जो फरारीले अपमानक शैलीमा फेरुसियोलाई क्लचमा समस्या नभइ कार चलाउने व्यक्तिको भएकाे बताए । यतिमात्र नभइ उनले फेरुसियोलाई फरारी चलाउनुको सट्टा ट्र्याक्टर चलाउनसमेत भने । यो कुराले फेरुसियोलाई निकै रिस उठ्यो अनि उनले एन्जोसँग यसकाे बदला लिने दृढ अठाेट गरे । त्यसबेलादेखि फेरुसियोको दिमागमा एउटै कुरा चल्न थाल्यो- जसरी हाेस् संसारको उत्कृष्ट रेसिङ कार बनाएरै छाड्छु र फरारीसँग अपमानकाे बदला लिन्छु । फरारीका पुरानो इन्जिनियरको मद्दत अपमानपश्चात फेरुसियोले नयाँ लक्जरी स्पोर्ट्स कार बनाउने काम सुरु गरे । उनले सबैभन्दा पहिले कार डिजाइन गर्न थाले । उनलाई कस्तो कार चाहिएको थियो भन्ने विषयमा राम्राे ज्ञान थियाे । त्यसैले उनले केही महिनामै रेसिङ कार तयार पारे । फेरुसियोले रेसिङ कारको पहिचान गर्न साँढेको चित्रलाई यसको प्रतीकको रूपमा प्रयोग गरे । उनको राशि वृष थियो र यस राशिको प्रतीक साँढे हो । त्यसैले ल्याम्बोर्गिनीको प्रतीक साँढे राखिएकाे हाे । फेरुसियोले आफ्नो पहिलो कार ल्याम्बाेर्गिनी ३५० जीटी बनाउनका लागि एक पुरानो फरारी इन्जिनियर र दुई युवा इन्जिनियरहरूलाई काममा राखेका थिए । ल्याम्बोर्गिनी आउने बित्तिकै चर्चित तत्कालीन प्रसिद्ध भी-१२ इन्जिन ३५० जीटीमा राखिएकाे थियाे ताकि याे हावाकाे वेगमा दाैडिन सकाेस् । पहिलो ल्याम्बोर्गिनी सन् १९६३ मा लन्च गरियाे । यसबारे सबैले थाहा पाउन सकुन् भनेर पहिलो प्रस्तुतीकरणमा कारकाे बारेमा जानकारी दिइएको थियो । सन् १९६४ को सुरुवातसँगै ल्याम्बोर्गिनी कारको बिक्री पनि सुरु भयो । ल्याम्बोर्गिनीको बिक्री सुरु हुनेबित्तिकै यसलाई किन्न मानिसहरूबीच प्रतिस्पर्धा भएको बताइएको छ । ल्याम्बाेर्गिनी यति हिट भयो कि १२० वटा कार बने । यो दुई सिटर लक्जरी स्पोर्ट्स कार थियो । मानिसहरू यसको मोडलसँग यति खुसी थिए कि ल्याम्बोर्गिनीले छोटो समयमा आफ्नो नयाँ मोडल सार्वजनिक गर्न बाध्य भयाे । नयाँ मोडलको नाम ४०० जीटी थियो र यो पनि आउने बित्तिकै सुपरहिट भयो । ल्याम्बाेर्घिनीकाे नेट वर्थ अहिले ११ बिलियन डलर पुगेकाे छ । सन् २०२३ मा ल्याम्बाेर्गिनीले १० हजारभन्दा बढी गाडी बिक्री गरी आफ्नाे नयाँ इतिहास बनाएकाे थियाे । अगिल्ला वर्षहरूभन्दा कम्पनीले १० प्रतिशत बढी गाडी बिक्री गरेकाे हाे । २५ वर्षअघि यसको वार्षिक बिक्री तथ्यांक केही सय युनिटमात्र थियो ।
मर्यादित भएर चाडपर्व मनाउन काठमाडौं प्रशासनको आग्रह
काठमाडौं । जिल्ला प्रशासन कार्यालय काठमाडौंले मर्यादित भएर व्यवस्थित रुपमा चाडपर्व मनाउन सबैलाई आग्रह गरेको छ । जिल्ला प्रशासन कार्यालय काठमाडौंका सहायक प्रमुख जिल्ला अधिकारी अनिल पौडेलले आज एक सूचना जारी गर्दै चाडपर्वको समयमा शान्ति सुरक्षामा असर पर्ने गरी सार्वजनिक स्थानमा होहल्ला तथा झैझगडा गर्ने, मादक पदार्थ सेवन गरेर सामाजिक जनजीवन, मर्यादा र शान्ति खलल गर्ने काम नगर्न आग्रह गरे । जिप्रका काठमाडौंले कानुन विपरीत जुवातास, लङ्गुर बुर्जा खेल्नेरखेलाउने, भूइँचम्पा, पटाका, अतीसबाजीजस्ता विपद् निम्त्याउने, वातावरण प्रदूषण हुने विस्फोटक तथा प्रज्वलनशील पदार्थको प्रयोग, ओसारपसार, बिक्रीवितरणलगायत कार्य नगर्नरनगराउन पनि अनुरोध गरेको छ । ‘कानुनले निषेध गरेका गतिविधि गरेरगराएमा कानुनबमोजिम कारबाही गरिने व्यहोरा समेत सूचित गरिन्छ’, सूचनामा भनिएको छ । तिहार तथा छठलगायत पर्व मर्यादित भएर मनाउन जिप्रका काठमाडौंले सबैलाई आग्रह गरेको छ । सूचनामा उल्लेखित कुराको बर्खिलाप हुने गरी कोहीकसैले कुनै गतिविधि गरेमा प्रहरीलाई खबर गर्नसमेत स्थानीयलाई अनुरोध गरेको छ ।
कृषि फार्मबाट वार्षिक १२ लाख आम्दानी, बढ्दो विदेश पलायन रोक्न सकिने
पर्वत । कुश्मा नगरपालिका–८ चुवाकी देवीकुमारी क्षेत्रीले व्यावसायिक कृषि फार्म सञ्चालन गरेर वार्षिक १२ लाख रुपैयाँ बढी आम्दानी गर्दै आएका छन् । सुन्दरेखोला कृषि तथा पशुपालन फार्म सञ्चालन गरेकी क्षेत्रीले माछा, कुखुरा, बाख्रा तथा हाँसपालन गर्दै आएकी हुन् । दश रोपनी क्षेत्रफलमा पाँचवटा पोखरी निर्माण गरेर व्यावसायिक रुपमा माछा पालन गर्दै आएकी क्षेत्रीले वार्षिक १५ हजार किलोग्राम भन्दाबढी माछा बिक्री गर्ने गरेको बताइन् । माछाका साथै उनको फार्ममा गाईभैँसीसहित, स्थानीय जातका कुखुरा, बाख्रा तथा हाँस पनि छन् । दैनिक ३० देखि ४० लिटर दूध बिक्री गर्दै आएको उनले बताइन् । २५ लाख रुपैयाँ लगानी गरेर सात वर्षदेखि सञ्चालनमा आएको उक्त फार्मबाट सबै खर्च कटाएर वार्षिक १२ लाख रुपैयाँसम्म आम्दानी हुने गरेकको क्षेत्रीले जानकारी दिइन् । फार्ममा उत्पादित माछा, दूध, बाख्रा तथा बोका, कुखुरा, हाँस बिक्री गर्न बजार जानु नपर्ने भन्दै मध्यपहाडी लोकमार्गको पोखरा–बागलुङ खण्ड नजिकै फार्म भएकाले ग्राहक/व्यावसायी घरमा आएर खरिद गर्ने गरेका उनले बताइन् । ‘सुरुमा लगानी धेरै गरेँ, व्यवसाय संकटमा पर्छ कि भन्ने लागेको थियो, पछि उत्पादित सबै वस्तु सहज रुपमा घरबाटै बिक्री हुन थालेपछि लगानी र व्यवसाय थप गर्दै गएकी हुँ’, क्षेत्रीले भनिन् । कृषिबाट भएको आम्दानीले दुई छोरालाई शिक्षाका लागि अमेरिका पठाएको बताउँदै उनले श्रीमान् पनि रोजगारीको सिलसिलामा विदेश नै रहेको जानकारी दिइन् । क्षेत्रीले फार्ममा तीन जनालाई रोजगारी दिएको जानकारी दिइन् । ‘पहिलेदेखि आफ्नै व्यवसाय सञ्चालन गरी स्वरोजगार बन्ने योजना थियो’, उनले भनिन्, ‘यसअघि व्यावसायिक बङ्गुरपालनसमेत गरेँ, त्यसअभि स्थानीय मदिरा उत्पादन गरेकी थिएँ । पछि कृषि क्षेत्रमा आवद्ध भएकी हुँ ।’ आम्दानीका लागि महिलालाई पुरुषको सहयोग चाहिन्छ भन्ने कुरालाई चुनौती दिँदै आफू सफल महिला उद्यमी बनेको क्षेत्रीको भनाइ छ । अधिकांश समय फार्ममा व्यस्त देखिने क्षेत्री राजनीतिमासमेत सक्रिय हुनुहुन्छ । नेपाल समाजवादी पार्टीको केन्द्रीय सदस्य तथा गण्डकी प्रदेशको महिला विभाग प्रमुखसमेत रहेकी क्षेत्री, महिला स्वास्थ्य स्वयंसेविकाका रुपमा पनि काम गर्दै आएकी छन् । ‘पार्टीको कार्यक्रम परेमा अन्य जिल्लामा समेत जाने गरेकी छु । कार्यक्रम नपर्दा फार्मको रेखदेखमा समय बिताउछु’, उनले भनिन् । आँट, समयको व्यवस्थापन र मेहनतका साथ आफ्नो कामलाई निरन्तरता दिने हो भने सफल भइने क्षेत्रीको बुझाइ छ । कृषि ज्ञान केन्द्र, भेटेरिनरी अस्पताल तथा पशु सेवा विज्ञ केन्द्रलगायत संस्थाबाट प्राविधिक तथा अन्य तालिम र सहयोग प्राप्त गरेको उनले जानकारी दिइन् । स्वदेशमा रहेर व्यावसायिक रुपमा कृषि पेसा गर्नेहरुलाई तीनै तहका सरकारले अनुदान, बजारीकरण र प्राविधिक सहयोग, तालिमलगायत व्यवस्थापन गरेका युवा पुस्ताको बढ्दो विदेश पलायन रोक्न सकिने क्षेत्रीले विश्वास व्यक्त गरिन् । रासस
