एभरेष्ट बैंकको लाभांश क्षमता २९.८६ प्रतिशत, खराब कर्जा पनि घट्यो
काठमाडौं । एभरेष्ट बैंकले गत आर्थिक वर्ष २०८०/८१ मा ३ अर्ब ७० करोड ६ लाख रुपैयाँ नाफा गरेको छ । बैंकले अघिल्लो आवको सोही अवधिमा ३ अर्ब ३६ करोड २१ लाख रुपैयाँ खुद नाफा गरेको थियो । यो अवधिमा बैंकको नाफा १०.०७ प्रतिशत बढेको हो । बैंकले गत आवमा ७ अर्ब ६६ करोड रुपैयाँ खुद ब्याज आम्दानी गरेको छ । अघिल्लो आवको सोही अवधिमा बैंकले ७ अर्ब ४१ करोड रुपैयाँ खुद ब्याज आम्दाी गरेको थियो । यस्तै, बैंकको गत आवमा लाभांश वितरण क्षमता २९.८६ प्रतिशत रहेको छ । बैंकको वितरणयोग्य नाफा ३ अर्ब ५१ करोड ४४ लाख रुपैयाँ देखिएको छ । बैंकले गत आवमा २ खर्ब ३२ अर्ब ३१ करोड रुपैयाँ निक्षेप संकलन गरी १ खर्ब ७९ अर्ब ६४ करोड रुपैयाँ कर्जा लगानी गरेको छ । साथै बैंकको चुक्ता पुँजी ११ अर्ब ७६ करोड रुपैयाँ र जगेडा कोषमा १२ अर्ब २५ करोड रुपैयाँ सञ्चित छ । यस्तै, बैंकको प्रतिसेयर आम्दानी ३१.४५ रुपैयाँ र प्रतिसेयर नेटवर्थ ३३६.०६ रुपैयाँ रहेको छ । बैंकको खराब कर्जा ०.७१ प्रतिशत रहेको छ । अन्य बैंकको खराब कर्जा बढ्दा यस बैंकको भने घटेको छ ।
सिद्धार्थ बैंकको नाफा ३ अर्ब बढी, यस्ता छन् अन्य सूचक
काठमाडौं । सिद्धार्थ बैंकले गत आर्थिक वर्ष २०८०/८१ मा ३ अर्ब १ करोड रुपैयाँ खुद नाफा गरेको छ । अघिल्लो आर्थिक वर्षको सोही अवधिमा बैंकले सम्ममा बैंकले ३ अर्ब १६ करोड रुपैयाँ खुद नाफा गरेको थियो । बैंकको खुद नाफा ४.७८ प्रतिशतले घटेको हो । यस्तै, बैंकको खुद ब्याज आम्दानी २.३३ प्रतिशत घटेर ७ अर्ब ९९ करोड ३५ लाख रुपैयाँ गरेको छ । अघिल्लो आवको सोही अवधिमा बैंकले ८ अर्ब १८ करोड ४५ लाख रुपैषँ खुद ब्याज आम्दानी गरेको थियो । बैंकको चुक्ता पुँजी १४ अर्ब ८ करोड रुपैयाँ र जगेडा कोेष २१.०४ प्रतिशत बढेर १३ अर्ब ५७ करोड रुपैयाँ सञ्चित छ । अघिल्लो आवको तुलनामा बैंकको वितरणयोग्य नाफा घटेर ३६ करोड ६६ लाख रुपैयाँ कायम भएको छ । यस्तै, बैंकले गत आर्थिक वर्षमा निक्षेप संकलन ७.९० प्रतिशत बढाएर २ खर्ब ४१ अर्ब ३२ करोड रुपैयाँ र कर्जा लगानी ६.१५ प्रतिशत बढाएर १ खर्ब ९५ अर्ब ३२ करोड रुपैयाँ गरेको छ । बैंकको प्रतिसेयर आम्दानी १.०७ रुपैयाँ घटेर २१.४० रुपैयाँ कायम भएको छ भने खराब कर्जा २.२२ प्रतिशत रहेको छ ।
नाफामा प्रभु, कुमारी र प्राइमको उछाल, नबिलले इन्ड्रष्टी टप्दा १० बैंकको घट्यो
काठमाडौं । गत आर्थिक वर्ष २०८०८१ मा बैंकहरुले कुल ६४ अर्ब १५ करोड ३० लाख ८६ हजार रुपैयाँ खुद नाफा गरेका छन् । बैंकहरुले सार्वजनिक गरेको अपरिस्कृत वित्तीय विवरणअनुसार वाणिज्य बैंकहरुले सो नाफा गरेका हुन् । अघिल्लो आर्थिक वर्षको सोही अवधिमा बैंकहरुले कुल ५६ अर्ब ५७ करोड ४४ लाख ५२ हजार रुपैयाँ नाफा गरेका थिए । गत आवमा अघिल्लो आवको तुलनामा बैंकहरुको नाफा १३.३९ प्रतिशत बढेको हो । प्रतिशतको आधारमा सबैभन्दा बढी नाफा बढाउने बैंकमा प्रभु बैंक अगाडि देखिएको भएपनि नबिल बैंक बढी नाफा गर्ने बैंकको पहिलो नम्बरमा छ । बैंकहरुको वित्तीय विवरणअनुसार प्रभु बैंकले १४९९.०३ प्रतिशतको नाफा वृद्धि गरेको छ भने कुमारी र प्राइम कमर्सियल बैंकले क्रमशः ३४५.६६ प्रतिशत र २६७.१८ प्रतिशतको नाफा वृद्धि गरेका छन् । यस्तै, वाणिज्य बैंकमै सबैभन्दा बढी नाफा गर्ने बैंक भने नबिल रहेको छ । नबिलले गत आर्थिक वर्षमा १०.२२ प्रतिशतको नाफा बढाएर कुल ७ अर्ब ६ करोड रुपैयाँ नाफा गरेको छ । यो अवधिमा १० वटा वाणिज्य बैंकको नाफा बढेको छ भने १० वटाको घटेको छ ।
माछापुच्छ्रे बैंकको नाफा १ अर्ब २५ करोड रुपैयाँ
काठमाडौं । माछापुच्छ्रे बैंकले गत आर्थिक वर्ष २०८०/८१ को चौथो त्रैमासमा १ अर्ब २५ करोड रुपैयाँ खुद नाफा आर्जन गरेको छ । बैंकले अघिल्लो वर्षको सोही अवधिमा १ अर्ब ६२ करोड रुपैयाँ खुद नाफा गरेको थियो । अघिल्लो वर्षको तुलनामा बैंकले २३.०९ प्रतिशत कम नाफा गरेको हो । गत असारसम्म बैंकको खुद ब्याज आम्दानी ६.७६ प्रतिशत घटेर ५ अर्ब ९० लाख रुपैयाँ गरेको छ । अघिल्लो वर्षको सोही अवधिमा बैंकले ५ अर्ब ३७ करोड २३ लाख रुपैयाँ खुद ब्याज आम्दानी गरेको थियो । गत वर्ष बैंकको चुक्ता पुँजी १३.३० प्रतिशत बढेर ११ अर्ब ६१ करोड रुपैयाँ र जगेडा कोष ३.७६ प्रतिशत घटेर ५ अर्ब ६७ करोड रुपैयाँ छ । गत वर्ष बैंकले निक्षेप संकलन २.४४ प्रतिशत बढाएर १ खर्ब ५७ अर्ब ९४ करोड रुपैयाँ र कर्जा ०.७७ प्रतिशत बढाएर १ खर्ब २७ अर्ब १० करोड रुपैयाँ पुगेको छ । समीक्षा अवधिमा बैंकको वितरणयोग्य नाफा ४६ करोड ६४ लाख रुपैयाँ रहेको छ । नाफासँगै बैंकको प्रतिसेयर आम्दानी ५.०९ रुपैयाँ घटेर १०.७६ रुपैयाँ कायम छ । बैंकको प्रतिसेयर नेटवर्थ १४८.८० रुपैयाँ र मूल्य आम्दानी अनुपात १८.५९ गुणा रहेको छ । अघिल्लो वर्ष ०.८६ प्रतिशत खराब कर्जा रहेकोमा गत वर्ष बढेर १.५६ प्रतिशत पुगेको छ ।
ग्लोबल आइएमई बैंकको नाफा ६ अर्ब बढी, यस्ता छन् अन्य सूचक
काठमाडौं । ग्लोबल आइएमई बैंकले बैंकले गत आर्थिक वर्ष २०८०/८१ मा ६ अर्ब १ करोड रुपैयाँ खुद नाफा गरेको छ । बैंकले अघिल्लो आर्थिक वर्षको सोही अवधिसम्ममा ६ अर्ब ६९ करोड रुपैयाँ खुद नाफा गरेको थियो । अघिल्लो आर्थिक वर्षको सोही अवधिको तुलनामा अहिले बैंकको नाफा १०.१३ प्रतिशतले घटेको छ । समीक्षा अवधीमा बैंकको खुद ब्याज आम्दानी २.७४ प्रतिशत घटेको छ भने खुद फि तथा कमिशन आम्दानी २९.९० प्रतिशत बढेको छ । बैंकको वितरणयोग्य नाफा १ अर्ब १० करोड रुपैयाँ छ । बैंकको कुल सञ्चालन आम्दानी २.९६ प्रतिशत बढेको छ भने सञ्चालन नाफा ८.२५ प्रतिशत घटेको छ । ३६ अर्ब १२ करोड रुपैयाँ चुक्ता पूँजी रहेको यस बैंकको जगेडा कोषमा २४ अर्ब ८५ करोड रुपैयाँ सञ्चित छ । समीक्षा अवधिमा बैंकको निक्षेप १४.३४ प्रतिशत बढेको छ भने कर्जा ४.२३ प्रतिशत बढेको छ । समीक्षा अवधिमा बैंकको खराब कर्जा ३.१५ प्रतिशतबाट बढेर ४.३७ प्रतिशत पुगेको छ। ग्लोबल आइएमई बैंकको प्रतिसेयर आम्दानी १६.६५ रुपैयाँ रहेको छ भने प्रतिसेयर नेटवर्थ १६९.८१ रुपैयाँ छ ।
नाफामा पहिलो बैंक बन्यो नबिल, पौने ४ अर्ब वितरणयोग्य नाफा हुँदा लाभांश क्षमता १४.२६ प्रतिशत
काठमाडौं । नबिल बैंकले गत आर्थिक वर्ष २०८/०८१ मा ७ अर्ब ६ करोड खुद नाफा गरेको छ । बैंकले अघिल्लो आवको सोही अवधिमा ६ अर्ब ४० करोड ४९ लाख रुपैयाँ खुद नाफा गरेको थियो । बैंकको खुद नाफा अघिल्लो आवको तुलनामा १०.२४ प्रतिशत बढी नाफा गरेको हो । वाणिज्य बैंकमा सबैभन्दा बढी नाफा गर्ने बैंक नबिल बनेको छ । बैंकले १६ अर्ब २० करोड रुपैयाँ खुद ब्याज आम्दानी गरेको छ । अघिल्लो आवमा बैंकको ब्याज आम्दानी १७ अर्ब ७४ करोड रुपैयाँ थियो । यस्तै, बैंकले गत आवमा ४ खर्ब ६२ अर्ब ८ करोड रुपैयाँ निक्षेप संकलन गरी ३ खर्ब ७३ अर्ब ५७ करोड रुपैयाँ कर्जा लगानी गरेको छ । अघिल्लो आवको सोही अवधिमा बैंकले ३ खर्ब ९६ अर्ब ८४ करोड रुपैयाँ निक्षेप संकलन गरी ३ खर्ब ३१ अर्ब १२ करोड रुपैयाँ कर्जा लगानी गरेको थियो । बैंकको कर्जा लगानी र निक्षेप बढेको छ । गत असारसम्म बैंकको जगेडा कोषमा २८ अर्ब ६५ करोड रुपैयाँ सञ्चित छ । गत आवमा बैंकको वितरणयोग्य नाफा ३ अर्ब ८५ करोड ७३ लाख रुपैयाँ रहेको छ । यस आधारमा बैंकले गत आवको नाफाबाट १४.२६ प्रतिशत लाभांश वितरण गर्ने क्षमता राख्छ । नबिलको खुद खराब कर्जा १.०७ प्रतिशत र ग्रस एनपीएल ३.८५ प्रतिशत रहेको छ । बैंकको प्रतिसेयर आम्दानी २६.०९ रुपैयाँ र प्रतिसेयर नेटवर्थ २२०.१६ रुपैयाँ रहेको छ ।
नेपाल बैंकको नाफा साढे १ अर्ब, अधिकांश सूचकमा गिरावट
काठमाडौं । नेपाल बैंकले गत आर्थिक वर्ष २०८०/८१ मा १ अर्ब ६५ करोड ६८ लाख रुपैयाँ नाफा गरेको छ । बैंकले अघिल्लो आर्थिक वर्षको सोही अवधिमा ३ अर्ब ४३ करोड ७५ लाख रुपैयाँ खुद नाफा गरेको थियो । यो अवधिमा बैंकको नाफामा ५१.८० प्रतिशतको गिरावट देखिएको हो । बैंकको खुद ब्याज आम्दानी ८ अर्ब ८० करोड २१ लाख रुपैयाँ रहेको छ । अघिल्लो आवको सोही अवधिमा बैंकले ९ अर्ब ४० करोड ६९ लाख रुपैयाँ खुद ब्याज आम्दानी गरेको थियो । यस्तै, बैंकको जगेडा कोषमा २२ अर्ब ३८ करोड रुपैयाँ सञ्चित रहेको छ । गत वर्ष बैंकले २ खर्ब ८३ अर्ब ८ करोड रुपैयाँ निक्षेप संकलन गरी १ खर्ब ५७ अर्ब ३ करोड रुपैयाँ कर्जा लगानी गरेको छ । बैंकले अघिल्लो आवमा कुल २ खर्ब ४४ अर्ब ५१ करोड र १ खर्ब ७८ अर्ब रुपैयाँ कर्जा लगानी गरेकाके थियो । अघिल्लो आवको तुलनामा बैंकको निक्षेप र कर्जा लगानी घटेको छ । समीक्षा अवधिमा बैंकको वितरणयोग्य नाफा ७६ करोड ९३ लाख रुपैयाँ रहकेो छ । यस्तै, बैंकको खराब कर्जा ३.२८ प्रतिशत पुगेको छ । अघिल्लो आवमा २.८५ प्रतिशत खराब कर्जा थियो । बैंकको प्रतिसेयर आम्दानी (ईपीएस) ११.२८ रुपैयाँ कायम भएको छ भने प्रतिसेयर नेटवर्थ २५७.५७ रुपैयाँ रहेको छ । बैंकले खराब कर्जा बढेको कारण नाफामा गिरावट आएको बताएको छ । हाल नेपाल बैंकमा नयाँ प्रमुख कार्यकारी अधिकृत आएका छन् । बैंकको सीईओमा तिलक पाण्डेको आगमनसँगै बैंकको पफर्मेन्समा केही सुस्सता आएको देखिएको छ । पछिल्ला केही वर्षदेखि नेपाल बैंकले राम्रो पफर्मेन्स गर्दै आएको थियो । तर, गत वर्ष भने बैंकका अधिकांश सूचक घटेका छन् ।
एनएमबि बैंकको नाफा २ अर्ब ३३ करोड, आरओई ८.१३ प्रतिशत
काठमाडौं । एनएमबि बैंकले गत आर्थिक वर्ष २०८०/८१ मा २ अर्ब ३३ करोड ६५ लाख रुपैयाँ खुद नाफा गरेको छ । बैंकले अघिल्लो वर्षको सोही अवधिमा ३ अर्ब २२ करोड २५ लाख रुपैयाँ खुद नाफा गरेको छ । अघिल्लो वर्षको तुलनामा बैंकको नाफा घटेको छ । यस्तै, बैंकको खुद ब्याज आम्दानी ७ अर्ब ४९ करोड ७० लाख रुपैयाँ रहेको छ भने अघिल्लो आवको सोही अवधिमा बैंकले ८ अर्ब ३४ करोड २४ लाख रुपैयाँ खुद ब्याज आम्दानी गरेको छ । यस्तै, बैंकले यो अवधिमा कुल २ खर्ब २३ अर्ब ९४ करोड र कर्जा लगानी १ खर्ब ९४ अर्ब ३३ करोड रुपैयाँ प्रवाह गरेको छ । यो अवधिमा बैंकको वितरणयोग्य नाफा २३ करोड रुपैयाँ रहेको छ । अघिल्लो वर्षको सोही अवधिमा बैंकको वितरणयोग्य नाफा १ अर्ब १४ करोड रुपैयाँ थियो । बैंकको खराब कर्जा अनुपात ३.२७ प्रतिशत पुगेको छ भने अघिल्लो आवको सोही अवधिमा २.७५ प्रतिशत थियो । बैंकको प्रतिसेयर आम्दानी १२.७२ रुपैयाँ रहेको छ भने प्रतिसेयर नेटवर्थ १५८.२७ रुपैयाँ रहेको छ । बैंकको रिटर्न अन इक्विटी ८.१३ प्रतिशत रहेको छ ।
