काठमाडौं र सिरहा नापी कार्यालयका हाकिम घुससहित पक्राउ
काठमाडौं, २० असोज । काठमाडौं र सिरहा मालपोत कार्यालयका हाकिमहरु घुससहित पक्राउ परेका छन् । अख्तियार दुरुपयोग अनुसन्धान आयोगको टोलीले दुबैं कार्यालयका हाकिमहरुलाई घुस रकम सहित रंगेहात पक्राउ गरेको हो । चावहिलस्थित नापी कार्यालय प्रमुख उप सचिव हजारी यादव र सर्वेयर जितेन्द्र पण्डितलाई घुस रकम सहित पक्राउ परेका हुन् । उनीहरु दुई लाख रुपैंयाँ घुससहित पक्राउ परेका हुन् । त्यस्तै, सिराहा मालपोत कार्यालयका प्रमुख ज्ञानराज लम्साल पनि घुससहित पक्राउ परेका हुन् । लम्साललाई सेवाग्राहीसँग ४० हजार रुपैंयाँ घुस लिँदै गर्दा रंगेहात पक्राउ गरिएको हो । उनीहरुलाई हिरासतमा राखेर आयोगले थप अनुसन्धान गरिरहेको जनाएको छ ।
चारतारेकै स्तरबाट पाँचतारेको सेवा दिँदै हिमालय होटल, ३६ वटा कोठा तत्काल थप गर्ने तयारी
काठमाडौं २०, असोज । राजधानीको चारतारे होटल हिमालयले आफ्नो स्तर र क्षमता बढाउने भएको छ । होटलले पाँचतारे सरहको सेवा र सुविधा दिइरहेको छ भने स्तर वर्गिकरणमा भने चार तारे मात्रै लिएको छ । होटलले कोठा र सेवा सुविधा थप गरेर पाँचतारेको भन्दा पनि गुणस्तरीय सेवा सुविधा दिने भएपनि स्तर वर्गीकरणमा भने चार तारेकै लिने जानकारी दिएको छ । होटलमा हाल १२५ कोठा रहेको भएपनि सेवा र सुविधा विस्तारका लागि अझैं ३६ वटा कोठा थप गर्न लागिएको होटल हिमालयका प्रमुख कार्यकारी अधिकृत (सीईओ) प्रल्हादराज कुँवरले बताए । उनका अनुसार होटल ५७ रोपनी क्षेत्रफलमा फैलिएकको यो होटल संचालमा आएका पाँचतारेको सेवा सुविधा भन्दा राम्रो सुविधा प्रदान गरिहेको छ । यो होटलले तारा पनि स्तारोन्नति गरेर पाँचतारे लिने भनेपनि होटलमा आउने यूरोपेली युनियन, विश्व खाद्य कार्यक्रम, एनजीओ र आइएनजीको ठूलो ग्रुपबाट राम्रो व्यापार लिएको छ । यस्तो ग्रुप पाँच तारे होटलमा नबस्ने र सेवा सुविधा पाँचतारे वा सो भन्दा बढी भएपनि चारतारे भन्न सहज हुने भएकोले ती ग्रुपको हिमालय होटलमा आकर्षण हुने गरेको पनि होटल स्रोतको भनाइ छ । होटलका अनुसार स्तर निर्धाणर होटलले चाहेकै समयमा हुने भएकोले पनि गुणस्तर र ब्राण्डमा पहिलो प्राथमिकता हुने उल्लेख छ । होटललमा भएको सेवा सुविधा र एउटा कोठा थप गर्ने लाग्ने करिब एक करोडको लगानिले पाँचतारे वा सो सरहको सेवा सुविधा होटलमा रहेको छ । होटलमा जुनियर स्वीट्स, एक्जुकेटिभ र डिलक्स रुम रहेका छन् । थप हुने कोठमा एउटा प्रेसिडेन्टल स्वीट्ससहितको अन्य एक्जुकेटिभ र डिलक्स रुम थप हुने होटलले जानकारी दिएको छ । होटलमा पाँच तारेका लागि चाहिँने सबै सेवा सुविधा पुगिसकेको छ । राजधानीका अन्य होटल एक सय कोठमा नै पाँचतारे भएका छन भने हिमालयको अहिले नै १२५ वटा छ भने थप ३६ वटा थप हुनुले यसको सेवा सुविधा र गुणस्तरलार्य पनि बढाउने होटलको दाबी छ । चार तारे होटलमा स्तर निर्धारण गरेको भएपनि यो होटलको गुणस्तर, सेवा र सुविधा पाँच तारेसरहकै रहेको पनि कुँवरले बताए । हाल नेपालमा हिमालय र शंकर होटल मात्रै चारतारे स्तरमा संचलान भएका छन् । पाँचतारे होटल भने हाल नौ वटा संचालनमा रहेका छन् । आगामी तीन वर्ष भित्रमा थप आधा दर्जन चारतारे होटल थप गर्ने घोषणा पनि विभिन्न व्यवसायीक समूहले गरेका छन् ।
सेयरमा विदेशी लगानी खुला हुँदै, उद्योग मन्त्रालयले अगाडि सारेको प्रस्तावलाई सरकारी स्वीकृति पखर्नुपर्ने
काठमाडौं २०, असोज । सरकारले विदेशी कम्पनीलाई धितोपत्र बजारमा लगानी गर्न दिने गरी कानुन ल्याउने तयारी थालेको छ । वैदेशिक लगानी आकर्षित गर्न सरकारले पहिलोपटक धितोपत्र बजारमा विदेशीलाई लगानी गर्न दिने कानुन अगाडि बढाएको हो । विदेशी लगानीसम्वन्धि कानुनको संसोधन र एकीकरण गर्न बनेको विधेयकमा संस्थागत विदेशी लगानीर्तालाई धितोपत्र क्षेत्र खुला गर्ने व्यवस्था राखिएको छ । उद्योग मन्त्रालयले तयार पारेको विधेयकको मस्यौदामाथि सरोकारवालसँग छलफलको चरणमा रहेको छ । छलफल सकिएपछि यसालाई मन्त्रीपरिषद्बाटै स्वीकृत गराउनुपर्छ । विदेशी लगानीकर्ताले कम्पनी स्थापना गरी पूँजी लगानी कोष खडा गर्न सक्ने व्यवस्था विधेयकमा रहेको छ । यस्तो कम्पनी पब्लिक लिमिटेड हुनुपर्ने व्यवस्था छ । तर, यस्तो कोष एउटै कम्पनीमा चुक्ता पूँजीको १० प्रतिशतभन्दा बढी लगानी गर्न नपाइने व्यवस्था गरिएको समाचार विहिबारको कान्तिपुर दैनिकमा छापिएको छ ।
दसैंको मुखमा सौर्य एयर ग्राउण्डेड, दैनिक २५० यात्रु प्रभावित
काठमाडौं २०, असोज । दसैंको मुखैमा नियमति उडानको सौर्य एयरलाइन्स ग्राउण्डेड भएको (विग्रिएर थन्किएको) छ । बुधबार विहान विराटनगरबाट काठमाडौं आएपछि जहाजको कोपाइलटतर्फको अगाडिको झ्यालको सीसा टुटेको छ । सीसामा देखिएको सानो क्र्याकले पनि विन्डो हिटमा समस्या आउने भएकोले जहाज ग्राउण्डेड भएको समाचार विहिबारको अन्नपूर्ण पोष्टमा छापिएको छ । सीसामा देखिएको सानो समस्या भएपनि ग्राहकको सुरक्षा संवेदशीलतालाई ध्यानमा राखेर जहाज ग्राउण्डेड गरिएको सौर्य एयरलान्यसका प्रवन्ध निर्देशक गोपाल भट्टराईले बताए । उनका अनुसार झ्यालको सीसा नै फेर्नुपर्ने र त्यसो सामान अमेरिकाबाटै मगाउनुपपर्छ । यसका लागि करिब ३० देखि ४० लाख खर्च लाग्ने उल्लेख छ । अमेरिकादेखि सामान मगाउने र ल्याएर जडान गर्दा तीनचार दिन लाग्ने एयरलाइन्सको भनाइ छ । ५० जना यात्रु बोक्ने यो वायुसेवासँग एउटा मात्रै जहाज भएकोले पनि सानो समस्या आउँदा पनि शत् प्रतिशत उडान रद्द हुने गरेको छ । यो वायुसेलाई काठमाडौंबाट विराटनगर, नेपालगन्ज र भद्रपुरको लागि दैनिक ५ देखि ६ वटासम्म उडान गर्ने गरेको छ । जहाज ग्राण्डेड हुँदा दैनिक साढे दुई सय देखि ३० सय जना प्रभावित भएका छन् ।
मठमन्दिरमा पूजा गर्न वार्षिक एक करोड बजेट, ६५ प्रतिशत बजेट दसैँको वेलामा हुने पूजा तथा बलिमा खर्च
काठमाडौं २०, असोज । देशभरका मठमन्दिरमा पूजा गर्न सरकारले वार्षिक एक करोड रुपैयाँ खर्च गर्ने गरेको छ ।सरकारले चालू आर्थिक वर्षमा मन्दिर र शक्तिपीठमा पूजा गर्न एक करोड १६ लाख ५२ हजार चार सय रुपैयाँ विनियोजन गरेको छ । विनियोजित रकममध्ये करिब ६५ प्रतिशत बजेट दसैँको वेलामा हुने पूजा तथा बलिमा खर्च हुने गरेको निवृत्तभरण व्यवस्थापन कार्यालयका प्रमुख शिवनाथ पौडेलले बताए । विनियोजित बजेट दसैँबाहेक अन्य विशेष पूजामा पनि खर्च हुने गरेको छ । पूजाआजाका लागि सरकारले विनियोजन गर्ने बजेट हरेक वर्ष बढ्ने गरेको छ । गत आर्थिक वर्षमा पूजा सामग्री तथा पशुबलिका लागि एक करोड १२ लाख ३२ हजार रुपैयाँ विनियोजन भएको थियो । चौपाया बलिका लागि साढे ८१ लाख बजेट सरकारले चालू आर्थिक वर्षमा चौपाया बलिका लागि ८१ लाख ४५ हजार सात सय रुपैयाँ विनियोजन गरेको छ । त्यस्तै, पूजाआजा गर्न ३४ लाख ९६ हजार सात सय रुपैयाँ छुट्याएको छ । धुप, धजा, प्रसादसहित २१६ प्रकारका पूजा सामग्री पूजामा प्रयोग गर्ने गरिन्छ । मल्लकालदेखि नै मन्दिर तथा विभिन्न शक्तिपीठका लागि बजेट विनयोजन हुँदै आएको निवृत्तभरण व्यवस्थापन कार्यालयले जनाएको छ । कार्यालयका प्रमुख पौडेलले भने, ‘हिन्दूधर्मका लागि निवृत्तभरण व्यवस्थापन कार्यालयले खर्च गर्दै आएको छ । अन्य धर्मावलम्बीका लागि छुट्टै निकायबाट पैसा व्यवस्थापन गरिन्छ ।’ नयाँ पत्रिका दैनिकबाट ।
दशैं मनाउन पाँँच लाखले उपत्यका छोडे, १५ लाखले गाँउ जान टिकट काटिसके
काठमाडौं २०, असोज । दशैं मनाउन उपत्यका छाड्नेहरूको संख्या दैनिक बढेको छ । पाँच दिनयता करिब पाँच लाख सर्वसाधारणले उपत्यका छाडेको ट्राफिक प्रहरीको तथ्यांक छ । नागढुंगा नाकाबाट मंगलबार मात्र पाँच हजार सात सय पाँच सवारीसाधनमार्फत ६४ हजार तीन सय ५९ सर्वसाधारण बाहिरिएका छन् । सबै नाकाबाट गरेर सवा लाख सर्वसाधारण मंगलबार बाहिरिएको ट्राफिक प्रहरीले जनाएको छ । सबै नाकाबाट मंगलबार १० हजार ६६ सवारीसाधन बाहिरिएका थिए । मंगलबारभन्दा बुधबार नाकाबाट बाहिरिनेको संख्या बढेको समाचार बिहिबारको नेपाल समाचार पत्रमा छापिएको छ । दसैँमा हरेक वर्ष करिब २० लाख सर्वसाधारणले उपत्यका छाड्छन् । त्यसमध्ये करिब १८ लाखले सार्वजनिक यातायात प्रयोग गर्ने ट्राफिक प्रहरीले जनाएको छ । यो वर्ष १४ लाखभन्दा धेरै टिकट बिक्री भइसकेको छ । फूलपातीको अघिल्लो दिन, फूलपाती र अष्टमीको दिनमा सबैभन्दा धेरै यात्रु बाहिरिने गर्छन् ।
सांग्रीला होटलद्वारा दसैं भोज प्याकेज सार्वजनिक, अष्टमीदेखि चार दिन ग्राहकको रोजाई अनुसारको विशेष मेनु
काठमाडौं २०, असोज । पाँचतारे होटल सांग्रीलाले दसैं भोज नामक प्याकेज सार्वजनिक गरेको छ । होटलले आगामी आइतबारदेखि बुधबारसम्मको चार दिने प्याकेज सार्वजनिक गरको हो । होटलले चार दिन सम्म दसैं भोज नामक प्याकेज सार्वजनिक गरेको होटलकी सहायक विक्री प्रवन्धक बविता पाण्डेले जानकारी दिएकी छन् । उनका अनुसार होटलले दसैंका अष्टमीदेखि एकादशीसम्मको लागि विशेष मेनु सार्वजनिक गरेको छ । यस्तो मेनुमा ग्राहकले रोजेर खाना तथा खाजा खान पाउने छन् । पाँचतारे होटलमा सर्वसाधारणको पनि सहज पहुँच पुग्ने गरी होटलले नयाँ मेनुसहितको प्याकेज ल्याएको छ । होटलका अनुसार सुरुवाती मेनुमा खसीको रक्ती, कलेजो, फोक्सो साधेको ६ सय रुपैयाँमा, चिउरा र समै वजी पाँच सय रुपैयाँमा, कालो भटमास साधेको चार सय पचास, आलुको अचार कालो तिल हालेको चार सय पचास, कुखुराको सेकुवा पाँच सय र खसीको छोयला ६ सय रुपैयाँमा सेवा दिने भएको छ । सुपमा च्याउनेको झोल तीन सय, खशीको खुट्टाको रस तीन सय ५० रहेको छ । मेन कोर्समा थाई भेज ११ सय र ननभेज १४ सय रुपैयाँ तोकिएको होटलले जानकारी दिएको छ । डेजर्टको पनि तीन सय र चार सय ५० को गरी दुई थरी सेवा रहेको छ । होटलका कार्यकारी सेफ महेश राज ढकालका अनुसार स्वादिलो र हाइजेनिक खाना एफोर्टवल प्राइमा सेवा दिएको छ । गत वर्ष पनि आउने यस्तो प्योकजमा यो वर्ष भने ग्राहकले छानेर र मन परेको मेनु रोज्न पाउने गरी हरेकमा शुल्कसहित सार्वजनिक गरेको हो । होटलले हरेक वर्ष दसैंका लागि दसैं भोज नामक मेनु सार्वजनिक गर्ने गरेको छ ।
काबेली ‘ए’ निर्माण एक महिनाभित्रै, ३७.६ मेगावाट जलविद्युत थप हुँदै
काठमाडौं २०, असोज । मेची अञ्चलकै ठूलो जलविद्युत आयोजनाका रुपमा रहेको ३७.६ मेगावाट क्षमताको काबेली ए आगामी एक महिना भित्रनिर्माण सुरु हुने भएको छ । चिनियाँ कम्पनीलेले निर्माणको जिम्मा पाएको काबेली ए जलविद्युत आयोजना निर्माणको सम्पूर्ण प्रकृया पूरा भइसकेकाले आयोजना प्रवर्द्धक प्रदीपकुमार श्रेष्ठले बताए । ताप्लेजुङ र पाँचथर सीमाक्षेत्रमा बग्ने काबेली नदीबाट विद्युत उत्पादन गर्ने तयारी गरिरहेको यो अयोजना निर्माणका लागि लगानी समस्या नभएकाले तीन वर्षभित्र काम सम्पन्ने गर्ने लक्ष रहेको श्रेष्ठको भनाइ छ । यसअघि काबेली हाइड्रोपार इनर्जी प्रालिले निर्माण सुरु गरेको थियो । तर उक्त कम्पनीले समझौता विपरीत काम गरेको भन्दै स्थानीयले विरोध जनाएपछि निर्माण हुन सकेको थिएन । कारोबार दैनिकबाट ।
