निगमको साख गिराउने पदाधिकारीलाई कारबाही गर्न निर्देशन
काठमाडौँ, ७ कात्तिक । व्यवस्थापिका–संसद्को अन्तराष्ट्रिय सम्बन्ध तथा श्रम समितिले राष्ट्रिय ध्वजावाहक नेपाल वायु सेवा निगमको साख गिराउने कार्यमा संलग्न जिम्मेवार पदाधिकारीलाई छानबिन गरी कानुनी कारबाही गर्न संस्कृति, पर्यटन तथा नागरिक उड्डयन मन्त्रालयलाई निर्देशन दिएको छ । समितिको आईतबार बसेको बैठकले निगमलाई ठूलो घाटा लागेको सन्दर्भमा निजी वायु सेवा कम्पनीसँग मिलेमतो गरी निगमको साख गिराउने कार्यमा संलग्न नेपाल नागरिक उड्डयन प्राधिकरण (क्यान) र निगमका पदाधिकारीलाई कानुनी दायरामा ल्याउन निर्देशन दिएको हो । वायु सेवा कम्पनीले तोकिएको समयमा उडान नगर्ने तथा अन्तिम समयमा उडान रद्द गर्ने प्रवृत्ति बढ्दै गइरहेको सन्दर्भमा उक्त समस्या समाधान गर्नुको साटो मिलेमतोमा ढिलो उडान गर्ने तथा उडान रद्द गर्ने गरेको भन्दै समितिले संलग्न पदाधिकारीलाई अविलम्ब कारबाही गर्न मन्त्रालयलाई निर्देशन दिने निर्णय गरेको समितिका सभापति प्रभु शाहले बताइ । समितिले नेपालका प्रत्येक एयरपोर्टमा सुरक्षा संवेदनशीलतालाई ध्यानमा राखी अनिवार्य एक्स–रे मेसिन तथा सिसी क्यामरा जडान गर्र्नुका साथै वाइफाईको सुविधा एवम् यात्रु कक्ष बाहिर यात्रु पु¥याउने सहयोगीलाई बस्ने कुर्सीसहित आवश्यक स्थानको व्यवस्था साथै सरसफाइको समेत व्यवस्था गर्न पनि मन्त्रालयलाई निर्देशन दिएको छ । निगमको उडान नियमित हुन नसकेका सन्दर्भमा निगमलाई पर्याप्त मात्रामा खाली ठाउँ राख्न, आवश्यक पाइलट तथा अन्य उडान कर्मचारीको व्यवस्था गर्न, निगमको दीर्घकालीन व्यावसायिक कार्ययोजना तयार गरी सोहीअनुसार जहाज खरिद गर्ने प्रक्रियालाई द्रूतमार्गबाट अगाडि बढाउन पनि निर्देशन दिएको समितिद्वारा जारी विज्ञप्तिमा उल्लेख छ । बैठकमा संस्कृति, पर्यटन तथा नागरिक उड्डडनमन्त्री जीवनबहादुर शाहीले निगमले नियमित रुपमा हवाई सेवा सञ्चालन सम्बन्धमा जानकारी गराउए । । निगमको सेवाबारे बैठकका सदस्य सांसदले जवाफ माग गरेपछि मन्त्रालयका निमित्त सचिव शङ्करप्रसाद अधिकारी, निगमका महाप्रबन्धक सुगतरत्न कंसाकार र क्यानका महाप्रबन्धक सञ्जीव गौतमले स्पष्ट परेका थिए । रासस
टेलिकमले ‘फोर जी’ सेवा सञ्चालन गर्ने अनुमति पायो, पुसदेखि सेवा सञ्चालन गर्ने
काठमाडौँ, ७ कात्तिक । नेपाल टेलिकमले आगामी पुसदेखि ‘फोर जी’ सेवा सञ्चालन गर्ने भएको छ । नेपाल दूरसञ्चार प्राधिकरणबाट ‘फोर जी’ सेवा सञ्चालनको अनुमति पाएपछि टेलिकमले १८ सय मेगाहर्ज फ्रिक्वेन्सी ब्यान्डमार्फत १५ मेगाहर्जमा फोर जी सेवा सुरु गर्न पाउने भएको हो । टेलिकमको प्रस्तावबमोजिम प्राधिकरणको गत शुक्रबारको बोर्ड बैठकले फोर जी सेवा सञ्चालनका लागि अनुमति दिएको टेलिकमका प्रवक्ता मीनप्रसाद अर्यालले बताए । उनका अनुसार पुस २०७३० देखि सेवा सञ्चालन तथा विस्तार गर्नेगरी प्राधिकरणले अनुमति दिएको छ । अब फोर जी सेवासँगै टेलिकमले १० मेगाहर्जबाट ‘टु जी’ र ‘थ्री जी’ सेवालाई निरन्तरता दिनुका साथै ५ मेगाहर्जबाट ‘फोर जी’ सञ्चालन गर्ने जनाएको छ । टेलिकमले दसैँअघि नै प्राधिकरणलाई कार्ययोजना बुझाएको थियो । उक्त कार्ययोजनाअनुरुप दुई महिनाभित्र काठमाडौँ र पोखरामा ‘फोर जी’ सेवा सञ्चालनमा ल्याउने जनाएको छ । रासस
आन्तरिक राजस्व विभाग र राजस्व अनुसन्धान विभागबीच सूचना आदन प्रदान गर्ने सम्झौता
काठमाडौं, ७ कात्तिक । कर छली तथा राजस्व चुहावट नियन्त्रणका लागि सूचना आदान प्रदान गर्ने सम्बन्धमा आन्तरिक राजस्व विभागको तर्फबाट महानिर्देशक चुडामणि शर्मा र राजस्व अनुसन्धान विभागका तर्फबाट महानिर्देशक निर्मलहरि अधिकारीबीच समझदारी पत्रमा कात्तिक ७ गते हस्ताक्षर भएको छ । आन्तरिक राजस्व विभाग र राजस्व अनुसन्धान विभागले राजस्व चुहावट नियन्त्रण गर्ने, कर सहभागिता अभिवृद्धि गर्ने र समग्रमा राजस्व संकलन बढाउने ध्येयले आफ्नो कार्य सम्पादन गर्ने क्रममा प्राप्त गरेका राजस्व चुहावट सम्बन्धी सूचनाहरु आदान प्रदान गर्ने सम्बन्धमा दुवै पक्षबीच पारस्परिक समझदारीपत्रमा हस्ताक्षर भएको हो । समझदारी पत्रमा कर छली तथा राजस्व चुहावट सम्बन्धी अनुसन्धान गर्न प्रभावकारी समन्वय र सहकार्य गर्दै प्रचलित कानूनको परिधिभित्र रही आवश्यकताअनुसार एक आपसमा सूचना आदान प्रदान गरिने उल्लेख गरिएको छ । कर छली तथा राजस्व चुहावट सम्बन्धी जोखिमका क्षेत्रहरु पहिल्याई सोको निवारणका लागि संयुक्त वा अलग अलग रुपमा जोखिम व्यवस्थापन गरिने, आ–आफ्नो क्षेत्राधिकारका विषयहरु सुक्ष्म रुपमा अनुसन्धान तथा अन्वेषण गरी आवश्यकताअनुसार निष्कर्ष आदान प्रदान गरिने सम्झौतामा उल्लेख गरिएको छ । त्यसैगरी कर छली तथा राजस्व चुहावट नियन्त्रण सम्बन्धी कार्यमा संलग्न जनशक्तिहरुको क्षमता विकास गरिने समझदारी पत्रमा उल्लेख गरिएको छ । दुवै पक्षले सूचना आदान प्रदान गर्ने कार्यलाई व्यवस्थित गर्न आ–आफ्नो निकायमा सम्पर्क व्यक्ति तोकिने तथा दुवै पक्षले आआफ्नो निकायमा संचालन रहेका विद्युतीय अभिलेख प्रणालीहरुमा आवश्यकताअनुसार तोकिएका पदाधिकारीहरुलाई सहज पहु“चको व्यवस्था गरिने पनि उल्लेख गरिएको छ । समझदारी पत्र २ वर्षको लागि मान्य हुने तथा आपसी समझदारीमा आवश्यकता अनुसार पुनः नवीकरण गर्न सकिने जनाइएको छ । समझदारी पत्र दुवै पक्षबाट हस्ताक्षर भएको मितिदेखि लागू हुने र दुवै पक्षबाट आपसी सूचना आदान प्रदानको अभिलेख व्यवस्थित गरी सोको वार्षिक प्रतिवेदन तयार गरी सो समेत आदान प्रदान गरिने समझदारी पत्रमा उल्लेख गरिएको छ । दुवै पक्षको सहमतिमा आवश्यकताअनुसार समझदारी पत्रमा संशोधन गर्न सकिने पनि उल्लेख गरिएको छ ।
स्ट्यान्डर्ड चार्टर्ड बैंकले ३ अर्ब ३० करोडको एफपिओ जारी गर्ने, १ अर्ब ९३ करोडको बोनस सेयर थपिने
काठमाडौं, ७ कात्तिक । स्ट्यान्डर्ड चार्टर्ड बैंक नेपालले ३ अर्ब ३० करोड रुपैयाँ बराबरको पुँजी एफपिओबाट जुटाउने भएको छ । बैंकले आफ्नो वेवसाइडमा राखेको पुँजी वृद्धि योजनामा चालु आर्थिक वर्षभित्रै एफपिओ जारी गरी ३ अर्ब ३० करोड रुपैयाँ पुँजी वृद्धि गर्ने जनाएको छ । त्यस्तै बैंकले गत आर्थिक वर्षको नाफा र चालु आर्थिक वर्षको नाफासहित १ अर्ब ९३ करोड रुपैयाँ बराबरको बोनस सेयर थप्ने भएको छ । एफपीओ जारी गरेपछि यस बैंकमा नेपालीको सेयर हिस्सा वृद्धि हुने भएको छ । हाल स्ट्याण्डर्ड चार्टर्ड बैंक नेपालमा ७५ प्रतिशत सेयर स्ट्याण्डर्ड चार्टर्ड ग्रुपको छ भने २५ प्रतिशत सेयर मात्र नेपालीको स्वामित्वमा छ । नेपाल राष्ट्र बैंक नीतिअनुसार २०७४ असार मसान्तभित्र चुक्ता पुँजी ८ अर्ब रुपैयाँ पुर्याउनु पर्ने व्यवस्था गरेपछि चार्टर्डले सेयर संरचना नै परिवर्तन गर्ने गर्दै आफू भने ग्रुपले नयाँ पुँजी लगानी नगर्ने नीति लिएको देखिएको छ । परिवर्तित सेयर संरचनामा स्ट्याण्डर्ड चार्टर्ड ग्रुपको कति हुने र नेपालीको कति हुने भन्ने स्पष्ट छैन । बैंकले एफपिओ जारी गरि प्रिमियमसहित ३ अर्ब ३० करोड पुँजी जुटाउने जनाएको छ । बैंकसँग अहिले दुई अर्ब ८१ करोड रुपैयाँ चुक्ता पुँजी छ । बैंकले यो चुक्ता पुँजीको ३३.३३ प्रतिशत बोनस सेयर दिने घोषणा गरेको छ । वोनस सेयर वितरणपछि चुक्ता पुँजी ९४ करोड रुपैयाँले बढ्छ । एफपिओ जारी पछि ३ अर्ब ३० करोड रुपैयाँ जम्मा हुने र चालु आर्थिक वर्ष २०७३÷७४को नाफाबाट बोनस सेयर वितरण गरी चुक्ता पुँजी ८ अर्ब ५ करोड रुपैयाँ पुर्याउने योजना बैंकले सार्वजनिक गरेको छ ।
तीन महिनामा २०१ अर्ब रुपैयाँ नोक्सान, २२० अर्बको माल आयात, १९ अर्बको माल निर्यात
काठमाडौं, ७ कात्तिक । गत आर्थिक वर्ष २०७३÷७४ को पहिलो तीन महिनामा २ खर्ब २० अर्ब ६० रुपैयाँको वस्तु तथा सेवा आयात गरेको छ भने १८ अर्ब ९० करोड मूल्य बराबरको वस्तुहरु नेपाल भित्र्याएको छ । चालू आवमा तीन महिनामा २ खर्ब १ अब ६९ करोडको व्यापार घाटा भएको छ । गत आवमा नाकाबन्दीका कारण वस्तु तथा सेवाका आयात निर्यातमा असर परेको थियो । चालू आवमा भने सामान्य अवस्था भएकाले आयात अत्यधिक बढेको छ भने निर्यातको सामान्य भएको छ । चालू आवमा भएको आयात गत आवको भन्दा करिब ७१ प्रतिशतले बढी हो । गत आवको सो अवधिमा १ खर्ब २९ अर्बको वस्तु तथा सेवा नेपाल भित्रिएका थिए । त्यस्तै गरी १७ अर्ब ५१ करोडका वस्तु तथा सेवाबाट वाहिरिएका थिए । गत आवको तुुलनामा चालू आवमा भएको निर्यात ७ दशमलव ९० प्रतिशतले बढी हो । यस वर्षको पहिलो तीनमा कुल २ खर्ब ३९ अर्ब ५० करोडको आन्तरिक तथा वाह्य व्यापार भएको छ । गत आवमा यस्तो व्यापार १ खर्ब ४६ अर्ब ७४ करोड कुल व्यापार भएको थियो । चालू आवका सबैभन्दा बढी २५ अर्ब ४७ करोडको सवारी साधन तथा यसका एशोसेरिजहरु आयात भएका छन् । २३ अर्ब ९ करोडको पेट्रोलियम पदार्थ र अन्य तेलहरु को आयात भएको भन्सार विभागको तथ्याङ्क छ । समीक्षा अवधिमा २१ अर्ब ६० करोडको फलाम तथा स्टीलहरु आयात भएका छन् । नेपालमा भारतबाटमात्र १ खर्ब ४३ अर्ब ९३ करोडको वस्तु तथा सेवा नेपाल भित्रिएको छ भने चीनबाट ३३ अर्ब मूल्य बराबरका सामानहरु नेपाल भित्रिएका छन् । नेपालमा बढी सामान भित्र्र्याउने तेस्रो देशमा युनाइटेड अरब इमिरेट्स परेको छ ।
सनराइजद्धारा ३३ प्रतिशत बोनस र ३० प्रतिशत हकप्रद सेयर जारी गर्ने प्रस्ताव पारित
काठमाडौं, ७ कात्तिक । सनराइज बैंकको नवौं वार्षिक साधारण सभाले ३३ दशमलब ३३ प्रतिशत बोनस सेयर र ३० प्रतिशत हकप्रद सेयर जारी गर्ने निर्णय पारित गरेको छ । कात्तिक ७ गते सम्पन्न साधारण सभाले गत आवको नाफा तथा जगेडा कोषको रकम प्रयोग गरि लगानी कर्तालाई एक अर्ब ३२ करोड ५३ लाख ४८ हजार ८ सय रुपैंयाँ बराबरको ३३ दशमलब ३३ प्रतिशत बोनस सेयर वितरण गर्ने निर्णय गरेको हो । साधारण सभाले बोनस शेयर वितरण गरेपछि कायम हुने पूँजीको ३० प्रतिशतका दरले हकप्रद शेयर निष्काशन गर्ने निर्णय समेत पारित गरेको हो । बोनस सेयर र हकप्रद सेयरपछि बैंकको चुक्ता पूँजी ७ अर्ब पुग्नेछ । बैंकले चालु आवको नाफाबाट बोनश शेयर वितरण गरेर आठ अर्ब चूक्त पूँजी पुर्याउने लक्ष्य निर्धारण गरेको छ । हाल बैंकका शाखाहरुको संख्या ६७ र एटिएमको संख्या ७२ पुगेको छ । जसमध्ये काठमाडौं उपत्यका भित्र २७ शाखाहरु र उपत्यका बाहिर ४० शाखाहरु रहेका छन् । बैंकले सनराइज सेफ डिपोजिट लकर सुविधा, भिसा डेबिट कार्ड, मोबाइल बैंकिङ्ग, ईन्टरनेट बैंकिङ्ग, रेमिट्यान्स, सनराइज माइक्रो बैंकिङ्ग लगायत आधुनिक बैंकिङ्ग सेवाहरु समेत प्रदान गर्दै आइरहेको छ ।
विकास सहायता समन्वय तथा सहजीकरण समिति गठन, १५ सदस्यीय समितिमा भारत र चीनकाे प्रतिनिधि समेत रहने
काठमाडौं, ७ कात्तिक । प्रधानमन्त्री एवं राष्ट्रिय पुनर्निर्माण प्राधिकरण परामर्श परिषद्का अध्यक्ष पुष्पकमल दाहालले विकास सहायता समन्वय तथा सहजीकरण समिति गठन गरेका छन् । गत असोज १८ गते बसेको परामर्श परिषद्को बैठकले समिति गठन गर्ने जिम्मेवारी प्रधानमन्त्री एवं अध्यक्ष दाहाललाई दिएको थियो । राष्ट्रिय पुनर्निर्माण प्राधिकरणको कार्यकारी अधिकृत संयोजक रहने गरी गठन गरिएको समितिमा भारत सरकार, चीन सरकार, विश्व बैंक, एसियाली विकास बैंकका एक–एक जना प्रतिनिधि सदस्य रहनेछन् । यस्तै नेपालस्थित अन्य अन्तर्राष्ट्रिय विकास साझेदार संस्थाहरुको समूहका तर्फबाट तोकिएका २ जना सदस्य, उद्योग वाणिज्य महासंघको अध्यक्ष वा प्रतिनिधि, गैर सरकारी संस्था महासंघ नेपालको अध्यक्ष वा प्रतिनिधि, अन्तर्राष्ट्रिय गैर सरकारी संस्थाहरुको संघ नेपालको अध्यक्ष वा प्रतिनिधि सदस्य रहनेछन् । समितिको सदस्य सचिवमा राष्ट्रिय पुनर्निर्माण प्राधिकरणका सचिव रहनेछन् । समितिमा प्रधानमन्त्री तथा मन्त्रिपरिषद्को कार्यालयको सचिव वा तोकिएको प्रतिनिधि, अर्थ मन्त्रालयको सचिव वा तोकिएको प्रतिनिधि, परराष्ट्र मन्त्रालयको सचिव वा तोकिएको प्रतिनिधि, राष्ट्रिय योजना आयोग सचिव वा तोकिएको प्रतिनिधि र महालेखा नियन्त्रक वा तोकिएको प्रतिनिधिलाई आमन्त्रित गरिनेछ । समितिले आवश्यकतानुसार परामर्श परिषद्, निर्देशक समिति वा कार्यकारी समितिका पदाधिकारी वा सदस्यहरु एवं अन्य संबद्ध व्यक्ति तथा निकायहरुलाई आमन्त्रण गर्न सक्नेछ । समितिको काम, कर्तव्य र अधिकार विकास सहायताद्वारा सञ्चालित पुनर्निर्माण सम्बन्धी कार्यमा संलग्न भएका राष्ट्रिय तथा अन्तर्राष्ट्रिय विकास साझेदारहरु एवं नागरिक समाजका बीचमा आवश्यक समन्वय र सहजीकरण गर्ने÷गराउने रहेको छ । यस्तै भूकम्पबाट प्रभावित संरचनाहरुको पुनर्निर्माण तथा भूकम्पबाट प्रभावित व्यक्ति एवं परिवारहरुको पुनस्र्थापना गर्नका निम्ति आवश्यक पर्ने वित्तीय एवं प्राविधिक सहयोग परिचालनार्थ नेपाललाई सहयोग गर्न चाहने राष्ट्रिय तथा अन्तर्राष्ट्रिय विकास साझेदारहरु, नागरिक समाज एवं निजी क्षेत्रलाई प्रेरित गर्नेछ । विकास सहायताद्वारा संचालित पुनर्निर्माण तथा पुनस्र्थापना सम्बन्धी कार्यक्रमलाई प्रभावकारी र पारदर्शी बनाउन आवश्यक अनुगमन तथा कार्य प्रगति अवस्थाको समिक्षा गरी नेपाल सरकार, प्राधिकरण एवं संबद्ध विकास साझेदार संस्था वा निकायलाई आवश्यक सल्लाह तथा सुझावहरु उपलब्ध गराउने पनि समितिको कार्य क्षेत्र रहेको छ । विकास सहायताद्वारा सञ्चालित पुनर्निर्माण तथा पुनस्र्थापना सम्बन्धी कार्यक्रमहरुको कार्यान्वयनमा एक रुपता कायम गर्न र सामन्जस्यता ल्याउन एवं दोहोरोपना हटाउन आवश्यक पहल गर्ने, विकास सहायताद्वारा संचालित पुनर्निर्माण तथा पुनस्र्थापनासँग सम्बन्धित कार्यक्रमहरुको कार्यान्वयनलाई प्रभावकारी बनाउने सन्दर्भमा प्राधिकरणको परामर्श परिषद्, निर्देशक समिति एवं कार्यकारी समितिबाट तोकिए बमोजिमका अन्य कार्यहरु गर्ने÷गराउने पनि समितिको कार्य क्षेत्र रहेको छ । त्यस अतिरिक्त समितिले आफ्नो कार्य सञ्चालन कार्यविधि आफै तय गर्न सक्ने र आवश्यकतानुसार उपसमिति एवं कार्यदलहरु बनाई आफ्नो कार्य सम्पादन गर्न÷गराउन सक्नेछ । प्राधिकरणको नीति, योजना अनुगमन तथा विकास सहायता समन्वय महाशाखाले उक्त समितिको सचिवालयको रुपमा कार्य गर्नेछ ।
स्वाधिन अर्थतन्त्रलाई फूलको स्वागत, आत्मनिर्भर बन्ने बाटोमा पूष्प व्यवसाय
काठमाडौं, ७ कात्तिक । बढ्दो व्यापार घाटाले थाला पर्दै गरेको अर्थतन्त्रलाई पूष्प व्यवसायले केहि राहत दिएको छ । फूलमा आत्मनिर्भर बनाउँदै पूष्प व्यवसायीले स्वाधिन अर्थतन्त्र निर्माणको जगलाई बलियो बनाउँदै लगेका हुन् । यसको प्रमाण हो फुल तथा फूलजन्य उत्पानको आयातमा भैरहेको कटौती । नेपालले आर्थिक गत आर्थिक वर्ष २०७२/७३ मा जम्मा ६ करोड ४ लाख मूल्य बराबरको फूल तथा फूलजन्य उत्पादन मात्रै आयात गरेको छ । जुन अघिल्लो आर्थिक वर्षको भन्दा करिब २ करोडले कम हो । आर्थिक वर्ष २०७१/७२ मा ८ करोड २१ लाख मूल्य बराबरको फूल तथा फूलजन्य उत्पादन आयात भएको थियो । यसरी आयात गरिएका उत्पादनमध्ये पनि थोरै मात्र तयारी फूल रहेका छन् । बाँकी फूलका बिरुवा रहेका छन् । नेपालमा गत आर्थिक बर्षमा एक अर्ब ३४ करोडको फूलको कारोबार भएको फ्लोरिकल्चर एसोसियन नेपालका अध्यक्ष कुमार कसजु श्रेष्ठले बताए । अध्यक्ष कुमार कसजु श्रेष्ठले भने ‘निरासा जनक वैदेशिक व्यापारमा पुष्प व्यवसायले उत्साह थपेको छ, हामी आत्मनिर्भर उन्मुख छौं ।’ उनले बर्षेनी ५ प्रतिशतका दरले फूलको आयात घटाउने अभियान सञ्चालन भैरहेको पनि बताए । नेपालमा फूलको बजार भने बर्षेनी १२ देखि १५ प्रतिशतले बढिरहेको छ । अध्यक्ष श्रेष्ठका अनुसार गोदावरी र मखमली फुलमा नेपाल आत्मनिर्भर बनिसकेको छ । तिहारका समयमा सयपत्री फुलका २ लाख वटा माला मात्रै आयात गर्नुपर्ने अवस्था छ । नेपालको फूल बजारमा तिहारको हिस्सा १५ प्रतिशत रहेको छ । तिहारमा १० लाख माला खपत हुने उनले जानकारी दिए । तर नेपालमा दैनिक १५ हजार माला खपत भैरहेका छन् । नेपालको पुष्प व्यवसायमा ७ सय पुष्प व्यवसायीले ४ अर्ब भन्दा बढि लगानी गरेका छन् ।
