गोर्खाज फाईनान्सले मनायो २५ औं बार्षिकोत्सव
काठमाडौँ । गोर्खाज फाइनान्स लिमिटेडको २५ औँ बार्षिकोत्सव एक कार्यक्रम गरी मनाइएको छ । २०५१ साल कात्तिक २४ गते स्थापना भएको फाइनान्स कम्पनीको यो रजत जयन्ती हो । काठमाडौँ फाइनान्सको नाम र २ करोड चुक्ता पूँजीबाट सुरु भएको संस्थाको हाल आएर ८६.७९ करोड चुक्ता पूँजी पुगेको छ । काठमाडाँै फाइनान्स र गोर्खा बिकास बैंक एक आपसमा गाभिएर २०७२ साल चैत्र २८ गते गोर्खाज फाइनान्स लिमिटेड भएको हो । सो कार्यक्रममा फाइनान्सका अध्यक्ष यादवचन्द्र राईले संस्थागत सामाजिक उत्तरदायित्व अन्तर्गत सेतिदेवी प्राविलाई सहयोग स्वरुप पचाँस हजार रुपैयाँको चेक हस्तान्तरण गरे । भीमसेन गोला माविलाई पैतिस हजार बराबरको शैक्षिक सामाग्री हस्तान्तरण गरिएको हो । उक्त कार्यक्रममा फाइनान्स कम्पनीका प्रमुख कार्यकारी अधिकृत लालबहादुर थिङले अब गोर्खाज फाइनान्स लिमिटेड फाइनान्स कम्पनीहरुमा उत्कृष्ट फाइनान्स कम्पनी बनाउने प्रतिबद्धता जनाए ।
एभरेष्ट बैंकका ग्राहकलाई ट्रानक्विलिटी स्पामा ३०% छुट
काठमाडौँ । एभरेष्ट बैंक लिमिटेडले ट्रानक्विलिटी स्पासँग ग्राहकहरुलाई विशेष छुटको व्यवस्था गर्न साझेदारी गरेको छ । नेपाल तथा विदेशका विभिन्न शहर र लक्जरी होटलहरुमा थुप्रै आउटलेट रहेको ट्रानक्विलिटी स्पाले स्पा तथा वेलनेस इन्डिस्ट्रीमा नेतृत्व गरिरहेको छ । बैंक र स्पाबीच हस्ताक्षर भएको एमओयू अनुसार ग्राहकहरुले कुल बिलमा ३०% छुट पाउने छन् । यस साझेदारी अनुसार एभरेष्ट बैंकका ग्राहकहरुले एटिएम कार्ड वा क्रेडिट कार्ड स्वाइप गरेर उपलब्ध अफरहरुको लाभ लिन सक्नेछन् । “सर्भिस विथ स्माईल” नारा सहित एभरेष्ट बैंकले सदैव ग्राहकको लाभ र सन्तुष्टिलाई मध्येनजर गर्दै आएको छ ।
ग्लोबल आइएमईको नयाँ शाखा बन्दीपुरमा, १५० पुग्यो शाखा संख्या
काठमाडौँ । ग्लोबल आइएमई बैंकले सोमबार तनहूँ जिल्लाको बन्दीपुर गाँउपालिका वडा नं. २, बन्दीपुरमा नयाँ शाखा सञ्चालनमा ल्याएको छ । बन्दीपुर शाखा सञ्चालनसंगै बैंकको शाखा कार्यालयहरुको संख्या १५०पुगेको छ । ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले विभिन्न स्थानमा शाखा, एक्सटेन्सन काउण्टर तथा शाखारहित बैंकिङ्ग सेवामार्फत आफ्ना ग्राहकहरु माझ सेवा प्रदानगर्दै आइरहेको छ । बैंकले १५० वटा शाखा, ३० वटा राजश्व संकलनतथा एक्सटेन्सन काउण्टर, १५० एटीएम तथा१९४शाखारहित बैंकिङ्ग सेवा र नेपालबाहिर ३ प्रतिनिधि÷सम्पर्क कार्यालय मार्पmतआफ्ना ११ लाखभन्दा बढी ग्राहकहरुलाई सेवा प्रदान गर्दै आइरहेको जनाएको छ ।
महालक्ष्मीले सुर्खेतको विद्यालयमा जडान गर्यो पानी प्रशोधन उपकरण
काठमाडौँ । महालक्ष्मी विकास बैंक सुर्खेत शाखाले आइतबार विरेन्द्रनगर नपा–३ मा स्थित हरिडिल भूमि माध्यमिक विद्यालयमा पानी प्रशोधन उपकरण जडान गरेको छ । बर्षातका समयमा महामारीका रुपमा देखिने ज्वरो, टाइफाइड जस्ता समस्याबाट विद्यार्थीहरुलाई जोगाउनका लागि बैंकले विद्यालयमा उक्त उपकरण जडान गरेको हो । त्यसैगरी, आइतबार नै बैंकको पालुङ शाखालेबज्रबाराही माध्यामिक विद्यालयमा वित्तीय साक्षरता कार्यक्रम सञ्चालन गरेको छ । शाखाले विद्यार्थीहरुलाई बचत गर्नका लागि उत्प्रेरित गर्ने उद्देश्यले विद्यालयका १०+२ मा अध्यनरत विद्यार्थीहरुलाई निक्षेप, रकम भुक्तानी, कर्जा, एटिएम कार्ड, मोवाईल बैंकिङ, विप्रेषण, ईसिसि, आईपिएस, बीमा लगायत अन्य बैंकिङ्ग सेवाबारे साक्षर गराएको हो ।
ज्योति समूहका उपाध्यक्ष रुप ज्योतिको पक्राउप्रति नाडाको ध्यानाकर्षण
काठमाडौँ । नाडा अटोमोबाइल्स एशोसियशन अफ नेपालले संस्थाका पूर्व अध्यक्ष तथा ज्योति समूहका उपाध्यक्ष डा. रुप ज्योति तथा उनका पुत्री सुरुचीलाई आर्थिक लेनदेनको विषयलाई लिएर केही दिन अघि गरिएको गिरफ्तारीप्रति ध्यानाकर्षण भएको जनाइएको छट । संस्थाका महासचिव सुनिल रिजालले सोमबार विज्ञप्ति प्रकाशित गरी ज्योतिको गिरफ्तारी प्रति ध्यानाकर्षण जनाएको हो । विज्ञप्तिमा उद्योग व्यवसाय गर्ने सन्दर्भमा गरिने सम्झौता एवम् आर्थिक कारोबारहरुमा उत्पन्न हुने विवादहरुको समाधान देवानी दायित्व उपचार खोजी विवादको समाधान गर्ने बैकल्पिक मार्ग हुँदा हुँदै पनि गम्भीर प्रकृतिको कसुरमा पक्राउ गरी म्याद थप गर्ने, थुनामा राख्ने लगायतका कार्यहरु हुँदा नेपालको समग्र निजी क्षेत्र हतोत्साहित भएको उल्लेख छ । ‘दुई पक्षबीच लेनदेन कारोबार भएको र पहिले नै विवाद भई अदालतमा धरौटी रकम समेत राखिसकिएको अवस्थामा निजहरुलाई थुनेर अनुसन्धान गर्नु पर्ने अवस्था देखिदैन, छिटो टुंगोमा पुग्न सकिने लेनदेनको विषयबस्तुमा समेत थुनछेक लम्ब्याउने मनसाय देखिंदा अहिले समग्र व्यवसायिक क्षेत्र सशंकित भएको अवस्था छ’–नाडाद्वारा प्रकाशित विज्ञप्तिमा उल्लेख छ ।
ज्योति ग्रुपका अध्यक्ष पद्म ज्योतिलाई पक्राउ गर्न काठमाडौं जिल्ला अदालतको आदेश
काठमाडौं । व्यवसायी घराना ज्योति ग्रुपका अध्यक्ष पद्म ज्योतिलाई पक्राउ गर्न काठमाडौं जिल्ला अदालतले आदेश दिएको छ । ल्यान्डमार्क हाउजिङ ठगीे आरोपमा ज्योति ग्रुपका उपाध्यक्ष डा. रुप ज्योतिमाथि अनुसन्धान गरिरहेको प्रहरीले उनका दाजु पद्म ज्योतिलाई समेत पक्राउ आदेश दिएको हो । पद्म ज्योति नेपाल उद्योग वाणिज्य महासंघका पूर्वअध्यक्ष समेत हुन् । न्यायाधीश श्रीकृष्ण भट्टराईको एकल इजलाशले ज्योतिलाई पक्राउ गर्न आदेश दिएको जिल्ला अदालतले जानकारी दिए । प्रहरीले पद्म ज्योतिका भाइ डा. रुप ज्योति र उनकी छोरी सुरुचीलाई यसअघि नै पक्राउ गरिसकेको छ । पक्राउ परेका बाबु छोरी दुबैलाई कात्तिक २४ गते अदालतले ५ दिन थुनामा राख्न आदेश दिएको थियो । ठगी प्रकरणमा ११ जनाविरुद्ध उजुरी परेको बुझिएको छ । अहिलेसम्म दुई जना प्रहरीको हिरासतमा छन् भने पद्म ज्योतिलाई पक्राउ पुर्जी काटिएको छ । उजुरी परेका अन्य व्यक्तिको नाम भने प्रहरीले सार्वजनिक गरेको छैन । उनीहरूविरुद्ध विजेन्द्र कृष्ण मल्लले रकम भुक्तान गरे पनि जग्गा नदिएको भन्दै मुद्दा दायर गरेका थिए। ल्यान्डमार्क हाउजिङमा ज्योति समूह अन्तर्गतका विभिन्न कम्पनीको शेयर रहेको छ । सो वारेमा बुझ्न पद्म ज्योतिलाई पक्राउ गरेर अनुसन्धान गर्नुपर्ने भएकाले प्रहरीले पक्राउ पूर्जी जारी गर्न अदालतसँग अनुमति मागेको थियो । सोही अनुरुप अदालतले अनुसन्धान गर्न बाटो खोलिदिएको हो । ज्योति समूहका उपाध्यक्ष रुप ज्योतिको पक्राउप्रति नाडाको ध्यानाकर्षण रुप ज्योतिलाई ५ दिन थुनामा राख्न अदालतको आदेश, पक्राउको विरोधमा काठमाडौंमा प्रदर्शन उद्योगी रुप ज्योतिको गिरफ्तारी प्रति चेम्बरको आपत्ति ज्योति ग्रुपका मालिक रुप ज्योति पक्राउ
कैलालीमा राष्ट्रिय वाणिज्य बैंकको प्रादेशिक कार्यालय उद्घाटन
काठमाडौं । राष्ट्रिय वाणिज्य बैंक लिमिटेडले धनगढीको कैलालीमा सुदूर पश्चिम प्रादेशिक कार्यालय सञ्चालनमा ल्याएको छ । उक्त कार्यालयको उद्घाटन सुदूर पश्चिम प्रदेशका माननीय मुख्य मन्त्री त्रिलोचन भट्टले गरेका हुन् । कार्यक्रममा भट्टले सरकारको लगानीमा संचालित संस्थानहरुको कार्यसम्पादन विगतमा सन्तोषजनक नभएपनि हालको समयमा राष्ट्रिय वाणिज्य बैंक उदाहरण बनेको बताएका छन् । सुदुर पश्चिम प्रदेश कार्यालयका प्रादेशिक प्रबन्धक रणबहादुर चन्दको अध्यक्षतामा भएको बैंकको सो कार्यक्रममा ५ नम्बर प्रदेश कार्यालयका प्रादेशिक प्रबन्धक आन्नद सुवेदीले स्वागत मन्तब्य तथा ब्रान्च अपरेशन विभागका विभागीय प्रमुख सरोज बस्नेतले कार्यक्रम संचालन गरेका थिए । कार्यक्रममा परशुराम नगरपालिका, डडेलधुराका मेयर भीमबहादुर साउद, कैलालीका प्रमुख जिल्ला अधिकारी यज्ञराज बोहोरा, स्थानीय राजनीतिक दलका प्रतिनीधि, समाजसेवी, प्रहरी, कर्मचारीहरुको उपस्थिति रहेको थियो । बैंकको हाल सातै प्रदेश, ७७ जिल्लामा २ सय ३८ वटा शाखा कार्यालय, २ सय ५ वटा एटिएम र ९३ वटा शाखा रहित बैंकिङ्ग सेवा रहेको छ ।
युथ रेडक्रस सर्कल एनसीसीले कात्तिक २७ गते रक्तदान कार्यक्रम गर्दै, किन गर्ने रक्तदान ?
काठमाडौं । युथ रेडक्रस सर्कल नेपाल कमर्श क्याम्पस(वाईआरसी एनसीसी) र मिनभवनको नेपाल रेडक्रस सोसाइटीले कात्तिक २७ गते रक्तदान कार्यक्रम गर्दै छन् । जाडोको कारण बढ्दै गएको रगतको अभावलाई राहत पुग्ने उद्देश्यले यी दुई संस्थाले यस कार्यक्रमको आयोजना गरेका हुन् । कार्यक्रम आगामी बुधबार बिहान ९ बजेदेखि दिउँसो २ बजेसम्म एनसीसीको प्राङ्गणमा हुँदै छ । विगतका दिनमा पनि गर्दै आएको र रगतको अभावलाई न्युनिकरण गर्न सहयोग मिल्ने विश्वासका साथ यस कार्यक्रम आयोजना गरिएको वाईआरसी एनसीसीका का. अध्यक्ष कुशल बस्नेतले बताएका छन् । किन गर्ने त रक्तदान ? मानिसको रगत हरेक ३ महिनामा नष्ट भई खेर जाने गर्दछ । उक्त रगतलाई खेर जान नदिन रगत दान गर्दा फाइदा हुन्छ जसले कोही मानिसको जीवन बचाउनमा धेरै सहयोग गर्ने गर्छ । रगत विना कुनै प्राणी बाँच्न नसक्ने भएकाले उपचारको क्रममा रगत आवश्यक पर्ने बिरामीको ज्यान बचाउन, हालसम्म रगतको कुनै विकल्प नभएको र निरोगी भई जीवन यात्रा बाँच्न सहयोग पुग्ने भएकाले रक्तदान गर्न आवश्यक रहेको अध्यक्ष बस्नेतले जानकारी दिए । “रगत कसलाई कतिखेर कति आवश्यक पर्नसक्छ थाहा हुँदैन । त्यसैले, आफु र आफन्तलाई आवश्यक पर्दा मात्र नभई अरुलाई आवश्यक पर्दा पनि रक्तदान गर्ने बानी बसाल्नु पर्छ । रगत दान गरी जीवनदान गरौं ।” बस्नेतले भने – “ब्लड ब्यांकमा रगतको अभाव भएपछि एनसीसीमा पाइन्छ भन्ने मानिसको मनस्थितिमा पर्दै आएको छ । जसले गर्दा यस्ता कार्यक्रम गर्नलाई थप हौसला बढ्दै गएको छ। र विगतका दिन जस्तै याे कार्यक्रम पनि सफलताकासाथ सम्पन्न हुनेमा म विश्वस्थ छु ।” के हुन्छ फाइदा ? रक्तदान गर्दा अरुलाई मात्र होइन आफूलाई पनि फाइदै फाइदा हुन्छ । जसले उच्च रक्तचाप, अनावश्यक मोटोपना, कोलेष्ट्रोल(खराब बोसो)लाई नियन्त्रण गर्नुका साथै हृदयघात जस्तो डरलाग्दो रोग हुनबाट बचाउँछ । त्यस्तै, शरीरमा आइरनको मात्रा सन्तुलित गरी कलेजो नियन्त्रणबाट जोगाउँछ । यति मात्र नभएर रक्तदान गर्दा नयाँ रिक्त सेलहरु पनि निर्माण हुन्छ । यसको मतलब सबैले गर्दा सबैलाई फाइदा हुन्छ भन्ने चाँहि होइन । १८ वर्षभन्दा मुनि र ६० वर्षभन्दा माथिकाले रक्तदान गर्नुहुँदैन । त्यस्तै, ५० केजीभन्दा कम तौल भएका तथा गर्भवती महिलाहरुले रगत दान गर्नुहुँदैन । त्यसैगरी, मधुमेह, उच्च तथा न्युन रक्तचाप र उच्च कोलेष्ट्रोल हुनेहरु तथा दिर्घरोग सम्बन्धी ओषधि सेवन गरेकाहरुले रक्तदान गर्न नहुने स्वास्थ्य विज्ञहरु बताउँछन् । दान गरेको रगत आफ्नो शरीरमा कसरी आपूर्ति हुन्छ ? रक्तदान गर्दा हाम्रो शरीरमा रगत थोरै कम हुन्छ । थोरै कम भएको रगत साधारण प्रक्रियाले स्वतः आपूर्ति हुन्छ । त्यसैले, विशेष ध्यान दिइरहनु र विशेष खाना खान पनि आवश्यक पर्दैन । “म सेवा गर्छु” भन्ने मूल नाराका साथ आयोजना गरिएको यस कार्यक्रमको प्राविधिक सहयोगमा काठमाडौंको रक्त संचार सेवा केन्द्र नेपाल रेडक्रस सोसाइटी रहेको छ । नेपाल रेडक्रस सोसाइटीको अभिन्न अंगको रुपमा रहेको वाईआरसी एनसीसीले विगतमा धेरै पटक विभिन्न विधा प्राप्त गरिसकेको छ । संस्थाले नेपाल रेडक्रस सोसाइटी केन्द्रिय रक्तसञ्चार सेवाको बार्षिकोत्सवको अवसरमा उक्त विधा प्राप्त गर्ने गरेको छ । रक्तसञ्चार सेवाले हरेक वर्ष सबैभन्दा बढी यस्ता कार्यक्रम आयोजना गर्ने तथा त्यस्ता कार्यक्रममा १०० जनाभन्दा बढीले रक्तदान गरेमा साेही अनुसारको विधा आयोजित संस्थालाई दिने गरेकाे छ । विगतका केही झलकहरु:
