२०७८ मंसिर ६ गते ११:३३ विकासन्युज
काठमाडौं । कर्मचारी सञ्चय कोषले इच्छाराज तामाङलाई ऋण तिर्न ताकेता गरेको छ । कर्मचारी सञ्चय कोषले सोमबार एक सूचना जारी गर्दै ऋण तिर्न ताकेता गरेको हो ।
कोषले ३५ दिन भित्र ऋण नतिरे धितो लिलाम हुने पनि सूचनामा उल्लेख गरेको छ ।
अहिले तामाङले संगठित रुपमा बचतकर्ताको रकम ठगी गरेको अभियोगमा केन्द्रीय अनुसन्धान ब्युरोले उनलाई पक्राउ गरेको छ ।
३५ दिन भित्र ऋण नतिरे उनको धितोका रुपमा रहेको सुन्धाराको सपिङ मल लिलामी हुनेछ ।
इच्छाराजको नाममा राजधानीको सुन्धारामा रहेको ६ रोपनी जग्गा र सोमा बनेका १३२ इकाई पसल तथा कवलहरू लिलामी गर्ने कोषले जनाएको छ ।
कोषले व्यक्तिगत जमानी दिने तामाङसहित केशवलाल श्रेष्ठ, प्रवीण मुखिया र लालकाजी गुरुङसहित ८ जनाको नाममा सूचना निकालेको हो।
कर्मचारी सञ्चय काेष स्राेतका अनुसार उनले काेषकाे ८ अर्ब रुपैयाँ ऋण तिर्न बाँकी छ । ब्युरोको हिरासतमा रहेका तामाङसहित सिभिल सहकारीका १२ जना विरुद्ध ५ अर्बमाथिको ठगीको जाहेरी परेको छ।
थप सामाग्री
Copyright © 2024 Bikash Media Pvt. Ltd.
