काठमाडौं । सिभिल ग्रुपका अध्यक्ष इच्छाराज तामाङ पक्राउ परेका छन् ।

नेपाल प्रहरीको केन्द्रीय अनुसन्धान व्यूरोले आज दिउसो तामाङलाई पक्राउ गरेको हो । सिभिल सेभिङ एण्ड क्रेडिट कोअपरेटिभमा बचतकर्ताका रकम हिनामिना गरेको आरोपमा तामाङलाई पक्राउ गरिएको व्यूरोका प्रमुख धिरजप्रताप सिंहले जानकारी दिए ।

प्रहरीले तामाङ सहित एक दर्जन व्यक्तिहरुलाई पक्राउ गरेको जानकारी दिएको छ । उनीहरुले सिभिल सहकारीका बचतकर्ताको ४६ करोड रुपैयाँभन्दा बढी रकम हिनामिना गरेको आरोप लगाइएको छ ।

प्रहरीका अनुसार ७० जना निक्षेपकर्ताले आफूहरूलाई तामाङसहितको समूहले ठगी गरेको उजुरी दिएका छन् । निवेदन आउने क्रम जारी रहेकाले उजुरी दिनेको संख्या अझै बढ्ने प्रहरीको अनुमान छ ।

पुल्चोक इन्जिनियरिङ क्याम्पसमा पढाउदै गर्दा उनी घरजग्गा व्यवसायमा प्रवेश गरेको छ । २०६० को दशकमा उनी रियलस्टेट व्यवसायमा सबैभन्दा सफल व्यवसायीको रुपमा परिचित थिए ।

घर जग्गा कारोबारसँगै उनले सिभिल सेभिङ एण्ड क्रेडिट नामक सहकारी खोलेको थिए । ५ वर्षअघिसम्म यो सहकारी नेपालको ठूला ५ सहकारी मध्ये एकमा गनिन्थ्यो । उक्त सहकारी र घर जग्गा कारोबारमा सफलता पाएपछि उनी वाणिज्य बैंक खोल्न पुगेका थिए ।

सिभिल हाउजिङ, सिभिल सहकारी, सिभिल मह, सिभिल बैंक लगायत दर्जन भन्दा बढी कम्पनीको नेतृत्व गर्दै उनी नेकपा एमालेबाट सभासद पनि भए भएका थिए । कुनै बेला उनी एमाले पार्टीको सबैभन्दा ठूलो चन्दादाताको रुपमा उनको नाम चलेको थियो ।

उनी जग्गा तथा आवास विकास संघको संस्थापक अध्यक्ष पनि हुन् । स्थापनादेखि अहिलेसम्म पनि उनी संघको अध्यक्ष छन् । उनी सिभिल बैंकका पनि अध्यक्ष हुन् ।

दुई वर्षअघिदेखि सहकारीका निक्षेपकर्ताको पैसा भुक्तानी गर्न नसकेपछि उनी र उनका कम्पनीहरु आर्थिक संकटमा परेको खवरहरु सार्वजनिक भएका थिए ।छोटो समयमा  अरबपति बन्न सफल भएका तामाङ छोटो समयमा पछाडि धकेलिएका छन् ।

सम्बन्धित शिषर्कहरु

१० बैंकको २० अर्ब वितरणयोग्य नाफा ऋणात्मक

महालक्ष्मी विकास बैंकले गर्यो महिला उद्यमी लक्षित सशक्तीकरण अभियान

गरिमा बैंक र ट्रेकिङ एजेन्सीबीच कर्जामा सहुलियत सहित सेवा उपलब्ध गराउने सम्झौता

कामना सेवाद्वारा पोखरा विश्वविद्यालयमा स्वास्थ्य प्रयोगशाला निर्माण गरि हस्तान्तरण

विकास बैंकका सूचक खस्किए, वितरणयोग्य नाफा ध्वस्त

ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा