अटो

काठमाडौं । दुई युरोपियन स्टार्टअपहरूले बिहीबार इलेक्ट्रिक सवारीसाधन (ईभी) का ब्याट्री सामग्री रिसाइक्लिङमा महत्त्वपूर्ण प्रगति हासिल गरेको घोषणा गरेका छन्। यो उपलब्धीले युरोपेली नियमहरू पूरा गर्न, चीनको ब्याट्री आपूर्ति शृंखलामा निर्भरता घटाउन र कार्बनडिअक्साइड उत्सर्जन कमी गर्न मद्दत गर्नेछ । अगस्ट २०३० देखि युरोपेली अटोमोबाइल निर्माताहरूका ईभी ब्याट्रीहरूमा कम्तीमा ६ प्रतिशत रिसाइकल गरिएको लिथियम र निकेल र १६ प्रतिशत कोबाल्ट समावेश गर्नुपर्ने जनाइएको छ । जुन पाँच वर्षपछि अझ बढ्नेछ । यसले चीनलाई चुनौती दिने प्रतिस्पर्धा बढाएको छ । ब्रिटिस स्टार्टअप अल्टिलियमको सफलता ब्रिटिश ब्याट्री रिसाइक्लिङ स्टार्टअप अल्टिलियमले लन्डनको इम्पेरियल कलेजले गरेको अनुसन्धान अनुसार यसको रिसाइकल गरिएको क्याथोड एक्टिभ सामग्रीबाट बनेको सानो ब्याट्री चिनियाँ आपूर्तिकर्ताहरूबाट प्राप्त नयाँ मटेरियलबाट बनेको ब्याट्रीभन्दा राम्रो वा उत्तम प्रदर्शन गर्ने भनेको छ । क्याथोड मटेरियलमा सामान्यतया लिथियम, कोबाल्ट, निकेल वा म्याङ्गनीज हुन्छ । कम्पनीको मुख्य अपरेटिङ अफिसर क्रिस्चियन मास्र्टनले रायटर्सलाई भने, ‘कम्पनीको रिसाइकल गरिएको मटेरियलले नयाँ सामग्रीको तुलनामा कार्बनडाइअक्साइड उत्सर्जन ७० प्रतिशतले घटाउँछ र लागत २० प्रतिशतले कम गर्छ ।’ ’यो एक वास्तविक प्राविधिक सफलता हो जसले अटोमेकरहरूका लागि रिसाइकल गरिएको सामग्रीको प्रयोग जोखिममुक्त बनाउन मद्दत गर्छ,’उनले थपे । अल्टिलियममा चिलीको सोसिएडाड किमिका वाई मिनेरा र जापानी व्यापारिक कम्पनी मारुबेनीले लगानी गरेका छन् । कम्पनीले हाल टाटा मोटर्सको एकाइ जेएलआरसँग पुरानो जगुआर आइ–पेस इलेक्ट्रिक वाहनहरूबाट रिसाइकल गरिएको सामग्रीबाट बनेको इलेक्ट्रिक वाहन ब्याट्री सेलहरूमा काम गरिरहेको छ । अर्कोतर्फ जर्मनीको टोजेरोले होन्डालगायतका लगानीकर्ताहरूबाट १७ मिलियन युरो (१७.५६ मिलियन डलर) सङ्कलन गरेको छ र यसले ग्राफाइट रिसाइक्लिङको लागि पायलट प्लान्टमा काम गरिरहेको छ । यसले विश्वव्यापी अटोमेकरहरूलाई आपूर्ति गर्ने विषयमा कुराकानी गरिरहेको छ । टोजेरोको हाइड्रोमेटालर्जी प्रक्रियाले ग्राफाइट रिसाइक्लिङ गर्दा उत्सर्जन ‘नेट जीरो’ हुन्छ यदि नवीकरणीय ऊर्जा प्रयोग गरिएको भने । जसले ओटोमेकरहरूलाई मद्दत गर्छ किनभने कुनै पनि लिथियम आयन ब्याट्रीको कार्बन फुटप्रिन्टको ४० प्रतिशत ग्राफाइटले ओगटेको हुन्छ । टोजेरोले विश्वव्यापी ओटोमेकरहरूलाई रिसाइकल गरिएको ग्राफाइट आपूर्ति गर्ने विषयमा कुराकानी गरिरहेको पनि जनाइएको छ । कम्पनीले अर्को दुई वर्षभित्र पायलट प्लान्ट निर्माण गर्ने र २०२७ सम्ममा प्रति वर्ष लगभग २ हजार टन रिसाइकल गरिएको ग्राफाइट उत्पादन गर्ने लक्ष्य राखेको छ । जुन लगभग ५० हजार इलेक्ट्रिक वाहनहरूका लागि पर्याप्त हुनेछ । (एजेन्सीहरूको सहयोगमा) निसान र होन्डाको ६० अर्ब डलरको मर्जर वार्ता कसरी असफल भयो ? मस्कको दशक लामो ‘स्वचालित टेस्ला’ ल्याउने वाचा पूरा होला ? विज्ञ भन्छन्- जोखिम धेरै विद्युतीय सवारीमा फड्को मार्दै फरारी, अक्टोबरमा ६ नयाँ मोडल सार्वजनिक गर्ने

काठमाडौं । ओमाडा एन्ड जेको अटोमोबाइल्स प्राइभेट लिमिटेडले नेपालभर सडकमा ८०० भन्दा बढी सवारीसाधन सञ्चालनमा ल्याएको घोषणा गरेको छ । उक्त घोषणा काठमाडौंको उत्तरढोका सोरुममा आयोजना गरिएको थियो । कार्यक्रममा प्रतिष्ठित क्रिकेट खेलाडी एवम् ओमाडा एन्ड जेइकोका ब्रान्ड एम्बेसडर, दीपेन्द्रसिंह ऐरी, एसपीजी टीमीबाट गौरव शारडा (निर्देशक), धिरेन तामाङ (ग्रुप अध्यक्ष), ज्ञानेन्द्रबहादुर चन्द (महाप्रबन्धक, सेल्स एन्ड मार्केटिङ) र राजेन्द्र तिमिल्सेना (महाप्रबन्धक, फाइनान्स) उपस्थित थिए । यस अवसरमा अतिथिहरूलाई ब्रान्ड एम्बेसडरसँग संवाद गर्ने, ओमाडा एन्ड जेइकोका मोडेलहरू अवलोकन गर्ने र नेपालको सन्दर्भमा ब्रान्डको यात्रा तथा भविष्यबारे जानकारी गराइएको थियो । सडकमा ८०० बढी सवारीसाधन पुग्न ग्राहकहरूको विश्वास र भरोसाको प्रतिफल हो । ओमोडा एन्ड जेइको नवप्रवर्तन र गुणस्तरमा प्रतिबद्ध रहँदै, नेपाली बजारका आवश्यकताअनुसार उत्कृष्ट अटोमोटिभ समाधान दिन निरन्तर काम गरिरहेको छ । एसपिजि अटोमोबाइल्स प्राइभेट लिमिटेड ओमाडा एन्ड जेइको अटोमोबाइल्स लिमिटेडको नेपालको लागि आधिकारीक वितरक हो ।

बायाँबाट क्रमश: निसानका सीईओ माकाेटाे उचिदा र हाेन्डाका सीईओ ताेसिहिराे मिबे। काठमाडौं । निसान गम्भीर समस्यामा परेको थियो जब प्रतिस्पर्धी होन्डाले गत वर्षको अन्त्यतिर एउटा उद्धार योजना प्रस्ताव गर्‍यो- ६० अर्ब डलरको साझेदारी । यसले दुबै जापानी अटोमोबाइल निर्माताहरूलाई चिनियाँ ब्रान्डहरूको बढ्दो प्रतिस्पर्धासँग जुध्न सहयोग गर्ने अपेक्षा गरिएको थियो । धेरै वर्षदेखि कमजोर बिक्री र व्यवस्थापकीय अस्थिरताले निसानलाई कमजोर बनाएको थियो । कम्पनीले आफ्नो प्रमुख बजार अमेरिकामा हाइब्रिड कारहरूको मागलाई कम आँकलन गरेपछि निसान कमजोर भएको हो । तर, निसानको अहंकार र आफ्नै अवस्थाको गम्भीरता नबुझ्नुका साथै होन्डाले प्रस्तावको सर्त परिवर्तन गरी निसानलाई आफ्नो सहायक कम्पनी बनाउन खोजेपछि वार्ता एक महिनाभन्दा अलि बढी समयमै असफल भयो । स्रोतका अनुसार सन् २०२० सम्म टोयोटापछिको दोस्रो ठूलो जापानी अटो निर्माता रहेको निसानले आफ्नो कमजोर अवस्था हुँदाहुँदै पनि वार्तामा समान अवसरको माग गरिरहेको थियो । होन्डाले निसानलाई थप कर्मचारी कटौती र उत्पादन क्षमतामा कटौती गर्न दवाब दियो, तर निसानले राजनीतिक रूपमा संवेदनशील कारखाना बन्द गर्ने विकल्प अस्वीकार गरेको तीन स्रोतहरूले जानकारी दिए । स्रोतका अनुसार निसानलाई आफ्नै बलबुतामा पुनरुत्थान हुन सक्ने भ्रम थियो, जबकि यसका चुनौतीहरू दिनदिनै बढिरहेका थिए । यो जिद्धीपन र निसानको सुस्त निर्णय प्रक्रियाले सम्झौतामा बाधा पुर्‍यायाे, जसले विश्वको सबैभन्दा ठूलो अटो कम्पनीमध्ये एक बन्ने सम्भावना राख्थ्यो । यो रिपोर्टमा यस अघिसम्म नखुलेका जानकारीहरू समावेश छन्, जसमा निसानले खुला राख्न चाहेका कारखानाहरू, होन्डाको कटौतीको माग प्रतिरोध गर्ने कारणहरू र होन्डाको केही मागप्रति निसान भित्र देखिएको प्रतिक्रिया समावेश छन् । रोयटर्सले १२ भन्दा बढी व्यक्तिहरूसँगको अन्तर्वार्तामा आधारित रहेर यो विवरण तयार पारिएको हो । उनीहरूले नाम गुप्त राख्ने सर्तमा जानकारी दिएका हुन् । निसान अहिले गहिरिँदो संकटको सामना गरिरहेको छ । अमेरिकी बजारमा यसको बिक्रीको चौथाइभन्दा बढी हिस्सा मेक्सिकोमा निर्मित सवारीहरूबाट आएको छ, जसमा अब अमेरिकी ट्यारिफको थप चुनौती छ । ढिलो निर्णय, असफल सम्झौता निसानले गत नोभेम्बरमा चीन र अमेरिकामा कमजोर बिक्रीका कारण आफ्नो नाफा पूर्वानुमान ७० प्रतिशतले घटाउँदा लगानीकर्ताहरू चकित भए । कम्पनीले ९ हजार जागिर कटौती गर्ने र आफ्नो विश्वव्यापी उत्पादन क्षमतामा २० प्रतिशत कटौती गर्ने योजना घोषणा गर्‍याे, जसलाई कतिपय विश्लेषकहरूले ढिलो र कमजाेर उपायको रूपमा हेरे । डिसेम्बरमा निसान र होन्डाले मर्जरको योजना सार्वजनिक गरे, जुन मार्च २०२४ देखि प्रविधिमा सहकार्य गर्ने योजनाबाट विकसित भएको थियो । तर मर्जर वार्तामा मुख्य रूपमा सेयर वितरण अनुपात निर्धारण गर्ने विषयमा मतभेद उत्पन्न भयो । निसानका सीईओ माकोटो उचिदाले सम्झौताबारे शंका व्यक्त गरेको एउटा स्रोतले बतायो । चार स्रोतका अनुसार होन्डाका व्यवस्थापकहरू निसानको निर्णय प्रक्रियालाई अत्यन्तै सुस्त मानिरहेका थिए । होन्डाका अधिकारीहरू कारखाना क्षमताको कटौतीमा निसानको पुनरुत्थान योजनालाई अपर्याप्त मानिरहेका थिए । निसानको कारखाना बन्द गर्न नचाहने मुख्य कारण कागजी रूपमा सम्पत्ति मूल्य घट्ने डर थियो, जसले कम्पनीको आम्दानीमा प्रत्यक्ष असर गर्ने सम्भावना थियो । होन्डाले निसानलाई समान साझेदार मान्न अस्वीकार गरेपछि निसानभित्र यसलाई ‘अपमानजनक’ प्रस्तावका रूपमा हेरिएको थियो । नयाँ साझेदारको खोजी अब यी दुई कम्पनीहरू पुनः वार्तामा फर्किने वा प्रविधिमा सीमित सहकार्यमा सीमित हुने भन्ने अनिश्चित छ । यसैबीच निसानले नयाँ साझेदारहरूसँग काम गर्ने सम्भावनालाई खुला राखेको छ, जसमा ताइवानको फक्सकन पनि समावेश छ । फक्सकनका अध्यक्ष यङ लिउले बुधबार भने, ‘हाम्रो लक्ष्य निसानसँग सहकार्य गर्नु हो, स्वामित्व लिने होइन ।’ निसान अब कुन दिशामा जानेछ भन्ने प्रश्न अझै खुला छ, तर यसको व्यवस्थापनले वास्तविकता बुझ्न जरुरी छ । विश्लेषक जुली बूटे भन्छिन्, ‘तिनीहरू आफ्नो बजार स्थिति, ब्रान्ड मूल्य र पुनरुत्थान क्षमताको अत्यधिक मूल्यांकन गर्दैछन् ।’ नयाँ साझेदार खोज्दै ‘निसान’, ताइवानको ‘फक्सकन’ सँग सहकार्य गर्न इच्छुक मस्कको दशक लामो ‘स्वचालित टेस्ला’ ल्याउने वाचा पूरा होला ? विज्ञ भन्छन्- जोखिम धेरै विद्युतीय सवारीमा फड्को मार्दै फरारी, अक्टोबरमा ६ नयाँ मोडल सार्वजनिक गर्ने