काठमाडौं । राजस्व अनुसन्धान विभागले नक्कली मूल्य अभिबृद्धि कर (भ्याट) विक्री गर्ने २ सय फर्मको पहिचान गरेको छ । विभागले विगत २ वर्षको अनुसन्धानबाट सो संख्याका फर्मले नक्कली भ्याट विल विक्री गरेको पहिचान गरेको हो ।

नक्कली भ्याट विक्री गर्ने अहिलेसम्म २ सय फर्म पहिचान भएको र सोमध्ये करिब १ सय फर्मलाई कानुनी कारबाहीको लागि मुद्दा दायर गरिएको विभागका महानिर्देशक दीर्घराज मैनालीले जानकारी दिए । बाँकी रहेका करिब १ सय फर्मको अनुसन्धान पनि अन्तिम चरणमा पुगेकोले छिट्टै न्यायिक निरुपणमा लगिने उनको भनाइ छ ।

‘हामीले अनुसन्धानबाट करिब २ सय फर्मले नक्कली भ्याट विल विक्री गरेर १५ अर्ब रुपैयाँको राजस्व छलिगरेको पहिचान गरेका छौं, यसमध्ये करिब १ सय फर्मलाई कानुनी कारबाही गर्न मुद्दा दायर गरिसकिएको छ भने बाँकी १ सयको अनुसन्धान अन्तिम चरणमा पुगेको छ,’ महानिर्देशक मैनालीले भने ।

उनले बाँकी रहेका १ सय फर्मको अनुसन्धान सकेर एक महिनाभित्रमा मुद्दा दायर भइसक्ने पनि जानकारी दिए । दशैं, तिहार र छठ जस्ता ठूला चाडपर्वको लामो विदा परेको तथा कोभिडका कारण कर्मचारी विरामी परेकोले मुद्दा दायरको लागि महान्यायाधिवक्ता कार्यालयबाट राय आउन ढिलाई भएकोले न्यायिक निरुपणमा जान केही फाइल ढिला भएका छन् । विभागले मुद्दा दायर गर्नको लागि महान्यायाधिवक्ता कार्यालयबाट राय लिनुपर्ने कानुनी व्यवस्था छ ।

सम्बन्धित सामग्री

नेपालको कर प्रणालीको ‘रेक्टो फिटिङ’ गर्दै भीसीटीएस

दीर्घराज मैनाली अर्थात नक्कली भ्याट बिलका ‘मुख्य दुस्मन’

दीर्घ मैनालीलाई अर्को सफलताः साढे २ अर्ब राजश्व ठगी गर्ने नक्कली नेपाली यसरी समातिए

सम्बन्धित शिषर्कहरु

पूर्वी सीमानाका ७२ घण्टाका लागि बन्द

राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह

कतारका अमिर शीतल निवासमा, राष्ट्रपति पौडेलसँग भेटवार्ता सुरु

कतारमा बोतल पानी निर्यातको अवसर, वार्षिक चार करोड डलरको बजार

नेपालले रुससँगको द्विपक्षीय सम्बन्धलाई सदुपयोग गर्न जरुरी छ : अध्यक्ष ढकाल

कतारका अमिर नेपालमा, राष्ट्रपति पौडेलबाट स्वागत