हिमालयन डिष्टिलरी, मेगा बैंकसहित १२ कम्पनीकाे सेयर मूल्य समायाेजन, कतिमा खुल्छ काराेबार ?
काठमाडाैं । नेप्सेमा एकैदिन विभिन्न १२ कम्पनीकाे सेयर मूल्य समायाेजन भएकाे छ । आज(पुस १७ गते) शुक्रबार मात्रै हिमालयन डिष्टिलरी, मेगा बैंकसहित नेप्सेमा सूचीकृत दर्जन कम्पनीकाे मूल्य समायाेजन भएकाे हाे । यससँगै, यी सबै कम्पनीकाे सेयर काराेबार समायाेजन मूल्य पश्चात कायम भएकाे मूल्यदेखि खुल्ने छ । मेगा बैंक नेपालको १० प्रतिशत बोनस सेयर पछिको मूल्य समायोजन भएको हो । समायोजन पश्चात कम्पनीको सेयर कारोबार प्रतिकित्ता २५० रुपैयाँमा खुल्ने छ । जबकी कम्पनीको पछिल्लो कारोबार प्रतिकित्ता २७५ रुपैयाँमा भएको थियो । लक्ष्मी बैंकको ९ प्रतिशत बोनस सेयर पछिको मूल्य समायोजन भएको हो । समायोजन पश्चात कम्पनीको सेयर कारोबार प्रतिकित्ता २६२ रुपैयाँमा खुल्ने छ । जबकी कम्पनीको पछिल्लो कारोबार प्रतिकित्ता २८६ रुपैयाँमा भएको थियो । हिमालयन डिष्टिलरीको ५० प्रतिशत बोनस सेयर पछि मूल्य समायोजन भएको छ । यससँगै कम्पनीको सेयर मूल्य ३५२० रुपैयाँ कायम भएको छ । कम्पनीको सेयर प्रतिकित्ता ५२८० रुपैयाँमा पछिल्लो कारोबार भएको थियो । प्राइम लाइफ इन्स्योरेन्सको ७ प्रतिशत बोनस पछि मूल्य समायोजन भएको छ । यससँगै कम्पनीको सेयर कारोबार प्रतिकित्ता ७६६ रुपैयाँदेखि खुल्ने छ । त्यस्तै, सूर्य लाइफ इन्स्योरेन्स कम्पनीको पछि ५ प्रतिशत बोनस पछि सेयर मूल्य समायोजन भएको छ । पछिल्लो कारोबार प्रतिकित्ता ७०८ रुपैयाँमा भएको कम्पनीको सेयर मूल्य समायोजन पश्चात ६७४ रुपैयाँ कायम भएको छ । मेरो माइक्रोफाइनान्स वित्तीय संस्थाको पनि १६.९४ प्रतिशत बोनस पछिको सेयर मूल्य समायोजन भएको । यससँगै संस्थाको सेयर कारोबार प्रतिकित्ता ८६८ रुपैयाँदेखि खुल्ने छ । जबकी संस्थाको पछिल्लो कारोबार प्रतिकित्ता १०१५ रुपैयाँमा भएको थियो । १५ प्रतिशत बोनस पछि लक्ष्मी लघुवित्त वित्तीय संस्थाको सेयर मूल्य समायोजन भएको छ । समायोजन पछि संस्थाको सेयर प्रतिकित्ता १३३५ रुपैयाँमा कारोबार खुल्ने छ । त्यस्तै, विजय लघुवित्तको १९ प्रतिशत बोनस पछि मूल्य समायोजन भएको छ । यससँगै दोश्रो बजारमा संस्थाको सेयर कारोबार प्रतिकित्ता १०६८ रुपैयाँमा खुल्ने छ । गुडविल फाइनान्सको पनि ८.४० प्रतिशत बोनस पछि मूल्य समायोजन भएको छ । समायोजन पछि फाइनान्सको सेयर मूल्य प्रतिकित्ता १९६ रुपैयाँ कायम भएको छ । ५ प्रतिशत बोनस पछि पोखरा फाइनान्सको सेयर मूल्य समायोजन भएको छ । यससँगै दोश्रो बजारमा संस्थाको सेयर कारोबार प्रतिकित्ता १६७ रुपैयाँदेखि खुल्ने छ । बुटवल पावर कम्पनीको सेयर मूल्य समायोजन भएको छ । कम्पनीको १० प्रतिशत बोनस सेयर पछिको मूल्य समायोजन भएको हो । समायोजन पश्चात कम्पनीको सेयर कारोबार प्रतिकित्ता ४०५ रुपैयाँमा खुल्ने छ । जबकी कम्पनीको पछिल्लो कारोबार प्रतिकित्ता ४४५ रुपैयाँमा भएको थियो । छ्याङ्दी हाइड्रोपावरको पनि ५ प्रतिशत बोनस पछि सेयर मूल्य समायोजन भएको छ । पछिल्लो कारोबार प्रतिकित्ता १६३ रुपैयाँमा भएको कम्पनीको सेयर मूल्य समायोजन पश्चात १५५ रुपैयाँ कायम भएको छ ।
चन्द्रागिरी हिल्सको आईपीओ पुस २४ गतेदेखि भर्न पाइने
काठमाडौं । चन्द्रागिरी हिल्स लिमिटेडले आगामी पुस २४ गतेदेखि दोश्रो चरणमा सर्वसाधारणलाई आईपीओ निष्काशन गर्ने भएको छ । कम्पनीले पहिलो चरणमा आयोजना प्रभावित स्थानियलाई निष्काशन गरी बाँडफाँड पश्चात अब सर्वसाधारणमा सेयर निष्काशन तथा बिक्री खुला गर्न लागेको हो । कम्पनीले १५ करोड ३४ लाख ९ हजार १०० रुपैयाँ बराबरको १५ लाख ३४ हजार ९१ कित्ता आईपीओ जारी गर्न लागेको हो । जसमध्ये ४ प्रतिशत अर्थात ६१ हजार ३६४ कित्ता सेयर कर्मचारीहरुको लागि र ५ प्रतिशत अर्थात ७६ हजार ७०५ कित्ता सामूहिक लगानी कोषहरुका लागि सुरक्षित गरेको छ । र, बाँकी रहेको १३ लाख ९६ हजार २२ कित्ता सेयरमा सर्वसाधारणमा निष्काशन गरिने छ । यससँगै इच्छुक आवेदकले १० कित्तादेखि अधिकतम १३ हजार ९६० कित्तासम्म आवेदन दिन सक्नेछन् । उनीहरुले पुस २४ गतेदेखि छिटोमा आगामी पुस २८ गतेसम्म आवेदन दिन सक्नेछन् । यदि उक्त मितिसम्म सेयर बिक्री नभएमा संस्थाले ढिलोमा माघ ९ गतेसम्म पनि आवेदन दिन पाउने व्यवस्था गरेको छ । कम्पनीको सेयर निष्काशन तथा बिक्री प्रबन्धकमा ग्लोबल आईएमई क्यापिटल रहेको छ । इच्छुक आवेदकले सि–आस्वा सदस्य बैंक तथा वित्तीय संस्था र मेरोसेयर मार्फत आवेदन दिन सक्नेछन् । उक्त आईपीओ जारी पश्चात कम्पनीको चुक्ता पुँजी १ अर्ब ५३ करोड रुपैयाँ पुग्नेछ । कम्पनीले यसअघि आयोजना प्रभावित स्थानीयलाई प्रतिसेयर एक सय रुपैयाँको ३ लाख ६ हजार ८१९ कित्ता सेयर निष्काशन गरी बाँडफाँड समेत गरिसकेको छ । साथै, उक्त सेयर बाँडफाँड गर्दा सेयर हात पारेका स्थानीयले भने कम्पनीले जारी गर्न लागेको दोश्रो चरणको सेयरको लागि आवेदन दिन पाउने छैनन् ।
एकैदिन ११ कम्पनीकाे सेयर मूल्य समायाेजन, कसकाे मूल्य कति ?
काठमाडौं । बुधबार विभिन्न ११ कम्पनीको सेयर मूल्य समायोजन भएको छ । नेप्सेमा सूचीकृत विभिन्न कम्पनीको एकैदिन बोनस सेयर पछिको मूल्य समायोजन भएको हो । सो दिन ४ वाणिज्य बैंक, ४ लघुवित्त, २ फाइनान्स र एक हाइड्रोको गरी कूल ११ कम्पनीको सेयर मूल्य समायोजन भएको हो । यससँगै अबको कारोबार यी ११ वटै कम्पनीको सेयर कारोबार समायोजन पछि कायम भएको मूल्यबाटै शुरु हुने छ । ४ वाणिज्य बैंक नबिल बैंकको ३३.५० प्रतिशत बोनस सेयर पछिको मूल्य समायोजन भएको हो । यससँगै बैंकको सेयर मूल्य प्रतिकित्ता एक हजार ३८ रुपैयाँ कायम भएको छ । बैंकको पछिल्लो कारोबार प्रतिकित्ता एक हजार ३८६ रुपैयाँमा भएको थियो । ग्लोबल आईएमई बैंकको १४ प्रतिशत बोनस पछि सेयर मूल्य समायोजन भएको छ । समायोजन पश्चात बैंकको सेयर मूल्य प्रतिकित्ता ३०७ रुपैयाँ कायम भएको छ । कृषि विकास बैंकको पछि १५ प्रतिशत बोनस पछि सेयर मूल्य समायोजन भएको हो । समायोजन पछि बैंकको सेयर मूल्य प्रतिकित्ता ४२४ रुपैयाँ कायम भएको छ । जबकी बैंकको पछिल्लो कारोबार प्रतिकित्ता ४८८ रुपैयाँमा भएको थियो । नेपाल एसबिआई बैंकको पनि ६ प्रतिशत बोनस सेयर पछिको मूल्य समायोजन भएको हो । पछिल्लो कारोबार प्रतिकित्ता ४०८ रुपैयाँमा कारोबार भएको बैंकको सेयर मूल्य समायोजन पश्चात प्रतिकित्ता ३८५ रुपैयाँ कायम भएको छ । ४ लघुवित्त छिमेक लघुवित्त वित्तीय संस्थाको २२ प्रतिशत बोनस पछि सेयर मूल्य समायोज भएको छ । पछिल्लो कारोबार प्रतिकित्ता एक हजार ३८५ रुपैयाँमा कारोबार भएको संस्थाको सेयर मूल्य समायोजन पश्चात प्रतिकित्ता एक हजार १३५ रुपैयाँ कायम भएको छ । त्यस्तै, २७.४७ प्रतिशत बोनस पछि ग्लोबल आईएमई लघुवित्त वित्तीय संस्थाको सेयर मूल्य समायोजन भएको छ । नेप्सेमा पछिल्लो कारोबार प्रतिकित्ता एक हजार ७३२ रुपैयाँमा कारोबार भएको संस्थाको सेयर मूल्य समायोजन पश्चात प्रतिकित्ता एक हजार ३५९ रुपैयाँ कायम भएको छ । वोमी लघुवित्त वित्तीय संस्थाको पछि ३० प्रतिशत बोनस पछि सेयर मूल्य समायोजन भएको छ । यससँगै संस्थाको सेयर मूल्य प्रतिकित्ता ७०३ रुपैयाँ कायम भएको छ । संस्थाको पछिल्लो कारोबार प्रतिकित्ता ९१४ रुपैयाँमा भएको थियो । त्यसैगरी, स्पर्श लघुवित्त वित्तीय संस्थाको पनि मूल्य समायोजन भएको छ । १९.५० प्रतिशित बोनस सेयरपछि मूल्य समायोजन भएको संस्थाको सेयर मूल्य प्रतिकित्ता ८१३ रुपैयाँ कायम भएको छ । यसअघि संस्थाको सेयर मूल्य प्रतिकित्ता ९७२ रुपैयाँ थियो । २ फाइनान्स मञ्जुश्री फाइनान्सको १८ प्रतिशत बोनस सेयर पछि मूल्य समायोजन भएको हो । समायोजन पश्चात संस्थाको सेयर मूल्य प्रतिकित्ता ३२१ रुपैयाँ कायम भएको छ । त्यस्तै, श्री इन्भेष्टमेन्ट एण्ड फाइनान्स कम्पनीको ७.३७ प्रतिशत बोनस पछि सेयर मूल्य समायोजन भएको हो । समायोजन पश्चात संस्थाको सेयर मूल्य प्रतिकित्ता १८६ रुपैयाँ कायम भएको छ । जबकी संस्थाको पछिल्लो कारोबार प्रतिकित्ता २०० रुपैयाँमा भएको थियो । एक हाइड्रो हाइड्रो समूह अन्तर्गतको ङादी ग्रुप पावरको पनि १० प्रतिशत बोनस पछि सेयर मूल्य समायोजन भएको छ । प्रतिकित्ता २४० रुपैयाँ रहेको कम्पनीको सेयर मूल्य समायोजन पश्चात प्रतिकित्ता २१८ रुपैयाँमा झरेको छ ।
