काठमाडौं । नेपालगञ्ज ३ भदौ स् नेपालगञ्ज उद्योग वाणिज्य सङ्घको अध्यक्षमा टङ्क धामी निर्वाचित भएका छन् । उद्योगी धामीले अर्का उद्योगी ललित रौनियारलाई ८९० मतको अन्तरले पराजित गरेका हुन् ।
धामीले २ हजार ४५६ मत ल्याउँदा रौनियारले १ हजार ५६६ मत प्राप्त गरेको वाणिज्य सङ्घका निर्वाचन अधिकृत माधव शर्माले जानकारी दिए । १० जना सदस्यमा एउटा प्यानलबाट ७ जना र अर्को प्यानलबाट ३ जना निर्वाचित भएको निर्वाचन अधिकृतको कार्यालयले जनाएको छ ।
४ हजार ९३३ मतदाता रहेको सङ्घमा ४ हजार १३२ मत खसेको बताइएको छ ।
