काठमाडाैं । अर्थमन्त्री डा.प्रकाशशरण महतले नेपाल राष्ट्र बैंकले सार्वजनिक गरेको मौद्रिक नीतिको तेस्रो त्रैमासिक समिक्षा सरकारले चाहेको जस्तो नभएको बताएका छन् ।
शुक्रबार अर्थ मन्त्रालयमा राजश्व परामर्श समितिले निजी क्षेत्रसँग आगामी बजेटको लागि सुझाव लिने कार्यक्रममा बोल्दै अर्थमन्त्री डा. महतले यस्तो बताएका हुन् ।
उनले राष्ट्र बैंकबाट अझ खुकुलो मौद्रिक नीतिको अपेक्षा गरेता पनि सरकारले चाहेको जस्तो नभएको बताए । तरपनि माैद्रिक नीतिकाे समिक्षाले अर्थतन्त्रमा सकारात्मक सन्देश दिने बताउँदै भने, ‘लगानीकर्ताहरुलाई रकमको आवश्यकता छ, त्यसलाई यसले पूर्ति गर्नेतर्फ मद्दत गर्छ । ‘
