नर्भिक अस्पतालका हाकिमको बयान-‘१३ प्रतिशत सेवा शुल्क लिन पाउनुपर्छ’
काठमाडौं । नर्भिक इन्टरनेशनल अस्पतालका कार्यकारी निर्देशक राजेन्द्र बहादुर सिंहले १३ प्रतिशत सेवा शुल्क असुल्न पाउनुपर्ने बयान दिएका छन् । स्वास्थ्य जस्तो सम्वेदनशिल क्षेत्रमा पनि सेवा शुल्कका नाममा अतिरिक्त शुल्क उठाएको भन्दै विभागले छानविन थालेपछि उनले यस्तो बयान दिएका हुन् । विभागले छानविन अघि बढाएपछि विभागमै पुगेर सिंहले १३ प्रतिशत सेवा शुल्क लिन नपाउने व्यवस्था कहिँ उल्लेख नभएकाले आफूहरुले लिएको शुल्क जायज रहेको दावी गरेका थिए । आपूर्ति विभागले नर्भिक इन्टरनेशनल अस्पतालका सञ्चालकसँग बयान लिन थालेको छ । सेवा शुल्कका नाममा बिरामी ठगी गरेको आरोपमा छानबिनमा परेको नर्भिक अस्पतालका सञ्चालकसँग आइतबार आपूर्ति विभागले बयान लिएको हो । विभागका अधिकृत घिमिरेका अनुसार आवश्यकताअनुसार थप बयानका लागि विभागले कार्यकारी निर्देशक सिंहलाई शुक्रबार फेरि बोलाएको छ । बयानमा सिंहले अस्पतालले १३ प्रतिशत सेवा शुल्क लिएको र ३० वटा बेड सञ्चालन गरेको कुरा स्वीकारेको बताए । विभागलाई बयान दिनेक्रममा सिंहले सेवा शुल्क लिन नपाइनेबारे कुनै प्रावधानबारे जानकारी नभएको बताएका छन् । अधिकृत घिमिरेले सिंहको भनाइ उदृत गर्दै भने, ‘हामी वर्षैपिच्छे कम्पनी रजिष्टार कार्यालयलाई अडिट बुझाउँदा पनि १३ प्रतिशत सेवा शुल्क लिन नपाइने कुरा कहिले आएन ।’ विभागका महानिर्देशक कुमार दाहालका अनुसार कार्यकारी निर्देशक सिंहसँग बयान लिइसकेको छ । बयानपछि विभागले मुद्दा दायर गर्ने वा नगर्ने विषयमा सरकारी वकिलसँग राय/सुझाव माग गरेको छ । उनले भने, ‘विभागले अस्पतालको विषयमा प्रमाण बटुल्ने काम गरिरहेको छ । प्रमाण पुगेपछि कारबाहीको प्रक्रिया अगाडी बढाउँछौं ।’ त्यस्तै थप ३० वटा शैया स्वीकृती बिना सञ्चालनमा ल्याएको अस्पताल माथिआरोप छ । सिंहले पूर्वाधार निर्माणका लागि स्वास्थ्य सेवा विभागबाट प्राप्त स्वीकृति सहितका कागजात प्रस्तुत गरेका छन् । अस्पतालले १०० शैया थप गरी जम्मा २०० शैया क्षमताको अस्पताल सञ्चालनका लागि स्वीकृत माग गरेको थियो । स्वास्थ्य सेवा विभागले पूर्वाधार सहित २०० वटा शैया सञ्चालनका लागि आवश्यक जनशक्ति र उपकरण थप्न निर्देशन दिएको थियो । उनले पूर्वाधारसँगै शैया पनि सञ्चालनमा ल्याएको बताउँदै विभागलाई स्पष्टिकरण बुझाएका छन् । पूर्वाधारका लागि प्राप्त स्वीकृतिका आधारमा थप शैया सञ्चालनमा ल्याएको बयान दिएको घिमिरेले जानकारी दिए ।
एनआईसी एशिया बैंकको नयाँ शाखा प्युठानको जुम्रीमा
काठमाडौं । एनआईसी एशिया बैंकको नयाँ शाखा प्युठानको जुम्रीमा सञ्चालन गरेको छ । बैंकले मंगलबार एक समारोहका बीच प्युठान उद्योग बाणिज्य सघंका अध्यक्ष ज्ञ्यामुराम न्यौपानेबाट उद्घाटन गरेका हुन् । शाखा सञ्जाल, एटिएम संख्या, पूँजी संरचना, वासलातको आकार, ग्राहक संख्याहरुको आधारमा एनआईसी एशिया बैंक निजी क्षेत्रको अग्रणी बैंकहरु मध्ये एक हो । बैंकले अन्यविभिन्न स्थानहरुमा चाँडै नै थप शाखा संचालन गर्ने योजना अगाडि सारेको छ ।
बकार्डीद्धारा बकार्डी हाउस पार्टी आयोजना हुँदै, संगीतप्रेमीका लागि लक्षित
काठमाडौं । बकार्डीले भिनी भिचीको सहकार्यमा मल्ल होटल, काठमाडौंमा बकार्डी हाउस पार्टी आयोजना गर्न लागेको छ । इलेक्ट्रोनिक्स गीत संगीत मनपराउनेहरुका लागि लक्षित गरिएको यस हाउस पार्टीमा लोकप्रिय बकार्डी ड्रिंक्स तथा ककटेलका साथमा झुम्न सक्नेछन् । भिनी भिची विगत एक दशक भन्दा बढि समयदेखि इलेक्ट्रोनिक्स संगीत उत्पादन गर्दै आएका चिरपरिचित अभिराम शहाराई र मतन कादोशको नयाँ प्रोजेक्ट हो । उक्त हाउस पार्टी ठिक ५ बजेदेखि शुरु हुनेछ । कलाकारहरु बिपीएम, बिकेनट, पुनित, पिप्स, फिन्जोक र र्याबिटले पार्टीमा विशेष संगीताका साथमा आफ्नो कलाकारिता प्रदर्शन गर्नेछन् । यो पार्टीको प्रि–सेल टिकट दुई हजारमा उपलब्ध थियो । यसको टिकट इभो स्टोर (शेर्पा मल),इभो स्टोर(लबिम मल), बेटा हाउस(ठमेल), मोनुमेन्टर पाराडाइज (झोँछे) मा उपलब्ध छ । साथै, अनलाइन www.tktmonkeys.com मार्फत पनि टिकट बुक गर्न सकिने कम्पनीले जनाएको छ । बकार्डी भारतमा यस्तो किसिमको कार्यक्रमहरु गर्नका लागि परिचित रहेको छ र अब यसले नेपालमा रमाईलो र क्रेजका साथमा यस्ता कार्यक्रमहरु आयोजना गदै जाने छ । बकार्डीले १७ फेब्रुअरीमा क्लब २५ आवर्समा जुलिया ब्लिसका साथमा बकार्डी हाउस पार्टी आयोजना गरेको थियो भने २४ अप्रिल २०१७ मा राजधानीमा क्लब ओएमजीमा बकार्डी हाउस पार्टी आयोजना गरेको थियो ।
सगरमाथा इन्स्योरेन्सले दुई वर्षको नाफाबाट एकै पटक बोनस सेयर दिने
काठमाडौं । सगरमाथा इन्स्योरेन्स कम्पनी लिमिटेडले आर्थिक वर्ष २०७३/७४ र २०७४/७५ को नाफा एकै पटक वितरण गर्ने भएको छ । बीमा समितिको निर्देशन अनुसार तोकिएको समयमा चुक्ता पुँजी १ अर्ब रुपैयाँ बनाउने र सकेसम्म धेरै बोनस सेयर वितरण गर्ने योजना रहेको कम्पनीले जनाएको छ । ‘कम्पनीले आर्थिक वर्ष २०७३/७४ र २०७४/७५ नाफाबाट करिब ३७ करोड बोनस सेयर वितरण गर्ने र करिब १० प्रतिशत हकप्रद सेयर निष्काशन गर्ने गरी पुँजी वृद्धि योजना बीमा समितिलाई बुझाएको छ’ कम्पनीका प्रमुख कार्यकारी अधिकृत चंकी क्षेत्रीले भने–‘सकेसम्म हकप्रद सेयर निष्काशन गर्न नपारोस्, बोनस सेयर वितरण गरेर नै १ अर्ब रुपैयाँ चुक्ता पुँजी पुर्याउन सकियोस् भन्ने कम्पनीको चाहाना हो ।’ आर्थिक वर्ष २०७३/७४मा कम्पनीको खुद नाफा २७ करोड ६२ लाख रुपैयाँ भएको उनले जानकारी दिए । त्यसबाट नियमअनुसार ११ करोड ९ लाख रुपैयाँ बीमा कोष, महाविपत्ति कोषमा राखेको भने वितरणयोग्य नाफा १६ करोड ५३ लाख रुपैयाँ जगेडा कोषमा राखेको छ । चुक्ता पुँजी ५३ करोड ८२ लाख रुपैयाँ रहेको यस कम्पनीको बीमा कोष पनि ५३ अर्ब ८२ करोड भएको छ । बीमा समितिको नियम अनुसार चुक्ता पुँजी सरह बीमा कोष रकम नपुगेसम्म खुद नाफाको ५० प्रतिशत रकम बीमा कोषमा जम्मा गर्नुपर्ने हुन्छ । आगामी वर्षको खुद नाफाबाट १० प्रतिशत महाविपत्ति कोषमा राखी बाँकी रकम बोनस सेयरको रुपमा लगानीकर्तालाई वितरण गर्ने कम्पनीको योजना रहेको पाइएको छ । गत वर्षको नाफा यस वर्ष सेयरधनीलाई वितरण नगर्ने निणर्य सञ्चालक समितिले गरेको छ । ‘कम्पनी नाफामा छ । लाभांश वितरण गर्ने अवस्थामा छ’ उनले भने ‘लाभांश वितरण शैली कम्पनी अनुसार फरक हुन सक्छ ।’ सगरमाथा इन्स्योरेन्स कम्पनीले तीन वर्षअघि एक पटक लाभांश स्थगित गरेको थियो । त्यसपछिको वर्ष १२९ प्रतिशत लाभांश वितरण गरेको थियो ।
दृष्टिविहीनलाई निर्वाचन आयुक्तले भने, ‘भोटिङ मेसिन छैन, सहीरुपमा मतदान गर्नुस्’
काठमाडौं । प्रमुख निर्वाचन आयुक्त अयोधीप्रसाद यादवले दृष्टिविहीन नागरिकलाई सही ढंगले मतदान गर्न आग्रह गरेका छन् । स्वच्छ, स्वतन्त्र र भयरहित निर्वाचनका लागि आयोगको सन्देशबाहक दूतको रुपमा काम गर्न दृष्टिविहीन नागरिकलाई आग्रह गरेका हुन् । निर्वाचन आयोगले आज काभ्रेपलाञ्चोकको धुलिखेलमा आयोजना गरेको ‘दृष्टिविहीन नागरिकका लागि मतदाता शिक्षासम्बन्धी अन्तरक्रिया कार्यक्रमको उद्घाटन गर्दै उनले राष्ट्रिय निर्वाचनका रूपमा हुन गइरहेको आगामी निर्वाचनलाई स्वच्छ र स्वतन्त्ररूपमा ऐतिहासिक तुल्याउन दृष्टिविहीन नागरिकबाट निर्वाचन आचारसंहिताको पालनाका लागि जिल्लामा अभियान चलाउन अनुरोध गरेका छन् । प्रमुख निर्वाचन आयुक्त डा. यादवले भने, ‘‘मतदान गोप्य हुनुपर्दछ भन्ने विश्वव्यापी मान्यता हो, प्रविधिमा अहिले हामी पछि छौँ, यसको प्रयोग गर्दै जाने छौँ, तपाईहरुको माग पूरा गर्न भोटिङ मेसिनको प्रयोग गर्नेभन्दा अर्काे विकल्प छैन, यस वर्ष नै मतदानमा प्रविधिको प्रयोग गर्ने भनेकोमा समयको चापका करण दृष्टिविहीन नागरिकको मागअनुसारको प्रविधिको प्रयोगतर्फ फड्को मार्न सकेनौं, यद्यपि विशेष नागरिकले विशेष सुविधा पाउनुपर्छ भन्नेमा दृढ छौं ।’’ उनले शिक्षकको भूमिकामा रहनुभएका तपाईहरूले दल विशेष र उम्मेदवारको पक्षमा नलागी स्वतन्त्ररुपमा मतसंकेत गर्न सिकाउन सुझाव दिए। प्रमुख आयुक्त यादवले भने, ‘‘तपाईहरुबाट आयोग ठूलो भूमिकाको अपेक्षा गरेको छ, मत सहीरूपमा संकेत गर्ने सन्देश घर परिवार र समाजमा पुर्याउनु होला, एकाघरको विश्वास गरेको सहयोगी लिएर आफूले मन पराएको उम्मेदवारलाई मतदान गर्नु होला ।’’ कार्यक्रममा निर्वाचन आयोगका सहसचिव दीपक सुवेदीले सहीरूपमा मत सङ्केत गरी बदर मत प्रतिशत घटाउने उद्देश्यले सञ्चालन गरिएको प्रशिक्षणमा सिकेको ज्ञान अरूलाई प्रवाह गरी बढीभन्दा बढी मतदातालाई मतदानमा सहभागी गराउन प्रेरित गर्न सुझाव समेत दिएका छन् । काभ्रेपलाञ्चोक जिल्लाका प्रमुख जिल्ला अधिकारी शिवप्रसाद सिंखडाले आगामी निर्वाचनमा फरक फरक खाले मतपत्र भएकाले मतदाताबाट सहीरूपमा मत संकेत होस्, बदर मतप्रतिशत घटाउन योगदान दिन सकियोस् भन्ने उद्देश्यका साथ काम गर्न आवश्यक रहेको बताए । युएनडीपी इएपी परियोजनाका उपनिर्देशक कुन्दनदास श्रेष्ठले विश्वासनीय, समावेशी र सर्वस्वीकार्य निर्वाचनका लागि आफ्नो संस्थाले निर्वाचन आयोगलाई सहयोग पुर्याउँदै आएको बताए । नेत्रहीन संघका अध्यक्ष रमेश पोखरेलले मतदानमा दृष्टिविहीनताको गोपनीयताको अधिकार सुनिश्चित गर्न माग गर्नुभयो । उनले भने, ‘दृष्टिविहीनको मतदान गोप्य हुनुपर्छ भन्ने लामो समयदेखिको माग पूरा हुन सकेको छैन, खोइ त हाम्रो गोपनीयताको अधिकार, हामी कहाँ गएर कराउने, निर्वाचनका सन्दर्भमा हामीले सिकेको ज्ञान छरछिमेकीलाई पनि सिकाउने छौं ।’ कार्यक्रममा नेत्रहीन संघको ४७ जिल्लामा संस्था रहेको तथा प्रशिक्षणमा आउने अधिकांश दृष्टिविहीनहरू शिक्षकको भूमिकामा रहेको जानकारी दिएका छन् । प्रशिक्षणमा ६९ जिल्लाका ८० जनाको सहभागिता रहेको छ र उहाँहरुलाई मतदान, मतदानको अधिकार, मतदानको प्रक्रिया र सहीरूपमा मतदान गर्ने तरिकाबारे प्रशिक्षण दिइएको छ ।
सिजी मोबाइलको नयाँ मोडल ‘एस्ट्रो टी१८’ नेपाली बजारमा
काठमाडौं । सिजी मोबाइलस् कम्पनीले आफ्नो नयाँ मोडल एस्ट्रो टी१८ नेपाली बजारमा भित्र्याएको छ । कम्पनीले हालै भित्र्याएको उक्त मोबाइल धेरै फिचरका साथै सस्तो मूल्यमा पाइने छ । ग्राहकको चाहना अनुसार बजारमा ल्याइएको उक्त मोबाइलमा १.८ स्क्रिन, डिजिटल क्यामेरा, एमएम, टर्च लाइट, जीपीआरएस, एमपीथ्री/एमपीफोर, १००० एमएयच ब्याट्री रहेको छ । यसमा ८ जीबी मेमाेरी थप्न सकिने कम्पनीले जनाएको छ । यो मोबाइलको थप विशेषता भनेको यसको छेउबाट नै टर्च बाल्न र निभाउनको लागि एउटा छुट्टै बटन रहेको कम्पनीले बताएको छ । यस मोडल नेपाली बजारमा १ हजार ९९ रुपैयाँमा पाइने छ । यो मोबाइल तीन आकर्षक रङ (कालो र निलो, कालो र सुन्तला, कालो र रातो) मा उपलब्ध छन् । सिजी मोबाइलस्काे सर्भिस सेन्टरहरु नेपालभर रहेको छ ।
माछापुच्छ्रे बैंकले कृषि तथा महिला उद्यमीलाई बिना धितो कर्जा प्रवाह गर्ने
काठमाडौं । माछापुच्छ्रे बैंकले सक्षम एक्सेस् टु फाईनान्स परियोजना अन्तर्गत दाङ्गका कृषि तथा महिला उद्यमीलाई बिना धितो कर्जा प्रवाह गर्ने भएको छ । बैंकले मंगलबार यूकेएडद्धारा संचालित उक्त परियोजना अन्तर्गत धितो बिना नै कर्जा प्रवाह गर्न हेफर इन्टरनेसनल नेपालसँग सम्झौता गरेको हो । उक्त सम्झौता पछि बैंकले हेफर इन्टरनेसनल नेपालको सहकार्यमा लमही दाङ्गका चारवटा विभिन्न सहकारी संस्थामार्फत कर्जा प्रदान गर्ने छ । विपन्न परिवारलाई स्वरोजगार बनाउने उद्देश्यले संचालन हुने उक्त कार्यक्रमले कृषक तथा महिलाहरुको जीवन स्तरमा सुधार ल्याउने बैंकले जनाएको छ । हालसम्म बैंकले आफना् ६२ वटा शाखाहरु, ४ वटा एक्स्टेन्सन काउन्टरहरु लगायत ७ शाखा रहित बैकिङ्ग सेवा समेत गरी जम्मा ७३ स्थानबाट ग्राहकहरुमा सम्पुर्ण बैंकिङ्ग सुबिधा दिइरहेको छ ।
समृद्धिका लागि काँग्रेसको सरकार चाहिन्छः बिनोद चौधरी
नवलपरासी। दुईसाता अघि नेपाली काग्रेसमा प्रबेश गरेका उद्योगपति बिनोद चौधरीले आफु अब नेपाली काँग्रेसबाट राजनितिमा सकृय रहने बताएका छन् । नवलपरासीको अमरापुरीमा आयोजित नेपाली काँग्रेसको चुनाबी सभामा पहिलो पटक बोल्दै चौधरीले कांग्रेसबाट सकृय राजनीतिको बिधिवत शुरुवात गरेको बताए । ‘राजनितिमा चासो राख्दै आएपनि सकृय थिइन ’उनले भने ‘ आजैदेखि मेरो जिवन कांग्रेसको सकृय राजनितिमा सर्मपर्ण गर्दछु । ’ २०४६ सालको परिवर्तनपछि नेपाली काँग्रेसले लिएको उदार अर्थनीतिका कारण देश अहिलेसम्म संचालन भैरहेको बताउदै समृद्ध आर्थिक नितिले मात्र लोकतन्त्र बलियो हुने बताए । काँग्रेसले आफनो समेत सल्लाहमा त्यतिखेर लिएको गतिलो आर्थिक नितिका कारण २०४८ देखि २०५० साल सम्म देशमा धेरै रोजगारी र कलकारखाना खुलेको दृश्टान्त दिए । उनले औद्योकिरण र रोजगारीको हिसावले २०४८ देखि ५० सम्मको २ वर्ष नेपालको स्वर्ण बर्ष भएको बताए । नेपाली कांग्रेसले दिएको आर्थिक समृद्धि र बिकास समन्वय उपसमितिको संयोजकको जिम्मेवारीलाई आफुले पुरा गर्ने प्रतिबद्धता ब्यक्त गर्दै चौधरीले नेपाली काँग्रेसले लिने आर्थिक निति र सम्पन्नताको खाका कोर्ने जिम्मेवारी पुरा गर्ने प्रतिबद्धता जनाए । ‘म बिदेश भ्रमणमा रहदा मेरो ब्यक्तिगत प्रगतिको प्रशंसा गर्नेहरुले देशको आर्थिक अबस्थाका बारेमा सोध्दा आफुसंग जवाफ नै नहुने गरेको स्मरण गर्दै उनले अब काँग्रेसले समात्ने आर्थिक नितिको बोटो नै भबिश्यमा त्यसको उत्तर हुने’ चर्चा गरेका छन् । उनले देशमा संमृद्धिको पहिलो आधार स्थिर सरकार आबस्यक रहेको औल्याउँदै १ सय ५४ स्थानमा एक्लै (प्रतिनिधि सभामा) उम्मेदवारी दिएको कांग्रेसले बहुमत ल्याउन आबस्यक रहेको बताए । चौधरीले कांग्रेसको बहुमतको सरकार र त्यसले समात्ने आर्थिक बिकासको नीतिले देश समृद्धि तर्फ जाने ठोकुवा गरे । उनले कांग्रेसले लिने आर्थिक नितिको भारी बोक्न आफु तैयार रहेका चर्चा गरे । मतदाता धेरै सचेत भैसकेको चर्चा गदै उद्योगपति तथा नेपाली काँग्रेसवाट समानुपातिका तर्फका सभासद समेत रहेका चौधरीले ५ वर्षभित्रमा गर्न सकिने योजनाहरुको खाका खाफुसंग रहेको र त्यो पार्टीलाई सुम्पिने बताए । नेपाली काँग्रेसमा प्रबेश गरेको दुइसातापछि पहिलोपटक नवलपरासीको क्षेत्र नम्बर १ को अमरापुरीमा आयोजित चुनाबी कार्यक्रममा २० मिनेट बोलेका चौधरीले काँग्रेसको आर्थिक नीतिका बारेमा चर्चा गरेका थिए । उनी बोल्दा त्यहाँ उपस्थितहरुले पटक पटक तालि बजाएका थिए । शशांकलाई जिताउन अपिल चौधरीले त्यहाका उम्मेदवार शशांका कोइरालाको प्रशंसा गर्दै ब्यक्तिगत लोभ लालच नभएका , इतिहास र अन्तराष्टिय छबि बोकेका कोइरालाई जिताउन मतदातालाई अपिल गरेका थिए । ‘नेपालको भबिस्यको स्पष्ट खाका भएका , सुनौलो इतिहास बोक्नु भएका कोइराला वाट देशले समृद्धिमा फडको मार्ने बेला आएको भन्दै उनले कोइरालाई जिताएर देशलाई आर्थिक गोरेटोमा लैजान सकिने बताए । बिनोद चौधरीको कांधमा आर्थिक योजनाः डा शशांक कोइराला बिनोद चौधरी बोलेपछि कार्यक्रमका प्रमुख अतिथि एवं कांग्रेस महामन्त्री शशांका कोइरालाले बोल्दै बिनोद चौधरीको कांधमा चढेर आर्थिक बिकासको योजना बनाउने धोको रहेको बताए । कोइरालाले त्यसो बताउदा कार्यकर्ताले निकै बेर ताली बजाएका थिए । कोइरालाले अगाडि बोल्दै बिनोद चौधरी सफल ब्यक्ती भएका कारण उनको योजनामा काँग्रेसले देश बिकासको मोडल तैयार गर्ने आफनो सोचाइ रहेको बताए । कोइरालाले चौधरीको प्रशंसा गर्दै चौधरीका योजना र सपनासंग कांग्रेसले सहकार्य गर्ने प्रतिबद्धता ब्यक्त गरे । सोमवार नेपाली कांग्रेसले आयोजना गरेको बिभिन्न चुनाबी सभामा बिनोद चौधरी कोइरालाको पक्षमा जनमत बटुल्न हिडेका छन् ।
