काठमाडौं । हास्य कलाकार मनोज गजुरेलको भक्तपुर बालकोटस्थित घरमा ताल्चा लगाउन पुगेकी मीना ढकाललाई प्रहरीले नियन्त्रणमा लिएको छ ।
आइतबार बिहान मीना बालकोट पुगेकी थिइन् । मीनाले घरमा ताल्चा लगाउन लागेको खबर स्थानीयले गरेपछि नियन्त्रणमा लिएको जिल्ला प्रहरी परिसर भक्तपुरले जनाएको छ ।
ढकाल गजुरेलकी पूर्वपत्नी हुन् । उनीहरूबीच सम्बन्ध विच्छेद भइसकेको छ ।
उनीविरूद्ध साइबर अपराधसम्बन्धी कसुरमा अनुसन्धान थालेको प्रहरीले जनाएको छ ।
