काठमाडौं । राष्ट्रिय स्वतन्त्र पार्टीका उम्मेदवारहरूले पुराना राजनीतिक दललाई कडा चुनौती दिइरहेका छन्। राष्ट्रिय स्वतन्त्र पार्टीले चितवनका ३ वटा निर्वाचन क्षेत्रमा नेपाली कांग्रेस र नेकपा एमालेलाई टक्कर दिइरहेको हो ।
चितवन क्षेत्र नम्बर १ मा राष्ट्रिय स्वतन्त्र पार्टीका तर्फबाट प्रतिनिधि सभा सदस्य उम्मेदवार हरि ढकालले अग्रता लिएका छन् । उनी नेपाली कांग्रेसका विश्व पौडेलभन्दा १२ सयभन्दा बढी मतले अगाडि रहेका छन् ।
पछिल्लो परिणामअनुसार हरि ढकालले ५ हजार ९८ मत ल्याएका छन् । उनलाई कांग्रेसका विश्व पौडेलले ३ हजार ८८४ मत ल्याएर पछ्याइरहेका छन् । ढकाल र पौडेलबीच १ हजार २१४ मतले अघि रहेका छन् ।
त्यस्तै, अर्का प्रतिस्पर्धी नेकपा एमालेका उपाध्यक्ष सुरेन्द्र पाण्डे तेस्रो स्थानमा रहेका छन् । उनले ३ हजार ८८० मत ल्याएका छन् ।
