काठमाडौं । राष्ट्रिय निर्वाचन आयोगले नेकपा एकीकृत समाजवादीका अध्यक्ष माधव नेपाललाई कारबाही गर्न प्रहरीलाई निर्देशन दिएको छ ।
आयोगले रौटहट- १ का उम्मेदवार रहेका नेपाललाई निर्वाचन प्रचारप्रसारकाे क्रममा मतदातालाई आर्थिक प्रलोभन देखाएकाे भन्दै निर्वाचन कसुर तथा सजाय ऐन अन्तर्गत कारबाही गर्न निर्देशन दिएको हो ।
ऐनको दफा २० मा उम्मेदवारले मतदातालाई लोभलालच वा आर्थिक प्रलोभन देखाउन नहुने व्यवस्था उल्लेख छ ।
