काठमाडौं । पछिल्लो २४ घण्टामा नेपालमा कोरोना संक्रमणको कारण १५ जनाको मृत्यु भएको छ । स्वास्थ्य तथा जनसंख्या मन्त्रालयको अनुसार पछिल्लो २४ घण्टामा नेपालमा कोरोना संक्रमणको कारण १५ जनाको मृत्यु भएको हो ।
यस्तै पछिल्लो २४ घण्टामा २१ हजार ८०८ जनामा पिसिआर र एन्टिजेन्ट विधिबाट परीक्षण गर्दा ८ हजार १७ जनामा संक्रमण पुष्टि भएको छ । योसँगै नेपालमा कोरोना भाइरसको सक्रिय संक्रमितको संख्या ९० हजार ५७६ पुगेको छ ।
मन्त्रालयका अनुसार यो अवधिमा ५ हजार २९२ जना निको भएका छन् ।
