काठमाडौं । पछिल्लो २४ घण्टामा नेपालमा ५ हजार ८७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर र एन्टिजेन गरी २० हजार ५६० वटा नमुना परीक्षणमा ५ हजार ८७ मा संक्रमण पुष्टि भएको हो । मन्त्रालयकाे अनुसार परीक्षण गरिएकाे २४ प्रतिशत बढीमा संक्रमण पुष्टि भएकाे छ ।
योसँगै नेपालमा कोरोना भाइरसको सक्रिय संक्रमितको संख्या १८ हजार २३५ पुगेको छ ।
मन्त्रालयका अनुसार यो अवधिमा ३०६ जना निको भएका छन् भने ३ जना संक्रमितको मृत्यु भएको छ ।
