काठमाडौं । नेपाल राष्ट्र बैंकले लघुवित्तका सञ्चालकहरुका लागि नयाँ व्यवस्था ल्याएको छ ।
राष्ट्र बैंकले आज एकिकृत निर्देशिका जारी गर्दै एउटा सञ्चालक एक कार्यकाल भन्दा बढी लगातार एउटै समितिमा संयोजक रहन नपाउने व्यवस्था गरेको हो ।
निर्देशिकामा भनिएको छ, ‘एउटा सञ्चालक एक कार्यकाल भन्दा बढी लगातार एउटै समितिमा संयोजक रहन पाउने छैन ।’
यो व्यवस्था अघिल्ला वर्षहरुमा थिएन । सञ्चालकले जति पनि कार्यकाल संयोजकमा बस्न पाउँथे ।
यस्तै राष्ट्र बैंकले समितिको बैठक कम्तीमा तीन महिनामा एक पटक बस्नु पर्ने जनाएकाे छ ।
