काठमाडौँ । भारतीय नक्सामा नेपाली भूमि समेटिएको बिरोधमा बुधबार राजधानीमा विद्यार्थी संगठनहरुले प्रदर्शन गरेका छन् ।
सत्तारुढ तथा विपक्षी दल सम्बद्ध विद्यार्थीहरुले बुधबार काठमाडौंमा विभिन्न स्थानमा प्रदर्शन गरेका हुन् ।
आर आर कलेज लगायतका स्थानमा भेला भएर प्रदर्शनमा उत्रिएको नेकपाको विद्यार्थी संगठन अनेरास्ववियूले ‘कालापानी, लिपुलेक र लिम्पियाधुरा हाम्रो हो गो ब्याक इण्डिया’को नारा लगाउँदै विभिन्न स्थान परिक्रमा गरेका थिए ।
