२०७८ चैत २८ गते १२:५९ विकासन्युज
काठमाडौं । देशको अर्थतन्त्रमा देखिएको पछिल्लो संकट समाधानका लागि निजी क्षेत्रसँग नेपाल सरकार खुला दिलले छलफल गर्न तयार रहेको नेपाल सरकारका मुख्य सचिव शंकरदास बैरागीले बताएका छन् ।
आज काठमाडौंमा जारी नेपाल उद्योग वाणिज्य महासंघको ५६औं साधारणसभामा बोल्दै बजारमा हल्ला चलेजस्तो अर्थतन्त्रमा समस्या नभएको तर, सचेत हुनुपर्ने बताएका हुन् ।
निजी क्षेत्र सरकारको एक महत्त्वपूर्ण साझेदार बताउँदै सरकार र निजी क्षेत्रको उद्देश्य र दीर्घकालीन विकास उद्देश तथा महासंघको भिजन २०३० को उदेश्य एउटै खालको भएको उनले बताए ।
साथै सरकारले तत्काल गर्नुपर्ने पेट्रोलियम पदार्थ आयात गर्न आवश्यकता अनुसार तयारी गरिरहेको र पर्यटन क्षेत्रमा नयाँ ढंगबाट काम गर्नुपर्ने बताएका छन् ।
साथै विदेशी लगानी भित्र्याउन वातावरण सहज कसरी गर्न सकिन्छ भन्ने विषयमा सरकारले गृहकार्य गर्नुका साथै अन्य देशसँग प्रतिस्पर्धा गर्न उत्पादनको लागत घटाउनेतर्फ ध्यान दिनुपर्ने उनले बताएका छन् ।
उनले जलस्रोतको विकासका लागि सम्भावना खोज्ने काम सरकारले गरिरहेको बताउँदै उर्जामा सहुलियत दिन सकिन्छ कि भन्नेतर्फ सरकारलको ध्यान केन्द्रित भएको बताएका हुन् ।
Copyright © 2024 Bikash Media Pvt. Ltd.