२०७७ पुष ८ गते १६:०३ विकासन्युज
काठमाडौं । वाणिज्य बैंकमध्ये उच्च लाभांश घोषणा गरेको नबिल बैंकले आगामी पुस २९ गते वार्षिक साधारणसभा(एजीएम) आव्हान गरेको छ । बैंकले सो दिन बिहान १० बजे काठमाडौंको दरबारमार्गस्थित बैंकको केन्द्रीय कार्यालयमा आफ्नो ३६औं वार्षिक साधारणसभा बोलाएको हो ।
सभाले सञ्चालक समितिको ३५.२६ प्रतिशत लाभांश प्रस्तावलाई पारित गर्दै छ । बैंक सञ्चालक समितिको बैठकले गत आवको नाफाबाट सेयरधनीलाई ३३.५ प्रतिशत बोनस र १.७६ प्रतिशत नगद गरी सो मात्राको लाभांश प्रस्ताव गरेको हो ।
सभामा जाने प्रयोजनको लागि कम्पनीको पुस १५ गते एकदिन बुक क्लोज हुने भएको छ । यससँगै, पुस १४ गतेसम्म कायम सेयरधनीले बैंकको लाभांश पाउने छन् । र, उनीहरु सभामा भाग लिन योग्य हुने छन् ।
सम्बन्धित समाचार
Copyright © 2024 Bikash Media Pvt. Ltd.