काठमाडौं । बैंकहरुले एक वर्षभन्दा बढी अवधिका व्यक्तिगत आवधिक कर्जाको स्थीर व्याजदर सार्वजनिक गर्न थालेका छन् । नेपाल राष्ट्र बैंकले एक वर्षभन्दा बढी अवधिका व्यक्तिगत आवधिक कर्जामा स्थीर व्याजदर लागू गर्न बैंक तथा वित्तीय संस्थाहरुलाई निर्देशन दिएको थियो । सो निर्देशक भोलि (कात्तिक १ गते) देखि कार्यान्वयन हुँदैछ ।

बैंकले अहिले तोकेको स्थीर व्याजदर तोकिएको अवधिसम्म परिवर्तन हुँदैन । अहिले जति व्याज तिर्नेगरी कर्जा लिएको हुन्छ, सो अवधिसम्म सोही दरको व्याज तिर्दा हुने व्यवस्था मिलाउनु पर्ने वाध्यता बैंकहरुलाई छ ।

सार्वजनिक गरेको व्याजदर अनुसार माछापुच्छ्रे बैंकले १० वर्षभन्दा बढी अवधिको घर कर्जाको व्याजदर ११.८९ प्रतिशत तोकेको छ । ५ वर्षसम्मको घर कर्जाको व्याजदर भने सो बैंकले ९.८९ प्रतिशत निर्धारण गरेको छ ।

नेपाल इन्भेष्टमेन्ट बैंकले १० वर्षसम्मको घर कर्जाको व्याजदर १२ प्रतिशत तोकेको छ । अर्काे वाणिज्य बैंक एनएमबी बैंकले १५ वर्षसम्मको लागि घर कर्जा लिँदा १२.२५ प्रतिशत व्याज तिर्नुपर्ने गरी तोकेको छ ।

स्ट्याण्डर्ड चार्टर्ड बैंक नेपालले १० वर्षभन्दा बढी अवधिको घर कर्जाको स्थीर व्याजदर १३.७५ प्रतिशत तोकेको छ । यस्तै, ५ वर्षसम्मको घरकर्जाको स्थीर व्याजदर चार्टर्डले १०.७५ प्रतिशत तोकेको छ ।

सरकारी लगानीको राष्ट्रिय वाणिज्य बैंकले १५ वर्षसम्मको घर कर्जाको व्याज ११ प्रतिशत तोकेको छ । सरकारी लगानी पनि भएको अर्काे बैंक नेपाल बैंकले ९.८५ प्रतिशत व्याजमा घर कर्जा लिने भनेको छ ।

नेपाल एसबीआइ बैंकले सार्वजनिक गरेको व्याजदर अनुसार १० वर्षसम्मको घर कर्जा लिनेले १४ प्रतिशतसम्म व्याज तिर्नुपर्छ । ग्लोबल आइएमई बैंकले १५ वर्षभन्दा बढी अवधिको घर कर्जा लिनेले वार्षिक ११.९९ प्रतिशतका दरले व्याज तिर्नुपर्ने भनेको छ ।

बैंक अफ काठमाण्डूबाट १५ वर्षसम्मको घर कर्जा लिँदा वार्षिक ११.९८ प्रतिशत व्याज तिर्नुपर्ने गरी स्थीर व्याजदर कायम गरिएको छ । सनराइज बैंकले १५ वर्षसम्मको घर कर्जा लिनेले वार्षिक ११.५ प्रतिशत व्याज तिर्नुपर्ने भनेको छ ।

सेञ्चुरी बैंकले १० वर्षभन्दा बढीको घर कर्जा लिनेले वार्षिक १२.७४ प्रतिशतका दरले व्याज तिर्नुपर्ने गरी स्थीर व्याजदर निर्धारण गरेको छ । प्राइम कमर्सियल बैंकले यस्तो कर्जाको व्याजदर १२ प्रतिशतसम्म तोकेको छ । नबिल बैंकले १५ वर्षसम्मको घरकर्जाको व्याज ११ प्रतिशत तोकेको छ ।

सानिमा बैंकबाट ३ वर्षभन्दा बढी अवधिको घर कर्जा लिनेले वार्षिक १३ प्रतिशत व्याज तिर्नुपर्ने निर्णय भएको सार्वजनिक गरेको छ । सिद्धार्थ बैंकले १० वर्षभन्दा बढी अवधिको घर कर्जाको स्थीर व्याजदर वार्षिक १०.७५ प्रतिशत तोकेको छ ।

सरकारको पनि लगानी रहेको कृषि विकास बैंकले १० वर्षभन्दा बढी अवधिको कर्जा लिनेले वार्षिक ११.२५ प्रतिशत व्याज तिर्नुपर्ने गरी स्थीर व्याजदर निर्धारण गरेको छ । यस्तै, नेपाल बंगलादेश (एनबी) बैंकले २० वर्षसम्मको घर कर्जाको स्थीर व्याजदर ११.४९ प्रतिशत कायम गरेको छ ।

सम्बन्धित शिषर्कहरु

१० बैंकको २० अर्ब वितरणयोग्य नाफा ऋणात्मक

महालक्ष्मी विकास बैंकले गर्यो महिला उद्यमी लक्षित सशक्तीकरण अभियान

गरिमा बैंक र ट्रेकिङ एजेन्सीबीच कर्जामा सहुलियत सहित सेवा उपलब्ध गराउने सम्झौता

कामना सेवाद्वारा पोखरा विश्वविद्यालयमा स्वास्थ्य प्रयोगशाला निर्माण गरि हस्तान्तरण

विकास बैंकका सूचक खस्किए, वितरणयोग्य नाफा ध्वस्त

ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा