२०७७ असोज २८ गते १६:४० विकासन्युज
काठमाडौं । कोरोना बीमाको रकम अब बीमितले नपाउने भएका छन् । कोरोना भाइरस (कोभिड–१९) संक्रमणको परीक्षणदेखि उपचारसम्म सरकारले नै निःशुल्क गरिरहेको भएपनि अबदेखि भने कोरोना बीमा रकमबाट उपचार खर्च कटाउन लागिएको हो ।
कोरोना बीमा गर्नेहरुको बिमांक रकमबाट उपचार खर्च कटाउने निर्णय भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले मन्त्रालयको नियमित मिडिया ब्रिफिङमा बताए ।
यसअघि संक्रमण परीक्षणदेखि उपचारसम्मको सबै खर्च सरकारले व्यहोर्दै आएको थियो । संक्रमण पुष्टी भएका व्यक्तिहरुले कोभिड–१९ को उपचारको लागि खर्च गर्नु परेको थिएन ।
बीमा समितिको पहलमा ल्याइएको कोरोना बीमामा पीसीआर विधिबाट परीक्षण गर्दा कोरोना भाइरस संक्रमण भएको पुष्टी हुने वित्तिकै दाबी भुक्तानी पाइने व्यवस्था छ । यसअघिसम्म यस्तो दाबी भुक्तानी बिमितले नै पाउदै आएका थिए । कोरोना बीमामा सुरुमा १ लाख र ५० हजार रुपैयाँ बिमांकको ल्याइएको भएपनि पछि संशोधन गरेर १ लाख रुपैयाँ बिमांकको मात्रै गर्न पाइने व्यवस्था मिलाइएको थियो ।
अहिलेसम्म १४ लाखभन्दा बढीले कोरोना बीमा गरिसकेका छन् । एक लाख रुपैयाँ बिमांकको कोरोना बीमाको लागि समितिले सामुहिक रुपमा ६ सय रुपैयाँ र व्यक्तिगत रुपमा १ हजार रुपैयाँ बीमा शुल्क तोकेको थियो । कोरोना बीमाबाट ८० करोड रुपैयाँभन्दा बढी बीमा शुल्क संकलन भएको छ ।
कोरोना बीमाका दाबी धेरै पर्ने देखिएको भन्दै केही समयदेखि दाबी भुक्तानीमा समस्या सिर्जना भएको थियो । यो बीमाको पुनर्बीमा भएको छैन । समितिले पुल मार्फत यस्तो बीमाको दाबी भुक्तानीको व्यवस्था मिलाएको छ ।
समितिले मिलाएको व्यवस्था अनुसार पहिलो १ अर्ब रुपैयाँसम्मको दाबी भुक्तानी २० वटा निर्जीवन बीमा कम्पनीले दामासाही रुपमा तिर्ने भनिएको छ । त्यसपछिको १ अर्ब रुपैयाँ दाबी नेपाल पुनर्बीमा कम्पनीले तिर्ने व्यवस्था मिलाइएको छ भने त्यसपछिको ५० करोड रुपैयाँ बीमा कम्पनीहरुमा रहेको महाविपत्ति कोषको रकमबाट तिर्ने भनिएको छ ।
त्यसपछिको १ अर्ब रुपैयाँ बीमा समितिले आफ्नो विभिन्न कोषमा रहेको रकमबाट तिर्ने र सोभन्दा बढी दायित्व सिर्जना भएमा नेपाल सरकारले तिर्ने भनिएको छ ।
सम्बन्धित सामग्री
Copyright © 2024 Bikash Media Pvt. Ltd.
सरकार कस्तो गैर जिम्मेवारी पुर्ण अभिव्यक्ति दिँदै किन गिरदै छ, नचाहिँदो कुरा गरेर फेरि पनि जनता नै लुट्न खोज्दै छ। म जस्तो घरमै बसेर उपचार गरिरहेका कोरोना पिडितको वीमा रकम कर आधारमा लुट्न खोज्दै छस् सरकार जवाफ दे मलाई।
Khana ni kati sakya baru kachaura liyera aako vaye tetikai pani dihalthiyo ni sabaile Nepali Neta haruko jay hos khayera pachauna sakne immunity chahi ho