काठमाडौं । कोरोना भाइरस संक्रमण फैलिएसँगै विदेशमा अलपत्र परेका नेपालीलाई स्वदेश फर्काउने समय तालिका सार्वजनिक गरेको छ ।
खाडी तथा मध्यपूर्वी एवं अन्य मुलुकमा विभिन्न समस्यामा रहेका नेपालीहरुलाई सम्बन्धि देशको नियोगमार्फत नेपाल ल्याउने कामको शुरुवात गरिसकेको छ ।

बिहीबार कुवतेबाट ३ सय नेपाली फर्किदै छन् । यसअन्तर्गत आम-माफी पाएर क्यापमा बसेका तथा रोजगार गुमाएका, श्रमअवधि सकिएकालाई पहिलो प्राथमिकता रहेको छ । नेपाल एयरलाइन्स, हिमालय एयरलाइन्स तथा सम्बन्धित देशको एयरलाइन्स गरि ६७ वटा उडान तालिका संस्कृति, पर्यटन तथा नागरिक उड्डयन मन्त्रालयले सार्वजनिक गरेको छ ।

विभिन्न देशबाट करिब ५० हजारभन्दा बढी नेपालीले स्वदेश फर्कन आवेदन दिएपनि परराष्ट्र मन्त्रालयले २४ हजार १ सय २८ जनालाई नेपाल फर्कन सिफारिस दिएको छ ।

यस्तो छ उडान समय तालिका
जेठ २९ गते अर्थात आज कुवेतबाट २ वटा जहाजमा ३ सय नेपाली ल्याइने छ ।  जेठ ३२ गते अर्थात १४जुनमा बंगलादेशबाट २ वटा जहाजमा नेपालीलाई स्वदेश ल्याउने छ । कुवेत र बंगलादेशमा रहेका नेपालीलाई आफ्नै देशको विमानमा त्रिभुवन अन्तर्राष्ट्रिय विमानस्थलमा ल्याइदिने जानकारी दिएको छ ।

असार १ गते (१५ जुन) माल्दिभ्स, मलेसिया, साउदी, सिंगापुर, कम्बोडिया, ओमानबाट नेपालीहरु ल्याइने छ ।  असार २ गते (१६ जुन) युएई, कतार, बंगलादेश, कुवेतमा रहेका नेपालीलाई नेपाल एयरलाइन्स र हिमालय एयरलाइन्सबाट स्वदेश ल्याइने छ ।

बैंकक, बहराइन, बंगलादेश, कतार, अमेरिकामा रहेका नेपालीलाई असार ३ गते अर्थात १७ जुनमा नेपाल ल्याउने तालिका रहेको छ ।
असार ४ गते (१८ जुन) साउदी, युएई, मलेसिया, ओमनमा रहेका नेपाली ल्याइने छ ।  असार ५ गते अर्थात १९ जुनमा जापान, कुवेत, नाइजेरिया, साउदीबाट र असार ६ गते (२० जुन) साइप्रस, मलेसिया, कतार, युएई, बंगलादेश, युरोपियन युनियनमा रहेका नेपालीलाई ल्याइने छ ।

२१ जुन अर्थात असार ७ गते दक्षिण कोरिया, ओमन, कुवेत, मलेसिया त्यस्तै असार ८ गते (२२ जुन) अस्टे«लिया, पाकिस्तान, बैंकक, कतारमा रहेका नेपालीलाई ल्याइने छ ।  असार ९ गते (२३ जुन) मा जापान, माल्दिभ्स, युएई, युगान्डामा रहेका नेपालीलाई ल्याइने छ ।

असार १० गते (२४ जुन ) मा साउदी र कुवेतमा रहेका नेपालीलाई ल्याइने छ । अन्त्यमा २५ जुन अर्थात असार ११ गते साइप्रस, इजरायल, अमेरिकामा रहेका नेपालीलाई उद्धार गर्ने समय तालिका तयार भएको छ ।

भाडादर यस्ताे छ: 

बंगलादेश: १ सय ६५ अमेरिकी डलर

नयाँदिल्ली: २ सय ५ अमेरिकी डलर

मुम्बई: ३ सय १० अमेरिकी डलर

बैंगलोर: ३ सय ३५ अमेरिकी डलर

बैंकक: ३ सय ९० अमेरिकी डलर

युएई:  ५ सय अमेरिकी डलर

माल्दिभ्स: ५ सय ५ अमेरिकी डलर

ओमन: ५ सय १० अमेरिकी डलर

क्वालालाम्पुर: ५ सय २० अमेरिकी डलर

दोहा: ५ सय ४५ अमेरिकी डलर

बहराइन: ५ सय ४५ अमेरिकी डलर

हङकङ: ५ सय ५० अमेरिकी डलर

कुवेत: ५ सय ७० अमेरिकी डलर

साउदी (दमाम) : ५ सय ९० अमेरिकी डलर

साउदी (रियाद): ६ सय ३० अमेरिकी डलर

जेद्हा: ७ सय ७० अमेरिकी डलर

जोर्डज:  ८ सय १५ अमेरिकी डलर

साइप्रस:  ८ सय ७५ अमेरिकी डलर

जापान: ९ सय ३५ अमेरिकी डलर

सुडान: ९ सय ४० अमेरिकी डलर

लन्डन: १ हजार ३ सय ४० अमेरिकी डलर

सम्बन्धित शिषर्कहरु

प्राधिकरणले रोक्यो सिटिजन लाइफको अन्तरिम लाभांश

१५ अर्बको आईपीओ निष्कासनको प्रक्रिया रोकियो

१० करोड रुपैयाँ क्षतिपूर्तिको मुद्दामा समाचारको स्रोत खुलाउन दबाब

विश्वभरिका केन्द्रीय बैंकहरूले सुनको भण्डार किन बढाइरहेका छन् ?

बैंक, बीमा, सेयर बजार खुला रहने, संघीय अड्डामा हुँदैन प्रदेश बिदा

व्यक्तिलाई घर बनाउन र जग्गा किनबेचमा बन्देज गरौं