काठमाडौं । हिमालयन बैंकले म्याक्स मनीबाट ३१ करोड ४६ लाख रुपैयाँ पाएको छ । मलेसियाको केन्द्रीय बैंक ‘बैंक नाग्रा मलेसिया’ले नेपाल राष्ट्र बैंकको खातामा सोमबार पैसा पठाईदिएको हो ।

बैंक नाग्रा मलेसिया २७ लाख ६० हजार अमेरिकी डलर राष्ट्र बैंकको खातामा जम्मा गरेको जानकारी आफूले राष्ट्र बैंकबाट पाएको हिमालयन बैंकका प्रमुख कार्यकारी अधिकृत अशोक राणाले बताए ।

हिमालयन बैंक र म्याक्स मनिबीच रेमिट्यान्स कारोबार गर्दाको लेनदेन विवादमा हिमालयन बैंकको ४९ लाख अमेरिकी डलर फसेको थियो । ‘२७ लाख ६० हजार अमेरिकी डलर आयो । बाँकी पैसा ३० महिनाभित्र मासिक किस्तामा भुक्तानी गर्न सहमति भएको छ’ राणाले विकासन्युजसँग भने –‘बाँकी पैसाको व्याज समेत जोडर आउँछ ।’

म्याक्स मनीसँगको पैसा असुलीमा नेपाल राष्ट्र बैंक र गभर्नर डा. चिरञ्जीवि नेपालको भूमिका निकै महत्वपूर्ण रहेको राणाले बताए ।

हिमालयन बैंकसँगको कारोबारमा विवाद गरेपछि राष्ट्र बैंकले म्याक्स मनिलाई नेपालमा कारोबार गर्न रोक लगाएको थियो । त्यस्तै, नेपाल राष्ट्र बैंकका गभर्नर चिरञ्जीवि नेपाल आफैले बैंक नाग्रा मलेसियाका गभर्नरलाई पत्र लेखि म्याक्स मनिबाट पैसा असुल गर्न सहयोग मागेका थिए ।

सम्बन्धित शिषर्कहरु

ग्लोबल आइएमई बैंकले प्लास्टिकको खपत कम गर्ने

सुनको मूल्य तोलामा ११ सयले घट्यो

गैरकानुनी कारोबार रोक्न सके वार्षिक २० खर्ब राजस्व उठाउन सकिन्छ : धनराज गुरुङ

साधना लघुवित्तको नाफामा छलाङ, वितरणयोग्य नाफा २ करोड १९ लाख रुपैयाँ

प्रभु इन्स्योरेन्सको ५ प्रतिशत लाभांश पारित, ५० प्रतिशत हकप्रद सेयर निष्काशन गर्ने

सांग्रिला डेभलपमेन्ट बैंकद्वारा हाजिरी जवाफ प्रतियोगिता सम्पन्न