काठमाडौं । नेपाल विद्युत प्राधिकरणका नवनियुक्त कार्यकारी निर्देशक हितेन्द्रदेव शाक्य प्राधिकरणमा टिम म्यानेजमा लागेका छन् । उनले आफू निकटलाई जिम्मेवारी दिने र हाल जिम्मेवारीमा रहेकालाई अन्तै सरुवा गरेर टिम व्यवस्थापनमा लागेका हुन् ।
शाक्यले विगतमा कुलमानले पत्याएका प्रवक्ता चन्दनकुमार घोषलाई प्रवक्ताको जिम्मेवारीबाट हटाएर नयाँ प्रवक्ता चयन गरेका छन् ।
उनले कार्यकारी निर्देशकको सचिवालय प्रमुखको रुपमा कार्यरत राजाभाइ शिल्पकारलाई प्रवक्ताको जिम्मेवारी दिएका हुन् । शिल्पकारलाई कार्यकारी निर्देशकको सचिवालय प्रमुखका रुपमा कार्यरत छन् । उनी सिभिल इन्जिनियर हुन् ।
