काठमाडौं । ऊर्जा, जलस्रोत तथा सिँचाइमन्त्री दीपक खड्काले फेरि नेपाल विद्युत प्राधिकरणका कार्यकारी निर्देशक कुलमान घिसिङलाई ४ बुँदे स्पष्टिकरण सोधेका छन् ।
बिहिबार घिसिङलाई पत्र पठाउँदै मन्त्रालयले मन्त्रिपरिषदकाे निर्णयअनुसार सफाइ पेस गर्न तीन दिनको मौका दिइएको भन्दै सफाइ पेस गर्न स्पष्टीकरण सोधेको हो ।
तपाईंलाई पदबाट किन नहटाउने भन्दै ऊर्जा मन्त्रालयले ४ बुँदे स्पष्टीकरण सोधको हो ।
नेपाल विद्युत प्राधिकरण ऐन २०४१ बमोजिम कार्यकारी निर्देशकले पालना गर्नुपर्ने आफ्नो काम र कर्तव्य पालना नगरेकोले तपाईंलाई पदबाट किन नहटाउने भनेर प्रश्न सोध्दै मन्त्रालयले उनीसँग स्पष्टिकरण सोधेको हो ।
