काठमाडौं । राष्ट्रिय स्वतन्त्र पार्टी (रास्वपा) ले प्रतिनिधि सभा संसद बैठक बहिस्कार गरेको छ ।
रास्वपाले अवरोधकाबीच सभामुख देवराज घिमिरेले प्रतिनिधिसभा बैठकको कार्यसूची अघि बढाएपछि रास्वपाका सांसदले बैठक बहिस्कार गरेका हुन् ।
रास्वपाले हिउँदे अधिवेशन सुरु हुनासाथ आकस्मिक समय मागेर अवरोध गरेको थियो । उनीहरूले बैठकको सुरुमै आफूहरूले आफ्ना कुरा राख्न पाउनुपर्ने भन्दै अवरोध गरिरहेका थिए ।
तर, सभामुख घिमिरेले समय नदिएपछि उनीहरुले सभा नै बहिस्कार गरेर बैठकबाट बाहिरिएका हुन् ।
