काठमाडौं । बुद्ध एयरको जहाजमा समस्या देखिएको छ । शुक्रबार चन्द्रगढीका लागि उडेको बुद्धको जहाजमा प्राविधिक समस्या देखिएपछि त्रिभुवन अन्तर्राष्ट्रिय विमानस्थलमै फर्काएर अवतरण गरिएको हो ।
त्रिभुवन विमानस्थल कार्यालयका अनुसार जहाजमा इण्डिकेसनको समस्या देखिएपछि काठमाडौंमै फिर्ता गरिएको हो ।
उक्त जहाज सवा २ बजे काठमाडौंमा अवतरण गरेको हो । अर्को जहाजबाट यात्रुहरूलाई झापा पठाउने तयारी गरिएको बुझिएको छ ।
