काठमाडौं । प्रधानमन्त्री पुष्पकमल दाहाल प्रचण्डको अनुरोधमा संसद बैंकले सोमबारको लागि सारिएको छ ।
आइतबार दिउँसो ३ बजेको लागि बोलाइएको बैठक सोमबार दिउँसो ३ बजे बस्ने गरी सारिएको छ ।
यसअघि प्रधानमन्त्री दाहाल, कांग्रेसका सभापति शेरबहादुर देउवा र एमालेका अध्यक्ष केपी शर्मा ओलीका बीच प्रधानमन्त्रीले संम्बोधन गरेर संसद बैठक सुचारू गर्ने सहमति बनेको थियो ।
सरदार प्रितम सिंहको पुस्तक विमोचन कार्यक्रममा प्रधानमन्त्री दाहालले आफुलाई प्रधानमन्त्री बनाउन सिंह पटक पटक दिल्ली पुगेको अभिव्यक्ति दिएपछि एमालेले राजीनामा मागेर संसद अवरोध गर्दै आएको थियो ।
आइतबार दिउँसो दाहाल, देउवा र ओलीले प्रधानमन्त्री निवास बालुवाटारमा बैठक गरी संसद सुचारु गराउने सहमति गरेका थिए ।
